ამინდი ინტერნეტში: “მამა” BBC- დან, “დედა” სამხრეთი კორეიდან და “ბავშვი” ეთერში

გასულ კვირას ორი სამხრეთკორეელი გოგონას ინტერნეტდაპირისპირებას შევესწარი. ერთ-ერთი მათგანი – მარიონი – 4 წლისაა, მეორეს კი პან კინ ხე ჰქვია და ის 65 წლისაა.

ყველაფერი კი იმით დაიწყო, რომ  პროფესორმა რობერტ კელიმ რამდენიმე წამში დაკარგა სახელი და გვარი. ამჟამად იგი ცნობილია მეტსახელით  “მამიკო BBC-დან”.

რობერტ კელი სკაიპით ჩაერთო BBC-ს ეთერში და სამხრეთ კორეის პრეზიდენტ პან კინ ხეს იმპიჩმენტზე დაიწყო საუბარი. მისი გამოსვლისას  ოთახში, ანუ ეთერში ყვითელ კაბაში გამოწყობილი მარიონი შემოვარდა, რომელსაც ჭოჭინით მგორავი ძამიკო და აქოშინებული დედა შემოჰყვნენ. იმ მომენტში ტელემაყურებლებმა სრულიად დაკარგეს ინტერესი სამხრეთ კორეის პრეზიდენტის  მიმართ. ეთერის მთავარ გმირად “ВВС-ელი მამიკო” იქცა.

[youtube youtubeurl=”4qCPqPwnItg” ][/youtube]

პოლიტიტოლოგმა კელიმ თავაზიანად მოიხადა ბოდიში, მაგრამ მისი ნათქვამი უკვე აღარავის აღელვებდა. ყველა ბავშვების ნახვას ლამობდა და შოუს  გაგრძელებას ითხოვდა. პროფესორმა BBC-ს  წერილობითი ბოდიშიც მოუხადა. პროდუსერმა კი უთხრა, – პრობლემა არ არის, უბრალოდ მასალის გავრცელების საშუალება მოგვეციო. რამდენიმე დღეში პატარა ოჯახური ინციდენტის ამსახველი ვიდეო 86-მა მილიონმა ადამიანმა ნახა. BBC-ს თანამშრომლები მეორედ დაუკავშირდნენ ცნობილ მამას და თბილი ოჯახი, რომელმაც იმპიჩმენტის ამბავი “ჩააჩოჩა”, ისევ გამოჩნდა ეთერში.

ხუთი დღის განმავლობაში მსოფლიო მედია  “BBC-ელი  მამიკოს” ამბებით “საზრდოობდა”.  ბევრმა მედიასაშუალებამ მასთან კორესპონდენტები მიავლინა. რეპორტიორები გაგზავნეს პუსანის უნივერსიტეტშიც – დაწესებულებაში, სადაც სამხრეთი კორეის საკითხების  ექსპერტი მუშაობს. კელის ოჯახის იძულებული გახდა, საერთაშორისო მედიისათვის პრესკონფერენცია გაემართა.

მამამ განმარტა, თუ რატომ ჰქონდათ მას და მის 4 წლის ქალიშვილს “ჰიპიტი-ჰოპიტი” (ანუ ონავრული) განწყობილება. საბავშვო ბაღში იმდენად კარგი  ზეიმი გაიმართა, რომ გოგონამ გადაწყვიტა, თავისი როლი სახლშიც შეესრულებინა. ადამიანები სულ ახალ-ახალ შეკითხვებს სვამდნენ. ყველაზე მეტად კი აინტერესებდათ, ეცვა თუ არა პროფესორს შარვალი, როდესაც ინტერვიუს იძლეოდა. ამ საკითხს ნათელი Wall Street Journal-მა მოჰფინა. აღმოჩნდა, რომ რესპოდენტს შარვალ არ ეცვა. გამოსვლის წინ პოლიტოლოგიის პროფესორი მხოლოდ წელს ზემოთ შეიმოსა.

ბევრს ძალიან მოეწონა მარიონის ტანისამოსი და ინტერნეტმოვაჭრეებმა საზოგადოებას მსგავსი ტანსაცმელი შესთავაზეს (დახლოებით 1360 დოლარად). გამოჩნდა ახალი ვიდეო და მულლტფილმები  და ამასობაში ჩუმად იზეიმა სამართლიანობამ. რამდენიმე დღის შემეგ სამხრეთი კორეის პრეზიდენტი გადააყენეს. ქალბატონ პაკ კინ ხეს რამდენიმე მილიონი დოლარის ოდენობის ქრთამის აღებაში ედებოდა ბრალი. საქმეში გარეული აღმოჩნდა მისი დაქალიც, რომელიც მნიშვნელოვან სახელმწიფო გადაწყვეტილებებს იღებდა.

“განა ეს ქვეყანაა?” – სკანდირებდა მომიტინგეთა მრავალათასიანი არმია, რომელიც პრეზიდენტის გადადგომას ითხოვდა. როდესაც კონსტიტუციურმა სასამართლომ მექრთამე პრეზიდენტი გადააყენა, და ქვეყნის ყოფილ ლიდერს პრეზიდენტის რეზიდენციაში გამოჩენა აუკრძალა, დემონსტანტებმა ახალი პლაკატები აღმართეს, რომლებზეც ეწერა “დიახ, ეს ქვეყანაა!”.  სასამართლოს წინაშე წარდგა პრეზიდენტის საუკეთესო დაქალიც, რომელთანაც, უკვე 40 წელია, მეგობრობს.

მათი სახელები ისევ გამოჩნდა მედიაში, “BBC-ელ მამიკოს” კი კიდევ დიდი დრო დასჭირდება იმისთვის, რომ ეთერში საკუთარი სახელი აღიდგინოს.

P.S. მომწიფდა ბუნებრივი შეკითხვა: “რა მოხდებოდა, მამიკოს ნაცვლად, დედიკო რომ ყოფილიყო?” ინტერნეტმა ამ შეკითხვას უკვე გასცა პასუხი .