მოსაზრება: "ოცნება" ცდილობს აშშ-სთან ურთიერთობების მოწესრიგებას, რათა ბიძინა ივანიშვილს სანქციები მოუხსნან

ბიძინა ივანიშვილის სანქციები

“სტრატეგიული ანალიზის ცენტრის“ დამფუძნებელმა გიორგი რუხაძემ განაცხადა, რომ “ქართული ოცნება“ ცდილობს აშშ-სთან ურთიერთობების მოწესრიგებას, რათა ოცნების საპატიო თავმჯდომარეს, ბიძინა ივანიშვილს სანქციები მოუხსნან.

მარკო რუბიო: აშშ ელოდება, რომ "ქართული ოცნება“ ტრაექტორიას შეიცვლის

მათ გვკითხეს, რა არის საჭირო იმისთვის, რომ აშშ-სთან უკეთესი ურთიერთობები ჰქონდეთ”

მისივე თქმით, პრემიერ-მინისტრმა ირაკლი კობახიძემ რესპუბლიკელ კონგრესმენ ჯო უილსონს შეურაცხყოფა მიაყენა და “მისი ასე თავხედობა”, მარტივად არ ჩაივლის.

“საქართველო არ არის სკოლის მოსწავლე, რომ ვინმემ საშემოდგომო გამოაყოლოს, საქართველო არის ღირსეული სახელმწიფო – თუ რაიმე გაფუჭდა ამერიკულ ურთიერთობებში, გაფუჭდა წინა ადმინისტრაციის მხრიდან, 100%-ით. გამოვიდა ჯო უილსონი, გამოვიდა ეკა გიგაური და საუბრობდნენ იმაზე, თითქოს საქართველო გამოიყენება ირანული სანქციების გვერდის ავლისთვის, ამაზე სამარცხვინო რა უნდა იყოს?” – განაცხადა კობახიძემ.

ამასთან, პრემიერმა კატეგორიულად უარყო აშშ-ის სახელმწიფო მდივნის, მარკო რუბიოს განცხადება იმის შესახებ, რომ თბილისმა ვაშინგტონთან ურთიერთობების აღდგენის გზები იკითხა.

გიორგი რუხაძე: “რაც ბატონმა რუბიომ თქვა, ისაა, რომ „ქართული ოცნება“ ცდილობს, რომ რაღაცნაირად ურთიერთობა მოაწესრიგოს აშშ-სთან. ძირითადად ეს იმისთვის სჭირდებათ, რომ ივანიშვილს როგორღაც სანქციები მოუხსნან. „ქართულ ოცნებას“ როგორც სჩვევია, ალბათ რაღაც-რაღაცებს შეჰპირდნენ. ამბავი ჩაუტანეს, რომ „ქართული ოცნება“ მზად არის, რაღაცები გაითვალისწინოს, რაღაცებზე უკან დაიხიოს და ქცევა შეიცვალოს.

რაც შეეხება საშემოდგომოს, თუ კობახიძე კარგად დაუკვირდება, ბატონი რუბიო ამბობს, რომ „თუ ისინი შეიცვლიან ქცევას“ ანუ აქ საქართველოზე კი არ ლაპარაკობს, ლაპარაკობს „ქართულ ოცნებაზე“, საქართველო კი არ არის მოსწავლე, რომელსაც საშემოდგომოს აყოლებენ, „ქართული ოცნებაა“, რომელსაც გამოყოლილი აქვს საშემოდგომო და ახლა ცდილობს, რომ რაიმე ფორმით ჩააბაროს. ამაზეა აქ ლაპარაკი.

კობახიძემ შეურაცხყოფა მიაყენა ჯო უილსონს, ჟურნალისტებს უთხრა, რომ უილსონის დონემდე არ უნდა დახვიდეთო. დაამცირა კაცი, არადა კობახიძე არის ჭიაყელა ჯო უილსონთან შედარებით, როგორც პოლიტიკური მოღვაწე. კობახიძე არავინ არ არის და ჯო უილსონი არის ძალიან სერიოზული პოლიტიკოსი, უკვე დიდი ხანია კონგრესის წევრია და ტრამპთან დაახლოებული პირია. მე მგონია, რომ კობახიძის ასე თავხედობა, ასე მარტივად არ ჩაივლის.“

ირაკლი კობახიძე: რაც შტატებს უნდა და რაც მამას უნდა — ამას გაიგებთ მოგვიანებით

“საქართველო არ არის სკოლის მოსწავლე, რომ საშემოდგომო გამოაყოლოს ვინმემ”