2020-ci il sentyabrın 28-də Qarabağda baş verən hərbi əməliyyatlarla bağlı xəbərlər, foto/video
-
Yerevandan Qarabağa könüllülər və humanitar yardım gedir
Minlərlə könüllü artıq Dağlıq Qarabağ Müdafiə Ordusunun sıralarını doldurub – Qarabağ prezidenti Araik Harutunyan Facebook səhifəsində yazıb.
Prezidentin sözlərinə görə, elan olunmuş səfərbərliyə baxmayaraq, konüllülər çağırış gözləmədən özləri hərbi komissarlığa gəlirlər.
“Ermənistandan çox gəliblər, Diasporadan minlərlə müraciət var”.
Sentyabrın 28-də məlum olub ki, Cavaxetiya (Gürcüstan) erməniləri Qarabağa könüllü getmək istəyirlər.
Cavaxetiya erməniləri könüllü yazılırlar Rusiyada yaşayan on minlərlə erməni də Dağlıq Qarabağda hərbi əməliyyatlarda iştirak etməyə hazırdır – Rusiya erməniləri ittifaqının lideri Ara Abramyan bildirib.
“Bu gün artıq iyirmi minə yaxın belə könüllü haqda məlumat var. Amma biz onlara deyirik: hələlik belə bir ehtiyac yoxdur”, – Abramyan deyib.
Qarabağa yardım üçün Yerevanda humanitar yardım da toplanmağa başlayıb. İnsanlar əsasən dərman, şəxsi gigiyena vasitələri, siqaret, yemək və içməli su gətirirlər.
Yardım qutularının üzərində insanlar əsgərlərə dəstək sözləri yazırlar: “Qardaşlar, biz sizinləyik”, “Biz qalib gələcəyik”, “Türklərdə yenə heç nə alınmayacaq”.
-
Dinc azərbaycanlı əhali arasında daha iki qurban, ümumilikdə səkkiz kənd sakini həlak olub
Azərbaycan Baş Prokurorluğunun mətbuat xidməti Ermənistan Silahlı Qüvvələrinin Tərtər rayonunun Şıx Arx qəsəbəsini top atəşinə tutması nəticəsində iki qardaş Xaliq və Elşən Abbasovlar həlak olublar. Daha iki nəfər yaralanıb.
Dinc əhali arasında səkkiz nəfər həlak olub, 14 nəfər yaralanıb – bu, sentyabrın 27-də səhər saatlarında Qarabağda başlayan hərbi əməliyyatların Azərbaycandakı qurbanları haqda rəsmi məlumatdır. Hərbçilər arasındakı itki ilə bağlı rəsmi informasiya yoxdur. “Xəzər” Tədqiqatlar Mərkəzi 11 Azərbaycan hərbçisinin həlak olması haqda məlumat verib.
Şıx Arx kəndindən video:
-
Dinc sakinlərin həlak olduğu Qarabağ şəhərindən fotoreportaj
Dağlıq Qarabağın Martuni şəhəri son iki gün ərzində Azərbaycan tərəfinin əsas atəş hədəfi olub. Zaman-zaman burada sirena səsləri eşidilir.
Məhz burada sentyabrın 27-də Azərbaycan SQ-nin açdığı atəş nəticəsində nənə və azyaşlı nəvəsi ölüb, bir neçə nəfər müxtəlif dərəcəli yara alıb.
Şəhər işıqsız və qazsız yaşayır.
Martuninin hazırkı vəziyyətini göstəririk.
-
Türkiyə prezidenti kəskin ifadələrlə Qərbi qınayıb və “işğalçını – Ermənistanı məsuliyyətə dəvət etməyi” tələb edib
Türkiyə prezidenti Rəcəb Tayyib Ərdoğan sentyabrın 28-də Dağlıq Qarabağdakı gərginliklə bağlı çox sərt ifadələrlə fikrini bildirib.
Onun yarım saatlıq çıxışının bir neçə əsas tezisləri:
“ATƏT-in Minsk Qrupunun həmsədrləri – ABŞ, Rusiya və Fransa artıq 30 ildir ki, münaqişəni həll edə bilmirlər. Əksinə, onlar problemi uzatmaq üçün hər şey edirlər. İndi isə həmin bu ölkələr münaqişə tərəflərinə dərs verməyə, zaman-zaman isə hətta hədələməyə cəhd göstərirlər.
Azərbaycanda onsuz da artıq 30 ildir ki, sizi dinləyirdilər, tezliklə nizamlamaya ümid edirdilər. Amma kimin torpaqları işğal olunub? Azərbaycanın torpaqları! Bu faktı həmsədr ölkələr də qəbul edir.
Türkiyə münaqişədə iştirak edirmi? Münaqişə zonasında [Qarabağda] türk əsgərləri varmı? Bu sualları Suriyanın şimalına minlərlə yük maşını dolu silah çatdıranlar verir.
Onlar Suriyanın şimalını sektorlara bölüblər, orada hərbi bazalar yaradıblar […]. İndi isə həmin bu insanlar Türkiyə qoşunlarının burada olması və Türkiyə silahının Qafqaza çatdırılması ilə bağlı suallar verirlər. Bu necə təhrif olunmuş təsəvvürdür? Sanki prezident İlham Əliyev onlara hesabat verməyə borcludur.
Azərbaycanda doğma evlərindən uzaqda milyondan çox qaçqın və məcburi köçkün yaşayır. Bununla yanaşı heç kim Ermənistanın timsalında işğalçıdan hesab sormur. Azərbaycan “Bəsdir! Cavab vermək zamanıdır” deyib və problemi öz gücü ilə həll edir.
Regionda Ermənistanın Dağlıq Qarabağı və ətraf rayonları işğal etməsi ilə başlanan böhrana son qoymaq zamanı yetişib.
Azərbaycanın işğal altında olan torpaqlarının dərhal azad edilməsi regionda sülh və stabilliyin yolunu açacaq. İstənilən digər təşəbbüslər və tərəflərin nizamlamaya məcbur edilməsi qanunsuz və ədalətsizdir və yalnız Ermənistanın maraqlarına uyğundur”.
-
Qarabağda həlak olan 28 nəfərin yeni siyahısı dərc olunub
Qarabağda sentyabrın 28-də hərbi toqquşmalar nəticəsində həlak olan 28 nəfərin adlarının yer aldığı yeni rəsmi siyahı dərc olunub. Onların əksəriyyəti 18-22 yaşlı gənclərdir.
Ümumilikdə Ermənistan tərəfdən 59 nəfər həlak olub.
Azərbaycan hərbçilərinin həlak olması ilə bağlı rəsmi məlumat yoxdur, yalnız “Xəzər” Tədqiqatlar Mərkəzi sosial şəbəkələrdə yayılan məlumatlar əsasında həlak olmuş hərbçilərlə bağlı 11 nəfərlik siyahı tərtib edib.
Ermənistan və Azərbaycan müdafiə nazirlikləri qarşılıqlı şəkildə qarşı tərəfin yüzlərlə itki verməsi haqda məlumatlarını təkzib edirlər.
-
Ermənistanın Müdafiə Nazirliyi: “Müxtəlif intensivliklə döyüşlər gedir”
Ermənistanın Müdafiə Nazirliyinin mətbuat katibi bildirib:
“Müdafiə Ordusunun hissələri ayrı-ayrı sahələrdə uğurlu cəza əməliyyatları həyata keçirir. Bizim hərbçilərimizin döyüş əhvalı yüksəkdir”.
Şuşan Stepanyan Azərbaycana aid hərbi texnikanın məhv edilməsinə dair yeni video yayıb.
-
“Türkiyə muzdlu döyüşçülər cəlb edib, onları Azərbaycana göndərir” – Ermənistan XİN
Ermənistanın XİN-i bəyan edib ki, bu haqda səhih məlumatlar var. Anna Naqdayyanın sözlərinə görə, Azərbaycan hərbçiləri ilə çiyin-çiyinə Türkiyənin hərbi instruktorları da döyüşür, onlar Türkiyə silahlarından – pilotsuz uçuş aparatları, hərbi təyyarələrdən istifadə edirlər.
Mətbuat katibi bildirib ki, Türkiyə Ermənistanı quru blokadasında saxlamaqdan hərbi əməliyyatlara birbaşa müdaxiləyə keçib.
-
Ermənistandan hərbi ekspert hərbçilərin mövqeləri və Azərbaycan generalının əsir götürülməsi haqda
Hərbi ekspert Artsrun Hovannisyan bildirib ki, Ermənistan SQ gecə öz mövqelərini möhkəmlədə bilib. Amma Azərbaycan tərəfi əks-hücumu davm etdirib.
“Səhər tezdən artilleriya, o cümlədən də ağır artilleriya tətbiq edərək Azərbaycan Silahlı Qüvvələrinin hissələri yenidən hücum əməliyyatlarını davam etdirib. Döyüşlər davam edəcək”.
Hovannisyan həmçinin deyib ki, Azərbaycan tərəfi öz hərbçilərinin meyitlərini götürmək üçün müraciət etməyib:
“Müdafiə Ordusu həlak olan Azərbaycan hərbçilərinin meyitlərinin əks olunduğu video yayıb. Rəsmən bildirilib ki, bizim tərəfdə onlarla meyit qalıb”.
Azərbaycan generalı Mais Bərhudarovun əsir götürüldüyü ilə bağlı suala cavab olaraq, Hovannisyan bildirib ki, hazırda Ermənnistan tərəfində canlı hərbçilər yoxdur. “Amma çox sayda Azərbaycan hərbçilərinə aid meyitlər olduğu üçün mən qəti şəkildə təsdiqləyə və ya inkar edə bilmirəm”.
(Bazar günü Ermənistanın Qeqarkunik vilayətinin Vardenis şəhəri yaxınlığında vurulmuş Azərbaycan SQ-ə aid pilotsuz uçuş aparatının əks olunduğu video)
-
Qarabağın yaşayış məntəqələri atəş altındadır – Ermənistanın Müdafiə Nazirliyindən bildirilib
Hərbi ekspert Artsrun Havannisyan bildirib ki, Azərbaycan tərəfi yaşayış məntəqələrini, o cümlədən də Martakerti bombalayır. Ermənistan tərəfindən yüzlərlə insanın həlak olduğuna dair Azərbaycanın yaydığı məlumatı isə o, yalan adlandırıb: “Bütün dəqiqləşmiş məluumatlar familiyalarla səmləşir… Biz hamı haqda məlumat veririk. Bizdə dəqiq yüzlərlə qurban yoxdur”. Amma Hovannisyan 200 yaralı haqda bildirib. Onlar müxtəlif hərbi hospitallarda vəmülki xəstəxanalarda yerləşdiriliblər.
Martakert yolu, Dağlıq Qarabağ / Foto Artsrun Hovannisyanın Facebook səhifəsindəndir -
Qarabağ Müdafiə Ordusu itirdiyi bir sıra mövqeləri geri qaytarıb
Dağlıq Qarabağ Müdafiə Nazirliyi xəbər verib ki, gecə təmas xəttində intensiv döyüşlər davam edib.
“Müdafiə Ordusunun əks-hücumu nəticəsində rəqib böyük canlı qüvvə və texnika itkisi verib, Müdafiə Ordusu isə daha əvvəl itirdiyi bir sıra mövqeləri geri alıb”, – məlumatda deyilir.
-
Azərbaycanda internet tam kəsilib – “Ermənistanın genişmiqyaslı təxribatlarının qarşısını almaq üçün”
Sentyabrın 27-dən bütün Azərbaycanda “Baktelekom” və “Aztelekom” dövlət operatorları abunəçiləri üçün internet şəbəkəsinə çıxışı kəsib – “Ermənistanın genişmiqyaslı təxribatının qarşısını almaq üçün”.
Qalan provayderlər məhdud variantda işləyirlər – sosial şəbəkələrdə messencerlərə və bəzi sosial şəbəkələrə (məsələn, Instagram) girişlər bağlanıb.
Çoxları VPN servisləri vasitəsilə internetə qoşulmağa çalışır.
-
Qarabağda həlak olan 31 nəfərin siyahısı açıqlanıb
Qarabağda sentyabrın 27-də yaşanan hərbi toqquşma zamanı həlak olan 31 nəfərin adlarından ibarət rəsmi siyahı dərc olunub. Onların əksəriyyəti 18-22 yaşlı şəxslərdir.
Həlak olmuş Azərbaycan hərbçiləri ilə bağlı rəsmi məlumat yoxdur, yalnız “Xəzər” Tədqiqatlar Mərkəzi sosial şəbəkələrdə yayılan məlumatlar əsasında həlak olmuş hərbçilərlə bağlı 11 nəfərlik siyahı tərtib edib.
Ermənistan və Azərbaycan müdafiə nazirlikləri qarşılıqlı şəkildə qarşı tərəfin yüzlərlə itki verməsi haqda məlumatlarını təkzib edirlər.
-
Azərbaycan tərəfindən 11 nəfər həlak olub – “Xəzər” Tədqiqatlar Mərkəzinin məlumatına əsasən
Azərbaycanın “Xəzər” Tədqiqatlar Mərkəzi sosial şəbəkələrdə yayılan məlumatlara əsasən, Qarabağda sentyabrın 27-də hərbi əməliyyatlar zamanı həlak olan 11 nəfərin siyahısını tərtib edib. 11 nəfərlik siyahıdan azı beş nəfəri 18-22 yaşlı gənclərdir.
Qarabağda sentyabrın 27-də baş verən toqquşmalarda həlak olan 31 nəfərin adlarının yer aldığı rəsmi siyahı dərc olunub.
Azərbaycan və Ermənistanın müdafiə nazirlikləri qarşılıqlı şəkildə bir-birinin qarşı tərəfin yüzlərlə itki verməsi haqda məlumatını təkzib edirlər.
AZAL Aviaşirkəti məlumat verib ki, sentyabrın 30-a qədər Azərbaycan aeroportları müntəzəm sərnişin reyslərinin qəbulunu dayandırır.
Sentyabrın 27-də axşam saatlarında Azərbaycanın Salyan rayonunda şəhid olmuş 21 yaşlı əsgər Elmir Məmmədovun dəfni baş tutub. O, Neft Akademiyasının məzunu idi.
Nəşin qarşılanması ilə bağlı sosial şəbəkələrdə yayılan video:
21 yaşlı şəhid Elmir Arzu oğlu Məmmədov Salyanda alqışlarla qarşılandı…
Posted by Emil B. Memmedov on კვირა, 27 სექტემბერი, 2020
-
2020-ci il sentyabrın 27-də Qarabağda baş verən hərbi əməliyyatlarla bağlı xəbərlər, reportajlar, foto/video
Sentyabrın 27-də səhər saat 6-da Dağlıq Qarabağ ətrafında və Azərbaycan-Ermənistan sərhədində genişmiqyaslı hərbi əməliyyatlar başlayıb. Həm hərbçilər, həm də dinc əhali arasında onlarla həlak olanlar və yüzlərlə yaralananlar haqda məlumat verilir.