აზერბაიჯანში პლასტმასის ნარჩენებისგან დაგებული გზები გამოჩნდება
აზერბაიჯანში გზების მდგომარეობის გასაუმჯობესებლად 500 ტონაზე მეტ პლასტმასის ნარჩენს გამოიყენებენ, რომელიც გადამუშავებას არ ექვემდებარება. მისგან 1690 კილომეტრის გზას დააგებენ.
- ნამახვანჰესი არ აშენდება. ENKA საქართველოს მთავრობასთან ხელშეკრულებას წყვეტს
- სომხეთი: „საშუალო ფენას“ ახალ მშენებლობებში საცხოვრებლის ყიდვა არ შეუძლია
- აფხაზეთში რუსული „გაზპრომი“ შედის. იქ ბინებში პირველად გამოჩნდება გაზი
აზერბაიჯანში ინფრასტრუქტურული ქსელის განახლების მიზნით, ერთ-ერთ შოტლანდიურ კომპანიასთან ხელი მოეწერა ხელშეკრულებას ერთი მილიონი ფუნტი სტერლინგის ოდენობით.
2021 წელს, აზერბაიჯანში სამშენებლო სექტორი, დაახლოებით, 10 პროცენტით გაიზრდება, აცხადებს ტობი მაკარტნი – იმ კომპანიის დამფუძნებელი და აღმასრულებელი დირექტორი, რომელსაც GlobalData-ს ანგარიშის თანახმად, ამ სამუშაოს შესრულება მოუწევს.
კომპანიაში აღნიშნეს, რომ 1 კილომეტრი პლასტმასის გზის დასაგებად, საჭიროა 740 541 ცალი გამოყენებული პოლიეთილენის პაკეტი.
როგორც АРА იტყობინება, აზერბაიჯანში დიდი ბრიტანეთის ელჩმა, ჯეიმს შარპმა დადებითად შეაფასა ხელმოწერილი ხელშეკრულება. დიპლომატმა სხვა ბრიტანულ კომპანიებსაც მოუწოდა აზერბაიჯანთან აქტიური თანამშრომლობისკენ: „ქვეყანა ტრანსკასპიური აღმოსავლეთ-დასავლეთის სავაჭრო და სატრანზიტო დერეფნის ცენტრში მდებარეობს და აზერბაიჯანი გვთავაზობს რეგიონის სხვა ქვეყნებთან წვდომის კარგ შესაძლებლობას“.
ახლა პლასტმასის გზების დგება მსოფლიოს რამდენიმე ქვეყანაში მიმდინარეობს, მათ შორის, აშშ-ში, თურქეთში, ბრაზილიაში, ნორვეგიაში, ბარბადოსში, ესპანეთში, სამხრეთ კორეასა და ესტონეთში.
