Tbilisi şəhər Şurasının sədri: Yanmış “Detski mir” sökülməlidir

“Detski mir” ticarət mərkəzində baş verən yanğın nəticəsində bina ciddi zərər görüb, bəzi yerləri uçub. Binanın qalan hissəsinin uşmaq təhlükəsi var.

Tbilisi Sakrebulo (şəhər Şurası) başçısı Georgi Alibeqaşvili bildirib ki, “Detski mir”in binası tamamilə deformasiya olub. “Təəssüf ki, içəri keçmək mümkün olmur, çünki, beton plitələr zədələnib və hər ana uça bilər. Görünür ki, binanı sökmək lazımdır”, – Alibeqaşvili bildirib.

Yanğın nəticəsində 13 min kvadrat metr ərazisi olan ticarət mərkəzində onlarla iş adamına ziyan dəyib. Zərərin dəqiq həcmi hələ ki, bəlli deyil. Qızıl və zinət əşyalarının satıldığı “Qızıl birja” adlanan hissə faktiki olaraq tamamən məhv olub.

Xilasetmə xidməti nümayəndələrinin sözlərinə görə, binada qalan zinət əşyaları təhlükəsiz vəziyyətdədir. Amma hələ ki, ekspertlər binaya daxil ola bilmir, bu, ancaq bir neçə saat sonra, yanğın yerində temperatur düşəndən sonra mümkün olacaq. Yalnız bundan sonra içəridə qalan malları evakuasiya etmək mümkün olacaq.

Binada qalan qızıla görə meriya nümayəndələri və iş adamları arasında kiçik münaqişə baş verib. Seyflərdə qalan zinət əşyalarının oğurlanmasının qarşısını almaq üçün zərərçəkənlər hakimiyyətdən binanın mühafizəsinin təmin olunmasını tələb ediblər.

Tbilisinin vitse-meri Laşa Abaşidze hadisə yerində olub. Onun sözlərinə görə, şəhər hakimiyyəti bina sahibləri və zərərçəkənlərlə görüşüb, mümkün yardın variantlarını müzakirə edəcəklər.  Amma Tbilisi meri David Narimaniyanın bildirdiyi kimi, şəhər büdcəsi dəymiş ziyanı qarsalamayacaq. Yanğına görə məsuliyyəti o, ticarət mərkəzinin administrasiyasının üzərinə qoyub. “Detski mir”in icraçı direktoru Georgi Maçavarani bildirib ki, administrasiya məsuliyyəti öz üzərinə götürür və istintaqın nəticələrini gözləyir. Onda olan məlumata görə, zərərin həcmi bir neçə milyon laridə ibarətdir.

İstintaqa gəlincə, Daxili İşlər nazirinin müavini Merab Malaniyanın sözlərinə görə, yanğının baş vermə səbəbi hələ ki, bəlli deyil. Amma o, qeyd edib ki, yanğın ocağının binadan kənarda olduğu güman edilir.

Böyük ehtimalla sahibkarların ziyanı sığorta tərəfindən ödənəcək. Aldaqi sığorta şirkətindən bildiriblər ki, şirkət tərəfindən iş adamlarının əmlakı yox, mərkəz binasının özü sığorta edilib. Bina 6 milyon lariyə sığortalanıb.

“Detski mir”də yanğın gecə saat 3-də başlayıb. Alov bütün binanı bürüyüb. Yanğının söndürülməsində 250 nəfərdən ibarət 31 yanğınsöndürmə ekipajı iştirak edib. Yanğını söndürərkən iki yanğınsöndürən xəsarət alıb.