ABŞ-da sinaqoqa hücum nəticəsində 8 nəfər ölüb, 12 nəfər yaralanıb

Amerikanın Pitsburq şəhərindəki sinaqoqda naməlum şəxs insanlara atəş açıb, CNN xəbər verir. Orada bu zaman yüzə yaxın adamın iştirakı ilə səhər möizəsi oxunurmuş.

Ehtimal edilir ki, atəş yarımavtomat tüfəngdən açılıb.

Nəticədə 8 nəfər həlak olub, 12 nəfər, o cümlədən də hadisə yerinə gələn üç polis yaralanıb.

Xüsusi təyinatlılarla danışıqdan sonra hücum edən şəxs təslim olub. Məlumdur ki, o, əvvəl antisemit çıxışlar edirmiş.

Bu faciəvi olayı şərh edərkən ABŞ prezidenti Donald Tramp ölüm hökmü haqda qanunun sərtləşdirilməsini bir daha gözdən keçirmək  haqda düşünməyə çağırıb.

Trampı tənqid edən Amerika mediası baş verənlərin fonunda prezidentin Respublikaçılar Partiyası tərəfdarlarının seçkiqabağı mitintini keçirmək niyyətindən imtina etmədiyinə diqqət çəkib. Hərçənd çoxları hesab edir ki, son bir həftədə baş verən faciəvi hadisələrin – Trampın görkəmli opponentlərinə partladıcı qurğuların paylanması, sinaqona bu günkü hücum – səbəbi Konqresə keçiriləcək seçkilər ərəfəsində ölkədə vəziyyətin gərginliyi ilə bağlıdır.  Psixi nataraz insanlar buna belə reksiya verir.