Ադրբեջանում պլաստիկե թափոններից ճանապարհներ կկառուցվեն
Ադրբեջանում ճանապարհների բարեկարգման համար կօգտագործվի ավելի քան 500 տոննա պլաստիկե թափոն։ Դրանց կիրառմամբ կկառուցվի 1690 կմ ճանապարհ։ Այդպիսի 1 կմ ճանապարհի կառուցման համար կպահանջվի ավելի քան 740 հազար օգտագործված պոլիէթիլենային տոպրակ։
- Ներդրողը հրաժարվել է Վրաստանում Նամախվանիի ՀԷԿ-ի կառուցումից, որը բնակչության դժգոհությունն էր առաջացրել
- Բնակարանային հարց․ Հայաստանում «միջին խավը» չի կարողանա բնակարան գնել նորակառույցներում
- Աբխազիա է գալիս ռուսական «Գազպրոմը», բնակարաններում առաջին անգամ գազ կհայտնվի
Ադրբեջանում ենթակառուցվածքային ցանցի թարմացման համար մեկ միլիոն ֆունտ ստերլինգ արժողությամբ պայմանագիր է կնքվել շոտլանդական ընկերություններից մեկի հետ։
Պայմանագրի պայմանների համաձայն՝ պլանավորվում է երկում 1690 կմ երկարությամբ պլաստիկե ճանապարհների կառուցում։ Այդ նպատակով կօգտագործվեն ավելի քան 500 տոննա պլաստիկե թափոններ, որոնք վերամշակման ենթակա չեն
![](https://jam-news.net/app/uploads/2021/09/MacRebur-Roads-889x500-1.jpg)
Այդ աշխատանքներն իրականացնող ընկերության գործադիր տնօրեն և հիմնադիր Թոբի ՄաքՔարթնիի խոսքով՝ ըստ GlobalData-ի զեկույցի, 2021 թ․-ին շինարարական ոլորտն Ադրբեջանում կաճի մոտ 10 տոկոսով։
Ընկերությունում նշել են, որ պլաստիկե ճանապարհի մեկ կիլոմետրի շինարարության համար կպահանջվի 740 հազար 541 օգտագործված պոլիէթիլենային տոպրակ։
Ինչպես հաղորդում է АРА-ն, Ադրբեջանում Մեծ Բրիտանիայի դեսպան Ջեյմս Շարփը բարձր է գնահատել ստորագրված պայմանագիրը։ Նա մյուս բրիտանական ընկերություններին նույնպես կոչ է արել ակտիվորեն համագործակցել Ադրբեջանի հետ․ «Երկիրը տեղակայված է Տրանսկասպյան արևելյան-արևմտյան առևտրային և տարանցիկ միջանցքի կենտրոնում, և Ադրբեջանը լավ հնարավորություններ է առաջարկում տարածաշրջանի մյուս երկրների հասանելիության առումով»։
Ներկա պահին պլաստիկե ճանապարհների շինարարություն իրականցվում է աշխարհի մի քանի երկրներում, այդ թվում՝ ԱՄՆ-ում, Թուրքիայում, Բրազիլիայում, Նորվեգիայում, Բարբադոսում, Իսպանիայում, Հարավային Կորեայում և Էստոնիայում։