კორონავირუსი კავკასიაში. სომხეთი: 372 ახალი შემთხვევა, 7 გარდაცვლილი და 300 მძიმე ავადმყოფი

მისი თქმით, ქვეყანაში ეპიდმდგომარეობა მართვადია, ამიტომ გახდა შესაძლებელი შეზღუდვების მოხსნა.

29 მაისიდან ამუშავდება საზოგადოებრივი ტრანსპორტი, 8 ივნისიდან კი, ღია მაღაზიები და კაფე/რესტორნები.

უფრო ვრცლად, რა შეზღუდვები იხსნება და რა რჩება

სულ პანდემიის დაწყებიდან კორონავირუსით დაინფიცირდა 7 774 ადამიანი, მათგან 98 გარდაიცვალა, 3 255 – გამოჯანმრთელდა.

ექსპერტები ამბობენ, რომ სომხეთში სიტუაცია კრიტიკულია.

არსებობს რისკი, რომ ერთი კვირაში ქვეყნის ჯანმრთელობის სისტემა მიაღწევს მაქსიმალურ დატვირთვას, რის შემდეგაც ექიმები აღმოჩნდებიან ვითარებაში, როდესაც ყველა პაციენტის მკურნალობას ვეღარ შეძლებენ. 

• ინფიცირებულთა რაოდენობა იზრდება და ეს პიკი არ არის. რა ხდება სომხეთში?    

ბოლო დღე–ღამეში სომხეთში ოთხი ადამიანი გარდაიცვალა. 289 ახალი ინფიცირებულია. 

ოფიციალურად დადასტურდა ინფიცირების შემთხვევები მარი იზმირლიანის ბავშვთა სახლში, ერევანში. მისი აღსაზრდელები შეზღუდული შესაძლებლობის მქონე ბავშვები არიან.

სულ პანდემიის დაწყებიდან დაინფიცირდა 7 402 ადამიანი,  91 – დაიღუპა; 3 220 – გამოჯანმრთელდა.

კორონავირუსთან ბრძოლის ზომები სომხეთში

სომხეთში საგანგებო მდგომარეობა 13 ივნისამდე გრძელდება. მაგრამ უკვე მოიხსნა გადაადგილებაზე შეზღუდვა და გაიხსნა თითქმის ყველა ბიზნესი: საწარმოები, მაღაზიები, საპარიკმახეროები, მუზეუმები.

18 მაისიდან მუშაობა დაიწყო საზოგადოებრივმა ტრანსპორტმა. მას დეზინფექცია უტარდება ხოლმე. ტრანსპორტში, ყველა მგზავრმა ნიღაბი უნდა გაიკეთოს.

გამოცემა “Основа” ვლადიკავკაზის რესპუბლიკურ საავადმყოფოში მომხდარი კონფლიქტის შესახებ წერს. ხანშიშესული პაციენტის შვილმა ექიმები იმაში დაადანაშაულა, რომ ისინი მამამისს „ჩიპავდნენ“, რადგან მას ლავიწის ქვეშ ახალი შრამი აღმოუჩინეს. ექიმების განმარტება, რომ ეს კათეტერის შეერთების შედეგი იყო, არ დაეხმარათ.

იქვე წარმოიქმნა კონფლიქტი ჩრდილოეთ ოსეთის მუფთთან, ჰაჯიმურატ გაცალოვთან. საავადმყოფოში, მან წამლების შეკვრა მიიტანა და COVID-19-ის დიაგნოზით, მძიმე მდგომარეობაში მყოფი მოითხოვდა, რომ ისინი მიეცათ, რადგან „ახლობელმა ურჩია“.

აპრილის ბოლოს, ჩრდილოეთ ოსეთში, კორონავირუსით 65 გარდაცვლილი იყო. 26 მაისს კი უკვე – 132. მაგრამ ეს მხოლოდ იმ ადამიანების რაოდენობაა, რომლებიც ვირუსზე თუნდაც გარდაცვალების შემდეგ შეამოწმეს. თუმცა, ეპიდემიის დაწყებიდან ტესტირება მხოლოდ გარდაცვალების შემთხვევათა 8 პროცენტს ჩაუტარდა – 1 106-დან 81.

სულ, პანდემიის დაწყებიდან, ჩრდილოეთ ოსეთში 2 645 ადამიანი გარდაიცვალა.

• კორონავირუსის უცნაური სტატისტიკა რუსეთში: კარგი მედიცინა თუ პუტინის ხელისუფლებაში დარჩენის სურვილი?

ეპიდემიის დაწყებიდან 51 ადამიანი გარდაიცვალა.

დღე-ღამის განმავლობაში, კიდევ 149 ადამიანი დაინფიცირდა.

ეპიდემიის დაწყებიდან, ინფიცირებულთა საერთო რაოდენობამ – 4 271 შეადგინა.

მათგან 2 741 გამოჯანმრთელდა და საავადმყოფოდან გაეწერა.

კორონავირუსთან ბრძოლის ზომები აზერბაიჯანში

აზერბაიჯანში, კარანტინი 31 მაისამდე გრძელდება, თუმცა, უკვე მოიხსნა შეზღუდვების დიდი ნაწილი.

ადამიანებს თავისუფლად შეუძლიათ გადაადგილება საკუთარ ქალაქებსა და სოფლებში, მოიხსნა საკარანტინე აკრძალვა თითქმის ყველა სახის ბიზნესზე, მათ შორის, ამუშავდა საპარიკმახეროები, მუზეუმები, ღია პარკები.

გახსნილია ყველა კაფე და რესტორანი, მაგრამ მუშაობენ 8:00-დან 18:00 საათამდე.

მუშაობს ყველა მაღაზია, სავაჭრო ცენტრების გარდა.

ბაქოში მოძრაობს საზოგადოებრივი ტრანსპორტი, მათ შორის, მეტრო.

კვლავინდებურად ჩაკეტილია შესასვლელ-გასასვლელები ბაქოში, სუმგაითში, განჯაში, ლენქორანსა და აფშერონის ნახევარკუნძულზე.

ჩაკეტილია საზღვრები და შეჩერებულია ავიამიმოსვლა.

ეს ვიდეო ინსტაგრამზე გამოქვეყნდა. ავტორი კომენტარს აკეთებს პირობებზე, რომელშიც რაიონის ცენტრალური საავადმყოფოს ინფექციური განყოფილების პაციენტები იმყოფებიან. ადგილობრივი მცხოვრებლები ამბობენ, რომ განყოფილება უკვე არაერთი წელია ასეთ მდგომარეობაშია.

 «ეს შხაპია, შეხებაც არ მსურს. უნიტაზს კი ბაკიც არ აქვს“.  

https://www.instagram.com/p/CAkoXvPJtiy/?utm_source=ig_web_copy_link

ეპიდემიის დაწყებიდან 87 ადამიანი გარდაიცვალა.

ეპიდემიის დაწყებიდან, ინფიცირებულთა საერთო რაოდენობამ – 7 113 შეადგინა.

მათგან 3 145 გამოჯანმრთელდა და საავადმყოფოდან გაეწერა.

კორონავირუსთან ბრძოლის ზომები სომხეთში სომხეთში, საგანგებო მდგომარეობა

13 ივნისამდე გრძელდება. მაგრამ უკვე მოიხსნა გადაადგილებაზე შეზღუდვა და გაიხსნა თითქმის ყველა ბიზნესი: საწარმოები, მაღაზიები, საპარიკმახეროები, მუზეუმები.

18 მაისიდან მუშაობა დაიწყო საზოგადოებრივმა ტრანსპორტმა. მას დეზინფექცია ჩაუტარდება ხოლმე. ტრანსპორტში, ყველა მგზავრმა ნიღაბი უნდა გაიკეთოს.

• კორონავირუსთან ბრძოლის საუკეთესო მეთოდი – პირადი პასუხისმგებლობა? „კვირა კავკასიაში“ JAMnews-ისგან

წერილში, რომელიც რუსეთის სახელმწიფო დუმის სხდომაზე, ქალაქ იაროსლავის დეპუტატმა, ოლგა სეკაჩევამ წაიკითხა, ნათქვამია:

„მეშინია იმის გახსენება, რაც გამოვიარე, სანამ სოფელ კარაბიხას საავადმყოფოში, კორონავირუსზე ვმკურნალობდი. ფაქტობრივად არ მკურნალობდნენ. სამი დღის განმავლობაში მაძლევდნენ აზიტრომიცინს – სამი ნემსი, ორი წვეთოვანი. რენტგენი არც ერთხელ არ გაუკეთებიათ… შემოწმების შემდეგ მოაშორეს გვამები, რომლებიც ათობით ეყარა ჩემი პალატის კართან, ჩემი საწოლიდან ხუთ მეტრში. ჩემი თხოვნის საპასუხოდ, რომ წაეღოთ ცხედრები, განმიცხადეს: „არ ინერვიულოთ, ისინი არ ადგებიან“.

ოფიციალური მონაცემებით, ამ ოლქში, ეპიდემიის დაწყებიდან კორონავირუსით გარდაიცვალა 13 ადამიანი.

ადგილობრივმა ხელისუფლებამ საპასუხოდ განაცხადა, რომ „ისეთი დაავადებების მქონე ადამიანები, როგორიცაა დიაბეტი, გულის პრობლემები და აივ-ინფექცია, იღუპებიან არა კორონავირუსისგან, არამედ კორონავირუსის ფონზე“.

რუსეთში, კორონავირუსით დაინფიცირდა 344 481 ადამიანი, მათგან 3 541 გარდაიცვალა. თუმცა, ეს სტატისტიკა დიდ ეჭვებს იწვევს, როგორც ქვეყნის შიგნით, ისე მის ფარგლებს გარეთ. კერძოდ, COVID-19-ისგან ყველაზე მეტად დაზარალებულ ქვეყნებში იღუპება 300-დან 500 კაცამდე მილიონ მოსახლეზე, რუსეთში – 24 ადამიანი.

წყარო: “МБХ медиа”.

• კორონავირუსის უცნაური სტატისტიკა რუსეთში: კარგი მედიცინა თუ პუტინის ხელისუფლებაში დარჩენის სურვილი?

• კავკასიაში, კორონავირუსის პანდემიასთან დაკავშირებული წინა მოვლენების ქრონიკა