Avropa Məhkəməsi növbəti dəfə Azərbaycan hökumətini cərimələyib
Avropa İnsan Haqları Məhkəməsi (AİHM) Azərbaycan hökumətinə qarşı daha dörd iş üzrə hökm çıxarıb və ölkə hakimiyyətini ümumilikdə 22 500 avro həcmində cərimələyib. Azərbaycan vətəndaşları mülkiyyət, azadlıq və toxunulmazlıq, ədalətli mühakimə hüquqlarının pozulması və işgəncəyə məruz qalmaları ilə bağlı Avropa Məhkəməsinə müraciət ediblər.
- “Heykəl məhbusu” Prezident Administrasiyası qarşısında özünü yandırmaq istəyib
- Avropa Məhkəməsi Azərbaycanda ilk dəfə informasiya almaq hüququnun pozulmasını tanıyıb
- Türkiyə və Yaponiya vətəndaşları Azərbaycan gömrüyünün qanunsuz əməllərindən şikayət edib
Bu gün, 9 may 2022-ci ildə Avropa İnsan Haqları Məhkəməsi (AİHM) Azərbaycan vətəndaşlarının şikayəti əsasında dörd iş üzrə qərar qəbul edib. Bütün işlərdə cavabdeh tərəf Azərbaycan hökumətidir – “Avropa Məhkəməsi Gündəliyi” xəbər verir.
Dadaşov və Hacıbəyli Azərbaycana qarşı
AİHM hər iki şikayətçinin azadlıq və toxunulmazlıq (Avropa Konvensiyasının 5.1 maddəsi), o cümlədən də ədalətli mühakimə (6.1 və 6.3 maddələri) hüquqlarının pozulduğuna qərar verib. Məhkəmə hökmünə əsasən, Azərbaycan hökuməti hər bir şikayətçiyə mənəvi ziyana görə 4 000 avro kompensasiya ödəməlidir. Bundan başqa, Hacıbəylinin vəkilinə məhkəmə xərclərininödənməsi üçün 500 avro kompensasiya nəzərdə tutulub.
İşin materiallarına əsasən, Dadaşov 2009-cu ildə Göyçay rayon polis şöbəsinin əməkdaşları tərəfindən saxlanılıb. O, polislərin qanuni tələbinə tabe olmamaqda təqsirli bilinib və üç sutka inzibati həbsə məhkum edilib.
Hacıbəyli də incibati xətalar məcəlləsinin eyni maddəsi ilə cəzalandırılıb.
Şikayətçilər polisdə saxlanıldıqları zaman onlara su, yemək və yatmaq üçün yer verilmədiyini, oonlarla qeyri-adekvat davranıldığını, azadlıq və toxunulmazlıq, o cümlədən də əldalətli mühakimə hüquqlarının pozulduğunu bildiriblər.
Bu iş üzrə məhkəmədə şikayətçilərin hüquqlarını vəkil Aqil Layıc və Ruslan Mustafazadə müdafiə edib.
Əliyevlər Azərbaycana qarşı
Bu iş üzrə Avropa Məhkəməsi şikayətçilərin şəxsi həyatın toxunulmazlığı hüquqlarının pozulmasına qərar verib. Azərbaycan hökuməti mənəvi ziyana və məhkəmə xərclərinə görə şikayətçilərə 7 094 avro ödəməlidir.
Şikayətçilər Həsənəli Əliyev, Rüxsarə Əlliyeva, Anar Əliyev, Emin Əliyev və Rəmzi Əliyev bildiriblər ki, hərbi xidmətdə olduqları zaman Naxçıvanda dövlətin onlara təqdim etdiyi yaşayış yerindən məhrum ediliblər. Şikayətçilər mülkiyyət hüquqlarının, ədalətli mühakimə və şəxsi həyat toxunulmazlığı hüquqlarının posulduğunu bildiriblər.
Həmin işdə şikayətçilərin maraqlarını vəkil Sadiq Bağırov və Nemət Heydərov təmsil edibləe
Bayramov Azərbaycana qarşı
AİHM-də bu iş araşdırıldığı zaman azadlıq (məhkəmə qərarı olmadan həbs edilib) hüququnun pozulduğunu bəyan edən şikayətçi Bayramov Azərbaycan hökumətinin təklif etdiyi barışığa razılaşıb. Bu razılaşmaya əsasən, hökumət şikayətçiyə 3500 avro öddələr
Bu işdə şikayətçini vəkil Əkrəm Həsənov müdafiə edib.
Xurşidov Azərbaycana qarşı
Avropa Məhkəməsində baxılan bu iş də azadlıq hüququnun pozulması ilə bağlı olub. Şikayətçi yerli məhkəmə orqanının müvafiq qərarı olmadan həbs edildiyini bildirib.
İşin araşdırılması zamanı cavabdeh – Azərbaycan hökuməti vətəndaşın hüquqlarının pozulmasını etiraf edib. Bunun əlaqədar olaraq, AİHM bu işi gələcəkdə baxılmalı olan işlərin siyahısından çıxarıb və şikayətçiyə 3500 avro həcmində kompensasiya ödənməsini qət edib.
Şikayətçinin hüquqlarını vəkil Nemət Kərimli müdafiə edib.
