Ermənistanda korrupsiya ifşaları davam edir, o cümlədən də yüksək vəzifəli məmurlar arasında

Ermənistanda korrupsiya qalmaqalları davam edir. Fevralın 5-də Şəhərsalma Komitəsinin sədri Vahan Vermişyan həbs edilib. Hazırda o, bütün ifşa olunan korrupsiyaçılar arasında “ən yüksək vəzifəlisidir”. Bu haqda baş nazir Nikol Paşinyan bildirib.

Vermişyan inşaata icazə vermək müqabilində böyük məbləğdə rüşvət almaqda təqsirli bilinir. Bundan başqa o, 5 min dollar rüşvət müqabilində iri biznesmenin namizədliyini Ermənistanın əməkdar inşaatçısı adının verilməsi üçün irəli sürüb.

• Ermənnistanda korrupsiyaya qarşı mübarizə – JAMnews-un yeni hökumətin ilk addımları haqda silsiləsindən

• Ermənistan korrupsiya ilə mübarizədə əhəmiyyətli nailiyyətlər əldə etməyib, “durğunluq” davam edir

Gürcüstanla sərhəddə Bavra sərhəd-nəzarət məntəqəsinin bir neçə əməkdaşı da saxlanılıb. Onlar malların gömrük qeydiyyatından kənar idxalına şərait yaratmaqda günahlandırılırlar. Fevralın 6-da baş nazir özü hökumətin iclasında böyük həcmdə qaçaqmalçılıq cəhdinin qarşısının alındığı haqda bildirib:

“Bu insanların məntiqi məni təəccübləndirir. Adama elə gəlir ki, onlar televizora baxmırlar, sosial şəbəkələri və xəbərləri izləmirlər. Əgər kiməsə elə gəlirsə ki, biz videokameralar qarşısında bir şey deyib, kabinetlərdə başqa əməllə mməşğul oluruq, çox yanılırlar. Biz korrupsiyanı kökündən qoparacağıq. Buna şübhəsi olan hər kəs düşünürəm ki, bu şübhələrin ən acı meyvələrini dadacaqlar”.