Həbsdə olan azərbaycanlı blogerə ağır xəstə olan anasına baş çəkməyə icazə vermirlər

İki il müddətinə azadlıqdan məhrum edilən müxalif bloger Mehman Hüseynova reanimasiyada olan ağır xəstə anasına baş çəkməyə icazə vermirlər.

2017-ci ildə Mehman Hüseynov polisə şər atmaqda ittiham olunaraq iki il müddətinə azadlıqdan məhtum edilib. Bloger daha əvvəl saxlnıldığı zaman idarə əməkdaşları tərəfindən işgəncəyə məruz qaldığını bildirəndən sonra ona qarşı şikayəti Bakı şəhəri Nəsimi rayon Polis İdarəsinin rəisi Musa Musayev irəli sürüb.

On gün əvvəl Mehman Hüseynovun anası Firəngiz Hüseynova ağır vəziyyətdə xəstəxanaya yerləşdirilib və hazırda komadadır. Mehmanın vəkili Şəhla Hümbətovanın sözlərinə görə, qanun belə hallarda məhbusa yaxını ilə görüşmək üçün bir müddətlik həbsxananı tərk etmək haqqı verir, amma Ədliyyə Nazirliyi onların bununla bağlı müraciətinə cavabı ləngidir.

“Qaydalara əsasən, bu cür müraciətlərə yeddi gün müddətində baxılır. Amma bu halda yaxın qohumun real həyati təklükəsi mövcuddur, mütaciətə ən qısa müddətdə baxılmalıdır”, – vəkil deyir.

BBC-nin xəbər verdiyi kimi, Ədliyyə Nazirliyindən onlara bildirilib ki, “müraciətə baxılacaq və qanuna müvafiq olaraq cavab veriləcək”. Amma Mehman Hüseynovun anasının o zamana qədər həyatda qala biləcəyi məlum deyil. Getdikcə daha çox insan Facebook-da məhbusa anası ilə görüşə icazə verilməsini tələb edir.

Şərhlər:

“Mən onun qanuni və ya qanunsuz həbs edildiyini müzakirə etməyəcəm, onsuz da hamı bilir bizdə bu “qanunlar” necə işləyir. Amma burada hesab edirəm ki, söhbət xalqın şərəfindən gedir”.

“Yazıq oğlan və anası. Yəni onlar görüşə bilməyəcəklər?”

“Bizim ölkədə nə qanunidir ki? Hara gəlib çatdıq? Belə bir müraciəti rədd etmək? İsan deyillər onlar”.