კორონავირუსი კავკასიაში. 16-18 აპრილი, 2020

33 ახალი შემთხვევა. ეპიდემიის დაწყებიდან დღემდე, ინფიცირებულთაგან 590 ადამიანი გამოჯანმრთელდა და გაეწერა საავადმყოფოდან.

18 გარდაიცვალა.

აზერბაიჯანში გაძლიერებული კარანტინის რეჟიმია დაწესებული. დაკეტილია მეტრო, თუმცა, დადის ავტობუსები. მუშაობა შეჩერებული აქვს საწარმოების, ოფისების, რესტორნებისა და მაღაზიების უმრავლესობას, სასურსათოებისა და აფთიაქების გარდა. მოსახლეობისგან სახლში ყოფნას მოითხოვენ.

5 აპრილიდან შეზღუდვები წესდება გადაადგილებაზეც – შინიდან გამოსვლამდე, მოქალაქეებმა ამის შესახებ ხელისუფლებას SMS-ით უნდა შეატყობინონ. კარანტინის რეჟიმის დარღვევისთვის მოქალაქეებს აჯარიმებენ.

18 აპრილის 10:00 საათისთვის, საქართველოში კორონავირუსით ინფიცირების 385 შემთხვევაა დადასტურებული.

79 გამოჯანმრთელდა და 3  გარდაიცვალა.

კარანტინის რეჟიმშია 4971 ადამიანი, ხოლო სტაციონარში მეთვალყურეობის ქვეშ – 519 პირი.

ვითარება გაუარესდა ბოლნისის რაიონში. მხოლოდ ერთი დღის განმავლობაში ამ მუნიციპალიტეტში კორონავირუსით  დაინფიცირების 19 ახალი შემთხვევა გამოვლინდა. უმრავლესობა სასწრაფო დახმარების ბრიგადის კლასტერიდანაა.

სულ ამ დროისთვის ბოლნისში კორონავირუსით ინფიცირებულია 47 ადამიანი.

კორონავირუსით ინფიცირებულთა რაოდენობა გაიზარდა ქობულეთის კლასტერშიც. მათ შორის 6 ბავშვია. ისინი თბილისის ინფექციურ საავადმყოფოში გადაიყვანეს. ექიმების თქმით, ბავშვები კარგად არიან.

• დეთალურად

სომხეთში, კორონავირუსის პანდემიის დაწყებიდან, სულ 1 248 ადამიანი დაინფიცირდა.

მათგან 523 პაციენტი გამოჯანმრთელდა.

მონაცემები, Facebook-ის საკუთარ გვერდზე, სომხეთის პრემიერ-მინისტრმა, ნიკოლ ფაშინიანმა წარმოადგინა ისე, რომ არ დაელოდა კომენდატურის ოფიციალურ განცხადებას.

„ჩვენთან, აქტიური შემთხვევების რაოდენობა 75-თ შემცირდა. თუკი, წინა დღეებში, საავადმყოფოებში 780 ადამიანი მკურნალობდა, დღეს უკვე – 705-ია“, – დაწერა ნიკოლ ფაშინიანმა.

სომხეთში, შიდა აფეთქების საფრთხის გამო, კარანტინზე ჩაიკეტა არარატის პროვინციის სოფელი ნორაშენი.

ასევე, შესაძლოა, დაიკეტა საავადმყოფოც შირაკის პროვინციაში, სადაც კორონავირუსით ერთდროულად 9 ექიმი დაინფიცირდა.

სომხეთში, 14 მაისამდე საგანგებო მდგომარეობაა გამოცხადებული და მკაცრი შეზღუდვებია დაწესებული ადამიანების გადაადგილებაზე. სახლიდან გასვლა მხოლოდ უკიდურესი აუცილებლობის შემთხვევაში შეიძლება – პასპორტით და „გადაადგილების ანკეტით“.

შეჩერებულია საზოგადოებრივი ტრანსპორტის მოძრაობა, მათ შორის, არ მუშაობს მეტრო.

თუმცა, უკვე დაიწყო შეზღუდვების ნაწილობრივი შემსუბუქება და ზოგიერთმა საწარმომ მუშაობა განაახლა.

• სომხეთში კორონავირუსის გამო გაჩერებული საწარმოების ნაწილი ამუშავდა

ინფიცირებულთაგან 528 გამოჯანმრთელდა და 15 გარდაიცვალა.

ინფიცირების 42 ახალი შემთხვევის შემდეგ, სომხეთში, კორონავირუსით დაინფიცირებულთა საერთო რაოდენობამ 1,201-ს მიაღწია.

მათგან 402 პაციენტი გამოჯანმრთელდა და საავადმყოფოდან გაეწერა.

16 მარტს, სომხეთში, კორონავირუსის ფართოდ გავრცელების თავიდან ასაცილებლად საგანგებო მდგომარეობა გამოცხადდა. ხელისუფლების ახალი გადაწყვეტილებით, ის 14 მაისამდე გახანგრძლივდა.

25 მარტიდან დაწესებულია მკაცრი შეზღუდვები ადამიანების გადაადგილებაზე. სახლიდან გასვლა მხოლოდ უკიდურესი აუცილებლობის შემთხვევაშია შესაძლებელი – პასპორტითა და „გადაადგილების ანკეტით“.

მასში თითოეულმა მოქალაქემ პირადი მონაცემები, გამოსვლის მიზეზი და შინ დაბრუნების სავარაუდო დრო უნდა მიუთითოს. დამრღვევებს პოლიცია აკონტროლებს.

შეჩერებულია საზოგადოებრივი ტრანსპორტი, მათ შორის, მეტრო

• მაგრამ, სომხეთში კორონავირუსის გამო გაჩერებული საწარმოების ნაწილი ამუშავდა

17 აპრილის 10:00 საათისთვის, საქართველოში კორონავირუსით ინფიცირების 370 შემთხვევაა დადასტურებული.

კორონავირუსით ინფიცირებულთაგან 76 გამოჯანმრთელდა და 3  გარდაიცვალა.

კარანტინის რეჟიმშია 5079 ადამიანი, ხოლო სტაციონარში მეთვალყურეობის ქვეშ – 558 პირი.

კორონავირუსით  დაინფიცირების 4 შემთხვევა გამოვლინდა ბოლნისის მუნიციპალიტეტში. covid-19 დაუდგინდათ ბოლნისის რაიონის სასწრაფო დახმარების სამსახურის ექიმების ოჯახის წევრებს.

• დეთალურად

17 აპრილის დღის 12:00 საათიდან 21 აპრილის ჩათვლით საქართველოში მსუბუქი ავტომობილებით გადაადგილება იკრძალება.

ასევე სავალდებულო ხდება დახურულ სივრცეში პირბადის ტარება და იკეტება სასაფლაოებიც.

• დეთალურად

30 ახალი შემთხვევა. ეპიდემიის დაწყებიდან დღემდე, ინფიცირებულთაგან 460 ადამიანი გამოჯანმრთელდა და გაეწერა საავადმყოფოდან.

აზერბაიჯანში გაძლიერებული კარანტინის რეჟიმია დაწესებული. დაკეტილია მეტრო, თუმცა, დადის ავტობუსები. მუშაობა შეჩერებული აქვს საწარმოების, ოფისების, რესტორნებისა და მაღაზიების უმრავლესობას, სასურსათოებისა და აფთიაქების გარდა. მოსახლეობისგან სახლში ყოფნას მოითხოვენ.

5 აპრილიდან შეზღუდვები წესდება გადაადგილებაზეც – შინიდან გამოსვლამდე, მოქალაქეებმა ამის შესახებ ხელისუფლებას SMS-ით უნდა შეატყობინონ. კარანტინის რეჟიმის დარღვევისთვის მოქალაქეებს აჯარიმებენ.

ინფიცირების 48 ახალი შემთხვევის შემდეგ, სომხეთში, კორონავირუსით დაინფიცირებულთა საერთო რაოდენობამ 1 159-ს მიაღწია.

მათგან 358 პაციენტი გამოჯანმრთელდა და საავადმყოფოდან გაეწერა.

ხელისუფლების ცნობით, სომხეთში მასობრივი ტესტირება ტარდება. უკანასკნელი დღეების განმავლობაში ჩატარებულმა 9 632-მა ტესტმა უარყოფითი პასუხი აჩვენა.

განსაკუთრებული რეჟიმია დაწესებული არარატის პროვინციის სოფელ ნორაშენში – ჯერჯერობით, 16-დან 18 აპრილამდე – შეზღუდულია ადამიანებისა და ტრანსპორტის შესვლა-გასვლა, გამონაკლისია მხოლოდ საკვები პროდუქტები, მედიკამენტები და პირველადი საჭიროების ნივთები.

როგორც პრემიერ-მინისტრმა ნიკოლ ფაშინიანმა განაცხადა, ამ სოფლის ერთ-ერთი მცხოვრები კარანტინში იმყოფებოდა. მის ოჯახში ტრაგედია მოხდა, კომენდატურამ ის დაკრძალვაზე პოლიციის თანამშრომლებთან ერთად გაუშვა. ცერემონიის დროს, მან ემოციები ვერ შეიკავა და ნათესავებს გადაეხვია, პოლიციამ სიტუაციის გაკონტროლება ვერ შეძლო.

ორი დღის შემდეგ, ამ ადამიანს კორონავირუსი დაუდასტურდა, კომენდატურამ კი სოფლის კარანტინზე ჩაკეტვის გადაწყვეტილება მიიღო.

ამოქმედდა სპეციალური საკონტროლო-გამშვები პუნქტები, პოლიცია და ეროვნული უსაფრთხოების ძალები აკონტროლებენ ადამიანების გადაადგილებას.

საქართველოში კორონავირუსით ინფიცირების 336 შემთხვევაა დადასტურებული. კარანტინის რეჟიმშია 5000 ადამიანი, ხოლო სტაციონარში მეთვალყურეობის ქვეშ – 494 პირი.

კორონავირუსით ინფიცირებულთაგან 74 გამოჯანმრთელდა და 3  გარდაიცვალა.

კორონავირუსით  დაინფიცირების 3 შემთხვევა გამოვლინდა ბოლნისის მუნიციპალიტეტის სოფელ სავანეთში, შესვლა-გასვლა აიკრძალა.

ახალი შემთხვევებია ბოლნისის რაიონის სასწრაფო სამსახურის კლასტერში, სადაც ხუთ ინფიცირებულ თანამშრომელს კიდევ ორი დაემატა.

• სულ ბოლნისის მუნიციპალიტეტში დღემდე კორონავირუსის 20 ფაქტია დაფიქსირებული

• კავკასიაში, კორონავირუსის პანდემიასთან დაკავშირებული წინა მოვლენების ქრონიკა