დიდმა ბრიტანეთმა "ქართული ოცნების" კიდევ ოთხი მაღალჩინოსანი დაასაქნცირა

დიდი ბრიტანეთის სანქციები

დიდმა ბრიტანეთმა “ქართული ოცნების” კიდევ 4 მაღალჩინოსანს ფინანსური სანქციები დაუწესა. ისინი გაერთიანებული სამეფოს ადამიანის უფლებების გლობალური სანქციების ფარგლებში მოექცნენ. 

ოთხივე სანქცირებულს გაეყინება აქტივები, ასევე სავიზო შეზღუდვა დაუწესდება.

"ივანიშვილის დასანქცირების შემთხვევაში დიდი ბრიტანეთის ავტორიტეტი საბოლოოდ ჩაბარდება წარსულს" – ოცნების პოლიტსაბჭოს განცხადება

“დიფ სთეითმა“ დიდი ბრიტანეთი უკრაინის, ლიეტუვის, ესტონეთისა და ევროპარლამენტის “დონემდე დაიყვანა”

დიდმა ბრიტანეთმა დაასანქცირა: 

● გიორგი გაბიტაშვილი – გენერალური პროკურორი;

● შალვა ბედოიძე – შინაგან საქმეთა მინისტრის მოადგილე;

● მირზა კეზევაძე – შინაგან საქმეთა სამინისტროს განსაკუთრებულ დავალებათა დეპარტამენტის ხელმძღვანელის (ზვიად ხარაზიშვილი – ხარება) მოადგილე;

● კარლო კაციტაძე – სპეციალური საგამოძიებო სამსახურის უფროსი.

“დიდი ბრიტანეთის მთავრობამ ადამიანის უფლებების დარღვევებისთვის სასანქციო სიაში 4 პირი დაამატა. ეს პაკეტი მიმართულია ქართველ მაღალჩინოსნებზე, რომლებიც პასუხისმგებელნი არიან ადამიანის უფლებების გლობალური სანქციების (2020 წლის რეგულაციის თანახმად) ადამიანის უფლებების სერიოზულ დარღვევებზე.” – წერია დოკუმენტში.

განმარტება

• შალვა ბედოიძე – არის და/ან იყო პასუხისმგებელი იმ საქმიანობაზე, რომელიც წარმოადგენს პირის უფლების სერიოზულ დარღვევას, არ დაექვემდებაროს სასტიკ, არაადამიანურ ან დამამცირებელ მოპყრობას ან სასჯელს. კერძოდ, ევროკავშირში გაწევრიანების მოლაპარაკებების შეჩერების გამოცხადების შემდეგ გამართული საპროტესტო აქციების დროს, საქართველოს შინაგან საქმეთა სამინისტრომ ზედამხედველობა გაუწია პოლიციის ძალების მიერ მომიტინგეების წინააღმდეგ ძალადობის არაპროპორციულ გამოყენებას.
• მირზა კეზევაძე – არის და/ან იყო პასუხისმგებელი იმ საქმიანობაზე, რომელიც წარმოადგენს პირის უფლების სერიოზულ დარღვევას. კერძოდ, უცხოური გავლენის შესახებ კანონის მიღების შემდეგ გამართული საპროტესტო აქციების დროს, შინაგან საქმეთა სამინისტროს სპეციალური დანიშნულების დეპარტამენტის (სპეციალური დანიშნულების დეპარტამენტი) და თბილისის პოლიციის დეპარტამენტის უსაფრთხოების ძალებმა ძალადობრივად მიიტანეს იერიში საქართველოს მოქალაქეებზე, პოლიტიკური ოპოზიციის ლიდერებზე, ჟურნალისტებსა და ახალგაზრდა აქტივისტებზე. სპეციალური დანიშნულების დეპარტამენტის უფროსის მოადგილის თანამდებობაზე ყოფნისას, ამ ძალადობას ხელმძღვანელობდა მირზა კეზევაძე.
• კარლო კაციტაძე – არის და/ან იყო პასუხისმგებელი იმ საქმიანობის გამოძიებაზე ან სისხლისსამართლებრივ დევნაზე, რომელიც წარმოადგენს პირის უფლების სერიოზულ დარღვევას. კერძოდ, უცხოური გავლენის შესახებ კანონის მიღების შემდეგ გამართული საპროტესტო აქციების დროს, შინაგან საქმეთა სამინისტროს სპეციალური დანიშნულების დეპარტამენტის (სპეციალური დანიშნულების დეპარტამენტი) და თბილისის პოლიციის დეპარტამენტის უსაფრთხოების ძალებმა ძალადობრივად მიიტანეს სამიზნეები საქართველოს მოქალაქეების, პოლიტიკური ოპოზიციის ლიდერების, ჟურნალისტებისა და ახალგაზრდა აქტივისტების მიმართ. სპეციალური საგამოძიებო სამსახურის უფროსის თანამდებობაზე ყოფნისას, კარლო კაციტაძე პასუხისმგებელია პოლიციის ძალადობის გამო სამართალდამცავი ორგანოების წარმომადგენლების გამოძიებასა და პასუხისგებაში მიცემაზე და ამ შემთხვევაში მან ეს არ გააკეთა.
• გიორგი გაბიტაშვილი – არის და/ან იყო პასუხისმგებელი იმ საქმიანობის გამოძიებაზე ან სისხლისსამართლებრივ დევნაზე, რომელიც წარმოადგენს პირის უფლების სერიოზულ დარღვევას. კერძოდ, უცხოური გავლენის შესახებ კანონის მიღების შემდეგ გამართული საპროტესტო აქციების დროს, შინაგან საქმეთა სამინისტროს განსაკუთრებულ დავალებათა დეპარტამენტის (სპეციალურ დავალებათა დეპარტამენტი) და თბილისის პოლიციის დეპარტამენტის უსაფრთხოების ძალებმა ძალადობრივად მიმართეს საქართველოს მოქალაქეებს, პოლიტიკური ოპოზიციის ლიდერებს, ჟურნალისტებს და ახალგაზრდა აქტივისტებს. გენერალური პროკურორის რანგში, გიორგი გაბიტაშვილი პასუხისმგებელია პოლიციის ძალადობისთვის პასუხისმგებელი სამართალდამცავი ორგანოების წარმომადგენლების გამოძიებისა და სისხლისსამართლებრივი დევნის ზედამხედველობაზე და ამ შემთხვევაში მან ეს ვერ შეძლო.

ჯეიმს მაკკლირი: ივანიშვილი ღელავს, რომ ბრიტანეთის სანქციები შეიძლება რეალობად იქცეს

მაკკლირი ფიქრობს, რომ არსებობს შანსი, ბიძინა ივანიშვილის “განეიტრალებით”, მის მიერ შექმნილი სისტემაც ჩამოიშალოს

გაერთიანებულმა სამეფომ 2 აპრილს მოსამართლეთა კლანის წევრებს, მიხეილ ჩინჩალაძესა და ლევან მურუსიძეს სანქციები დაუწესა. დოკუმენტის მიხედვით, სანქცირებულ მოსამართლეებს გაეყინებათ ბრიტანეთის ტერიტორიაზე, მათ კუთვნილებაში არსებული ყველა სახის ქონება, მათ შორის, ფინანსური ანგარიშები.

დოკუმენტში ჩინჩალაძისა და მურუსიძის მიერ რეჟიმის სასურველ გადაწყვეტილებებზეა საუბარი. ასევე, გამახვილებულია ყურადღება მათ კორუფციულ შესაძლო კავშირებზე.

მოსაზრება: მოსამართლეების დასანქცირება განაცხადია, რომ ჩვენთან თავისუფალი სასამართლო არ არსებობს

გიორგი რუხაძე: აშშ-ს მოთხოვნა კი, როგორც ჩანს, იქნება დაპატიმრებულების გათავისუფლება და დემოკრატიული მანდატის მოპოვება

მანამდე, 2024 წლის 19 დეკემბერს, დიდი ბრიტანეთისა და ჩრდილოეთ ირლანდიის გაერთიანებულმა სამეფომ ხუთ ქართველ მაღალჩინოსანს სანქციები დაუწესა. დასანქცირებულთა შორის არიან, საქართველოს შინაგან საქმეთა მინისტრი ვახტანგ გომელაური და მისი მოადგილე, განსაკუთრებულ დავალებათა დეპარტამენტის უფროსი “ხარება” და მისი მოადგილე და თბილისის პოლიციის უფროსი.

ბრიტანეთის მთავრობის განმარტებით, ეს ხუთი ქართველი მაღალჩინოსანი პასუხისმგებელია ჟურნალისტებსა და მშვიდობიან მომიტინგეებზე ძალადობრივ თავდასხმებზე.

სანქციები მოჰყვა დიდი ბრიტანეთის გადაწყვეტილებას, შეაჩეროს საქართველოს მთავრობის მხარდაჭერის ყველა პროგრამა, მათ შორის, თავდაცვის სექტორში. ასევე, შეზღუდოს თანამშრომლობა “ქართულ ოცნებასთან”.

ნეით სიბლი: ივანიშვილის მსგავსმა კლეპტოკრატებმა უნდა იცხოვრონ შიშით, რომ გაერთიანებული სამეფო მათთვის სანქციებს გამოიყენებს

“ბრიტანეთის ზღვისიქითა ტერიტორიების მდიდრების მისაზიდად შემუშავებულმა პოლიტიკამ ასევე მიიზიდა კრიმინალები”