Azərbaycanda fəallar şantaj və təqibdən şikayətlənirlər
Azərbaycanda gender fəalı və bələdiyyə üzvü Vəfa Nağını bələdiyyə sədrindən büdcə hesabatı tələb etdikdən sonra mənəvi terrora məruz qoyaraq, doğma kəndindən didərgin salmağa çalışırlar.
Eyni zamanda ictimai fəal və keçmiş siyasi məhbus İlkin Rüstəmzadənin həyat yoldaşı Əminə Rüstəmzadə hüquq-mühafizə orqanları əməkdaşlarından aldığı mütəmadi təhdid nəticəsində intihara cəhd edib.
Çimərlikdə çəkilən şəkil kompromat qismində
Gender fəalı Vəfa Nağı 2019-cu ilin dekabrında Neftçala rayonunun Xol kəndindən bələdiyyə üzvü seçilib. Bu, Azərbaycanda gender hərəkatı fəalının (və ümumiyyətlə hər hansı fəalın) bələdiyyəyə daxil olduğu ilk hadisə olub.
![](https://jam-news.net/app/uploads/2020/06/104232969_281461269716365_3592755370427934645_n-150x150.jpg)
Bir neçə gün əvvəl Vəfa sosial şəbəkələrdə bələdiyyə sədri tərəfindən təqibə məruz qaldığı haqda məlumat verib. Vəfa Nağının sosial şəbəkədəki səhifələrindən götürülmüş şəkilləri çap olunaraq kəndin müxtəlif yerlərində divarlara yapışdırılır. Söhbət çimərlikdə və kafedə çəkilən adi fotolardan gedir, amma mühafizəkar Azərbaycan kəndi üçün bunlar “kompromat” və ədəbsizlik nümunəsi hesab olunur.
Vəfa Nağı bu təqibin səbəbini bələdiyyə sədrindən büdcə hesabatını tələb etməsində görür. Bələdiyyə sədri hesabatı təqdim etməkdın imtina edir və bu yolla Nağını kənddən didərgin salmağa çalışır.
“…Hər birimiz yaxşı bilir ki, bir kənddə bunun baş verməsi kənd sakinləri arasında birmənalı qarşılanmır. Burda tək yaşamıram, mənim qardaşım, atam və s. insanlar var. Heç də bizim düşündüyümüz kimi hər kəs açıq görüşlü deyil, ya da normal fikirləşmir. Nə isə, özümü məğlub kimi hiss etmirəm, ya da utanmaq lazım olduğunu düşünmürəm, sadəcə hüquq yoxdur deyə çox təəssüf edirəm!”, – Vəfa Nağı bildirib.
Bələdiyyə üzvü başına gələnlərlə bağlı polisə müraciət edib, amma hələlik heç bir tədbir görülməyib, sadəcə bildirilib ki, araşdırma aparılır.
- “Həyatımız onsuz da təhlükədədir”. Tanınmış azərbaycanlı fəal və keçmiş siyasi məhbusla müsahibə
- Su yoxdur, heç nə bitmir və tez-tez atırlar: Azərbaycan kəndindən video-hekayə
- Azərbaycanda təcili yardım gəlmədiyi üçün ölən qadının hekayəsi
“İlkin susmasa, əvvəlki yenə təkrarlanacaq”
Keçmiş siyasi məhbus, NİDA hərəkatının fəalı İlkin Rüstəmzadənin bildirdiyinə görə, onu susdurmaq üçün hakimiyyət onun həyat yoldaşını təhdid etməyə başlayıb. Qadının telefon nömrələri eskort xidməti göstərən saytlara yerləşdirilir.
![](https://jam-news.net/app/uploads/2020/06/104539449_273825843675508_4420280242041370617_n-150x150.jpg)
Rüstəmzadə (Facebook)
İyunun 17-də səhər saatlarında İlkin Rüstəmzadə Facebook-da həyat yoldaşının intihara cəhd etdiyi haqda yazıb.
“Əminə bir az əvvəl intihara cəhd edib. Çoxlu yuxu dərmanı atıb. Semaşkoya gətirmişəm. Hal-hazırda reanimasiyadadır. Daxili İşlər Nazirliyinin əvvəl Facebook-da yazıb, təhdid edən nümayəndəsi 3 gün gün əvvəl yenə xəbərdarlıq edibmiş ki, İlkin susmasa, əvvəlki yenə təkrarlanacaq”, – Rüstəmzadə yazıb .