Yük yerində, samosvalda, meşədə kötüyün üstündə səsvermə. Putin əbədi hakimiyyətə doğru irəliləyir. Foto/video
Rusiyada konsitusiya dəyişiklikləri üzrə qəribə, çoxlarının fikrinə görə isə biabırçı səsvermə baş verir. Putin üçün daha iki müddətə hakimiyyətdə qalmaq imkanı, rus xalqının xüsusi statusu, supermarket arabalarında və maşınların yük yerində seçki məntəqələri. Ayrı-ayrı dəyişikliyin yox, yalnız bütün dəyişikliklər siyahısının “lehinə” və ya “əleyhinə” səs vermək mümkündür.
• Şərh: Rusiya Putindən bezib. Nə etmək mümkündür?• Rusiya: təcrid paradı
Qəribə dəyişikliklər
Ümumxalq səsverməsinə bir həftə ayrılıb, 2020-ci il iyulun 1-i son gündür.
Konstitusiyaya ümumilikdə 269 dəyişiklik təklif olunub. Ən çox diqqətə və qalmaqala səbəb olanlar bunlardır:
• Rus xalqı “dövlət formalaşdırandır”, buna görə də rus dilinə xüsiusi status verilir.
• Nikah kişi və qadın arasındakı ittifaqdır.
• Ölkənin əsas qanununa tanrı anlayışı daxil edilir: “Bizə tanrı tərəfindən nəsihət edilmiş əcdadlarımızın xatirəsi”.
Amma əsas dəyişiklik bir dənədir. Bu, bütün əvvəlki prezidentlik müddətlərinin sıfırlanması və hamıya ilk dəfəymiş kimi prezidentliyə namizədliyini irəli sürmək imkanının verilməsidir.
Bu o deməkdir ki, artıq 20 ildən çoxdur hakimiyyətdə olan hazırkı prezident Vladimir Putin daha iki müddətə prezident seçilə və bu kürsüdə 2036-cı ilə qədər qala biləcək.
Qəribə forma – siyahıya səs vermək
Rusiyalılar bütün 269 dəyişikliyin hamısına birdən “lehinə” və ya “əleyhinə” səs verməlidirlər. Baxmayaraq ki, dəyişikliklər cəmiyyət həyatının ən müxtəlif sahələrini əhatə edir, siyasi quruluşdan tutmuş şəxsi münasibətlərin tənzimləməsinə qədər.
Səsvermə jurnalistlərin və müstəqil müşahidəçilərin iştirakı olmadan keçirilir.
Qəribə səsvermə forması – bir neçə dəfə də olar
Hakimiyyətin verdiyi məlumata əsasən, artıq 75 faiz səs verib. İstənilən yerdə imza atmağa icazə verilib və bu, hədsiz qəribə görünür.
Şəxsən, onlayn rejimdə və ya poçt vasitəsilə səs vermək mümkündür.
Pasportu 2 metr məsafədən göstərmək olar.
“Dojd” telekanalının jurnalisti Pavel Lobkov Facebook səhifəsində iki dəfə uğurla səs verdiyi haqda yazıb: əvvəlcə seçki məntəqəsinə gedib, saat yarımdan sonra isə evdəki kompüterdən səs verib.
Eyni eksperimenti “Səs” hərəkatının eksperti Vasili Vaysenberq də keçirib.
Hələlik hakimiyyətin yeganə reaksiyası jurnalistə qarşı inzibati iş açmaq olub, onu cərimə gözləyir.
Qəribə seçki məntəqələri
Sosial şəbəkələrdə qəribə seçki məntəqələri ilə bağlı artıq minlərlə paylaşımlar var.
Supermarket arabasında
Видимо до конца "голосования" это будет мой любимый "избирательный участок". № 1133. Петербург. Организован не в багажнике, не в кузове, а просто и стильно – в тележке из магазина "Пятерочка". Если кто-то в Питере хочет проголосовать, то не будьте дураками и голосуйте здесь. pic.twitter.com/PJiTtXVpmv
— Alexey Navalny (@navalny) June 26, 2020
Kənddə kötük üstündə
В селе Комаровка Ульяновской области выборы проходят в торжественной обстановке. На участке подняли флаг России. pic.twitter.com/KArkce8eiA
— Daniil Ken ❌ (@daniilken) June 25, 2020
Maşının yük yerində
Дорогие все. Официальное заявление. Я прекращаю критиковать "общероссийское голосование", потому что ничего убедительнее этой съемки я сказать не могу.
— Alexey Navalny (@navalny) June 25, 2020
Это Владивосток. "Избирательный участок" организован в багажнике машины во дворе. Источник: https://t.co/El8UvZBWw8 pic.twitter.com/6x76Y3ab1V
Avtobusda
А вот ещë одно прогрессивное решение. Как вам? pic.twitter.com/mqQ6pB661Z
— Штаб Навального в Твери (@teamnavalnytver) June 25, 2020
Bina girişində
Если ваша вечеринка не выглядит так, как этот "избирательный участок" в городе Торжок, то даже не думайте меня приглашать. pic.twitter.com/OU0uyZXJqR
— Alexey Navalny (@navalny) June 28, 2020
![](https://jam-news.net/app/uploads/2020/06/EbhyMVoWAAInWlL-768x1024.jpeg)
Jurnalistlərin və müşahidəçilərin olmamasını, o cümlədən də məntəqələrin pərakəndə yerləşdirilməsini hakimiyyət pandemiya dövründə insanların sağlamlığının qayğısına qalması ilə izah edib.