Rusiya XİN: Ümid edirik ki, müəyyən şərtlər altında Gürcüstanla diplomatik münasibətlər bərpa olunacaq
Paylaşmaq
Paylaşmaq
Rusiya və Gürcüstan arasında diplomatik əlaqələrin bərpa olunması Tbilisidən asılıdır. Bunu Rusiya Xarici İşləri nazirinin müavini Qriqori Karasin bildirib.
“Bu (diplomatik münasibətlərin bərpası), yalnızca Tbilisidən asılıdır. Bu münasibətləri biz kəsməmişik, ümid edirəm ki, müəyyən şərtlər altında əlaqələr bərpa olunacaq”, – Karasin bəyan edib.
“Biz (Gürcüstanın baş nazirinin RF ilə münasibətlər üzrə xüsusi nümayəndəsi) Zurab Abaşidze ilə diplomatik münasibətlər olmadan həlli mümkün məsələləri həll edirik”, – Karasin əlavə edib.
Gürcüstan Rusiya ilə diplomatik münasibətləri 2008-ci ilin sentyabrında, Moskva Abxaziya və Cənubi Osetiyanın müstəqilliyini tanıyandan sonra kəsib. İqtisadi, humanitar və mədəniyyətlə bağlı məsələlərin müzakirə olunduğu Karasin-Abaşidze dialoqu 2013-cü ildən həyata keçirilir. Gürcüstanın əvvəlki hə hazırki hakimiyyətləri dəfələrlə bəyan ediblər ki, Moskvanın Abxaziya və Cənubi Osetiyanın müstəqilliyini tanıması durumunda diplomatik münasibətlərin bərpası mümkün deyil.