AZƏRBAYCANCA arrow icon
Bizi dəstəkləyin
Bizi dəstəkləyin
AZƏRBAYCANCA arrow icon
messenger vk-black email copy print
Arxiv-

Erməni ailəsini qətl etmiş Rusiya hərbçisi öz ölkəsinə ekstradisiya edilib

messenger vk-black email copy print

Gümri şəhərində altı nəfərlik erməni ailəsini qətl etmiş Rusiya hərbçisi Valeri Permyakov Rusiya Federasiyasına ekstradisiya edilib. Bu haqda Ermənistanın Ədliyyə Nazirliyindən məlumat verilib.

Hələ mayın 3-də nazirlik Permyakovun ekstradisiyası ilə bağlı danışıqlar getdiyini təsdiqləmişdi, səhəri gün, mayın 4-də isə Rusiya məhkəməsi Permyakovun cəzasını öz vətənində çəkəcəyi haqda qərar çıxardı.

Valeri Permyakov Rusiya vətəndaşıdır. 2015-ci ildə Permyakov hərbi bazadan qaçıb, Avetisyanlar ailəsinin evinə girib, ailənin beş üzvünü güllələyərək öldürüb. Permyakovun silahın süngüsü ilə sinəsinə yeddi zərbə endirdiyi altıaylıq Seryoja Avetisyan isə xəstəxanaya çatdırılıb, amma onu xilas etmək mümkün olmayıb, körpə yeddi gündən sonra keçinib.

Permyakov 2016-cı il avqustun 23-də Ermənistan məhkəməsinə çıxarılıb və Avetisyan ailəsinin qətlinə görə ömürlük azadlıqdan məhrum edilib. Gümridəki RF Hərbi Qarnizon Məhkəməsi isə Gümridə törədilmiş qətllə bağlı cinayət işindən çıxarılmış iş üzrə bir il əvvəl, 2015-ci il avqustun 12-də Permyakovu RF CM-nin üç maddəsilə – fərarilik, silah oğurluğu, qanunsuz silah daşıma – günahkar bilib və ciddi rejimli koloniyada saxlanmaqla 10 il müddətinə azadlıqdan məhrum edib.

Ermənistanın Ədliyyə Nazirliyindən verilən şərhə görə, bu razılaşma “Azadlıqdan məhrum edilənlərin cəzasını çəkməsi üçün mübadiləsi haqda” 1998-ci il Moskva Konvesiyasına əsaslanıb.

Erməni tərəfi yalnız Permyakovun cəzasını harada, necə çəkməsi haqda sorğu əsasında Rusiyanın məlumat verəcəyi ilə kifayətlənməli olub.

Məsələ Ermənistanın sosial şəbəkələrində mənfi reaksiya doğurub. Şərhlərdən bir neçə  misal:

“Permyakovu Ermənistanda tutublar və Ermənistanda törətdiyi qətlə görə tutublar. Heç vecimə də deyil ki, bu faktorlar RF konstitusiyasına nə dərəcədə sığışır. Biz RF-də deyilik və onların konstitusiyasının çəkisi şəxsən mənim üçün bizim öz konstitusiyamızdan daha azdır… Sizin mənliyiniz yoxdur?”

“Biz Rusiyada yaşayırıq”.

“Sən demə, Ermənistan Respublikası müstəqil və suveren dövlət kimi öz vətəndaşlarını öldürən əclafı cəzalandıra bilmir. Kim zəmanət verir ki, bir neçə ildən sonra bu məsələ unudulmağa başlayanda Permyakovu azadlığa buraxmayacaqlar? Heç kim buna zəmanət verə bilməz”.

 

Ən Populyar

Xəbərlər

Multimedia