covid-19-ით საქართველოში კიდევ ერთი ადამიანი გარდაიცვალა

კორონავირუსით საქართველოში კიდევ ერთი, მე-19 ადამიანი გარდაიცვალა. covid-19-ით გარდაცვლილი ქალია, რომელსაც მენჯ-ბარძაყის მოტეხილობა ჰქონდა და ოჯახის თხოვნით სახლში მკურნალობდნენ. მას კოვიდ-ინფიცირებული და უვლიდა. 

ინფექციური საავადმყოფოს სამედიცინო დირექტორის მარინა ეზუგბაიას თქმით, გარდაცვლილი ქალის მკურნალობას ის მეთვალყურეობდა.

• ინფექციურმა საავადმყოფომ აივ/შიდსით და კოვიდ-ინფიცირებული პაციენტების მიღება შეაჩერა

“პაციენტს აღენიშნებოდა მენჯ-ბარძაყის სახსრის მოტეხილობა, იყო ჭარბწონიანი, ამ პრობლემების გამო ძალიან დატვირთული ფსიქო-ემოციური მდგომარეობა. მას უვლიდა მისი და  – ისიც ასევე კოვიდ-ინფიცირებული. დაავადება ორივესთან მსუბუქად მიმდინარეობდა, თითქმის უსიმპტომოდ, მაგრამ განვითარდა ცხიმოვანი ემბოლია, როგორც ახასიათებს ასეთ მოტეხილობებს და პაციენტი გარდაიცვალა ამ მიზეზის გამო”, – ამბობს ეზუგბაია.

კორონავირუსი დაუდასტურდა გარდაცვლილი ქალის ერთ-ერთ შვილს და მეუღლესაც.  ისინი გარდაცვლილის დასთან ერთად საავადმყოფოში გადაიყვანეს. 

25 აგვისტოსთვის საქარითველოშ კორონავირუსის 1 428 შემთხვევაა დადასტურებული, აქედან 1 150 ადამიანი გამოჯანმრთელდა, ხოლო 19 გარდაიცვალა.