covid-19-ის 19 ახალი შემთხვევა საქართველოში, სულ 671
ბოლო 24 საათში საქართველოში covid-19-ის 19 ახალი შემთხვევა გამოვლინდა.
15 მაისის მონაცემებით, საქართველოში კორონავირუსით ინფიცირების 671 შემთხვევაა დადასტურებული. კარანტინის რეჟიმშია 3873 ადამიანი, ხოლო სტაციონარში მეთვალყურეობის ქვეშ – 404 პირი. კორონავირუსით ინფიცირებულთაგან 393 გამოჯანმრთელდა და 12 გარდაიცვალა.
უცხოეთიდან საქართველოში სამკურნალოდ გადმოყვანილია კორონავირუსით ინფიცირებული საქართველოს 3 მოქალაქე.
აქტიური PCR-ტესტირება ტარდება ბოლნისის მუნიციპალიტეტში, რომელიც ამ დროისთვის ახალი კორონავირუსის გავრცელების ყველაზე მაღალი რისკის ზონად რჩება საქართველოში.
- მთავრობის ანტიკრიზისული გეგმა – ვინ რა დახმარებას მიიღებს
- როგორ აპირებს საქართველოს ხელისუფლება სოფლის მეურნეობის გადარჩენას
- თბილისი გაიხსნა, კიდევ რა ამუშავდა 11 მაისიდან. დეტალურად
- ონლაინ-სწავლება – ჩავარდნა თუ გარღვევა? როგორ მოერგო ქართული სკოლა ახალ რეალობას
covid-19-ის ახალი შემთხვევები ბოლნისის სოფლებში – გეტასა და მუშევანშია გამოვლენილი.
ორივე ამ სოფელში კარანტინია გამოცხადებული.
ეპიდემიოლოგები მუშაობენ სოფელ მუშევანში, სადაც კორონავირუსი 29 ადამიანს დაუდასტურდა.
კორონავირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.
