Qafqazda koronavirus. Dağıstanda bir sutkada 50 ölüm. Ekspertlər bildirirlər ki, hakimiyyət saxta statistikanı düzəltməyə çalışır

Bu, qəfil açıqlanan böyük rəqəmdir, axı pandemiya başlayandan indiyə qədər respublikada ümumilikdə 151 nəfərin öldüyü deyilirdi. Bununla belə Operativ Qərargah bu insanların konkret hansı xəstəxanalarda öldüyünü açıqlaya bilmir.

Hakimiyyət yoluxma və ölüm halları ilə bağlı rəqəmləri dəfələrlə kiçildirdi, indi isə böyük ehtimalla statistikanı düzəltməyə çalışırlar, çünki Rusiya prezidenti Vladimir Putin vəziyyətlə maraqlanmağa başlayıb – Telegram sosial şəbəkəsində yazırlar.

Mayın 29-da Rusiya prezidenti Putinin xüsusi tapşırığı ilə Maxaçkalaya Moskvadan xüsusi reyslə 20 həkim və tibb bacısından ibarət briqada gəlib.

Dağıstanda rəsmi statistika sərt tənqid olunur. İndi bu, xüsusilə absurd görünür. Respublikada xəstəxanalar dolub-daşır və kəndlərdən insanların virusdan kütləvi şəkildə öldüyü haqda məktublar yazırlar. Mayın 28-ə olan rəsmi statistikaya görə isə Dağıstanda 26 koronavirus xəstəsi var. Çünki yoluxanların sayı 4579, sağalanların sayı 4402, ölənlərin sayı isə 151 nəfər göstərilib.

Son sutka ərzində Ermənistanda koronavirusdan daha yeddi nəfər ölüb.

Ümumilikdə, epidemiyanın başlanmasından bəri 8 676 nəfər yoluxub, bunlardan 3 297-si sağalıb.

316 pasiyent ağır vəziyyətdədir, 53-nün vəziyyəti çox ağırdır.

Yaxın amanlarda Ermənistanda daha 100 əlavə reanimasiya yeri yaradılacaq.

“Bizim vəzifəmiz karantinə qayıtmaq deyil, lakin bunu istisna etmək olmaz. Bu qərar intensiv terapiya şöbələrində çarpayı saylarından asılı olaraq qəbul ediləcək. Vəziyyət günbəgün pisləşir, çox ciddi pasiyentlərin sayı artır”, – baş nazir Nikol Paşinyan deyib.

Ermənistanda koronavirusla mübarizə üzrə tədbirlər

Ermənistanda fövqəladə vəziyyət iyunun 13-nə qədər qüvvədə olacaq.

Lakin artıq hərəkətə qoyulmuş məhdudiyyət aradan qaldırılıb və az qala bütün biznes sahələri açılıb: müəssisələr, mağazalar, bərbərxanalar, muzeylər işləyir.

Mayın 18-dən ictimai nəqliyyatın işinə icazə verilib. O, diqqətlə dezinfeksiya ediləcək. Bütün sərnişinlər nəqliyyatdan istifadə edərkən maska taxmalıdırlar.

• Şərh: Yoluxanların sayının kəskin artması səbəbilə Ermənistanı bir həftə sonra fəlakət gözləyir

Gürcüstanda nəqliyyatın hərəkəti martın 31-dən dayandırılmışdı.

Yeni qaydalara görə, avtobusda, marşrut taksisində, metroda və taksidə hamı maska taxmalıdır.

Avrobuslarda indi sürücünün kabinəsinin yaxlnlığında olan qapı bağlıdır.

Gürcüstanda bütün biznes sahələri, geyim və ayaqqabı satan mağazalar istisna olmaqla, işləyir.

İyunun 8-dən şəhərlərarası nəqliyyat da işləməyə başlayacaq, o cümlədən qatarlar fəaliyyətə başlayacaq.

İyunun 15-dən Gürcüstan daxili turizmi bərpa etməyi planlaşdırır.

İyulun 1-dən etibarən ölkə sərhədlərini açacaq və xarici turistləri qarşılamağa hazır olacaq.

Yaşlı insanlar karantini necə keçirir?

Ümumilikdə epidemiya başlayandan Ermənistanda 113 nəfər ölüb.

8 216 nəfər yoluxub, 3 287 nəfər sağalıb və xəstəxanadan çıxıb.

Ermənistanda koronavirusla mübarizə metodları

Ermənistanda fövqəladə vəziyyət iyunun 13-nə qədər davam edəcək.

Amma artıq hərəkət məhdudiyyəti götürülüb və demək olar ki, bütün bizneslər: müəssisələr, mağazalar, bərbərxanalar, muzeylər açılıb.

Mayın 18-də ictimai nəqliyyatın fəaliyyətinə icazə verilib. Onu əsaslı şəkildə dezinfeksiya edirlər. Bütün sərnişinlər nəqliyyatda maskadan istifadə etməlidirlər. 

• Şərh: Yoluxanların sayının kəskin artması səbəbilə Ermənistanı bir həftə sonra fəlakət gözləyir

Rəsmi məlumata görə, İnquşetiyada 1 906 nəfər yoluxub, onlardan 44 nəfər ölüb.

Bununla belə, inquş fəal Musa Abadiyev əmindir ki, yoluxan və ölənlərinin sayının xeyli daha çox olduğunu deyən az sayda həkim və ekspertlər doğrunu deyir.

Abadiyev orta ölüm rəqəmləri ilə 2020-ci ildə ölüm rəqəmlərini müqayisə edib.

“Adi vaxt orta hesabla ayda 130 nəfər ölürdü. İndi orta hesabla ayda 235 nəfər ölür.

Əminliklə demək olar ki, bu il və keçən il ölənlərin orta rəqəmləri arasındakı fərq də məhz koronavirus qurbanlarıdır, yəni təxminən 170 nəfər, bu da rəsmi rəqəmlərdən 4 dəfə çoxdur və indi bu rəqəmlər hələ dəqiqləşdirilir”.

Abadiyev bütün 409 ölənin adlarının siyahısını dərc edib və onların yaşayış yerlərini də qeyd edib. Çoxlarının ölümü “yol-hərəkət hadisəsi” kimi qeyd olunub, amma fəal bildirir ki, bunun belə olmadığını sübut edə bilər.

Mənbə: Кавказский узел

• Koronavirus pandemiyası ilə bağlı Qafqazda hadisələrin xronikası