İlqar Məmmədov hakimiyyətə gəlmək niyyətindədir – video JAMnews

Beş il yarımlıq həbsdən sonra azadlığa çıxan müxalif “ReAl” partiyasının lideri İlqar Məmmədov Bakıda mətbuat konfransı keçirib.

İlqar Məmmədov 2013-cü ildə Azərbaycanın şimalında İsmayıllı rayonunda kütləvi iğtişaşlar təşkil etməkdə və polisə müqavimət göstərməkdə ittiham olunaraq yeddi il müddətinə azadlıqdan məhrum edilmişdi. Avropa İnsan Haqları Məhkəməsi bu ittiham hökmünün əsassız olduğu haqda qərar çıxarıb və onun dərhal azadlığa buraxılmasını tələb etmişdi. Nəticədə Məmmədov bu il avqustun əvvəlində şərti azadlığa buraxıldı. Bəziləri bunu Angela Merkelin Bakıya gözlənilən səfəri ilə əlaqələndirirdilər

Azad olunandan dərhal sonra İlqar Məmmədov mətbuat konfransı keçirəcəyinə söz vermişdi, amma tədbirin təşkili ilə bağlı problemlər ortaya çıxdı. Heç kim, rəsmi mətbuat mərkəzi belə onlara məkan icarə verməyə razılaşmadı, nəticədə mətbuat konfransı “ReAl” ofisində, arzu edənlərin güclə yerləşdiyi kiçik otaqda keçirildi. Konfransda iştirak edənlər əsasən adətən hökumət tədbirlərinə yaxın buraxılmayan müstəqil jurnalistlər idi.

Mətbuat konfransı zamanı İlqar Məmmədov belə bəyanatlar səsləndirib:

• Ona hökm çıxarılmasında işirak edən 19 hakim cinayət törədib və o, onların ədalətli cəzalarına çatması üçün səy göstərəcək;
• İlk üç il ərzində onu mütəmadi olaraq psixoloji təzyiqə məruz qoyub, bir cəza müəssisəsindən digərinə aparıblar;
• “ReAl” partiyası hakimiyyətə gələcək, ola bilər ki, hətta növbədənkənar seçkilər nəticəsində;
• Azərbaycan Avropa dəyərlərini Rusiyadan alıb və “ReAl” bu ölkənin proqressiv nümayəndələri ilə əməkdaşlıq etməyə hazırdır;
• Qarabağın qaytarılması mümkündür, əgər Azərbaycanı Qarabağ erməniləri üçün cəlbedici etmək olsa;
• Azərbaycan Rusiyanın xarici siyasət silahı olmamalıdır, çünki bu halda maksimum əldə edə biləcəyimiz daha bir “aprel müharibəsi” və bir cüt qazanılmış yüksəklik olacaq.

İlqar Məmmədov həmçinin son beş ildə Azərbaycanın iqtisadi göstəricilərini də analiz edib və hazırkı hökumətin bacarıqsızlığını nümayiş etdirməyə çalışıb.