Elə bu vaxt sosial şəbəkə istifadəçiləri xarici işlər nazirini qeyri-səlis dilinə görə tənqid atəşinə tutublar " />

Azərbaycan jurnalistlərinə düzgün yazıb oxumağı öyrədəcəklər

Elə bu vaxt sosial şəbəkə istifadəçiləri xarici işlər nazirini qeyri-səlis dilinə görə tənqid atəşinə tutublar

Nizami Gəncəvi adına Azərbaycan Ədəbiyyat Muzeyinin binası. Foto: JAMnews

Prezident İlham Əliyev Azərbaycan dilinin saflığının qorunması və onun istifadəsinin təkmilləşdirilməsi ilə bağlı fərman imzalayıb. İlk növbədə, bu mediaya və reklama şamil edilir.

Fərmanda deyilir ki, müasir Azərbaycan dili “təkmil qrammatik struktura, zəngin lüğət tərkibinə və ifadə vasitələrinə malik olsa da”, ondan tez-tez düzgün olmayan tərzdə istifadə edirlər. Mətbuatda və reklamlarda leksik və qrammatik normalara riayət olunmur, məişət nitqindən istifadə edilir, yerli-yersiz xarici sözlər işlədilir. Səbəb kimi isə hüquqi tənzimlənmə sisteminin və bunun üzərində nəzarətin olmaması göstərilib.

• Gürcüstanda rus dili böhranı haqqında

• Azərbaycanda dil diskriminasiyası 

Buna görə də, prezident Nazirlər Kabinetinə tapşırıb ki,

 

  • dövlət dilinin tətbiqinə nəzarət və onun normalarının mətbuatda və reklamlarda mühafizəsini təmin edəcək monitorinq mərkəzi yaradılmalıdır;
  • Milli Elmlər Akademiyası ilə birgə bir ay ərzində “Azərbaycan dilinin saflığının qorunması və dövlət dilindən istifadənin daha da yaxşılaşdırılması ilə bağlı Tədbirlər Planı” hazırlanıb təsdiq edilməli;
  • üz ay ərzində mətbuatda və reklamlarda ədəbi dil normalarının pozulması hallarının qarşısının alınması üçün qanunvericilik aktlarına dəyişikliklərin edilməsi haqqında təkliflər hazırlanmalıdır.

Nazir və dil məhkəməsi

Jurnalistlərin və reklamçıların yol verdikləri səhvlər tez-tez sosial şəbəkələrdə ironiya və sarkazm obyektinə çevrilirlər. Bu günlərdə isə xarici işlər naziri Elmar Məmmədyarov tənqidlərə tuş gəlib. Sosial şəbəkə istifadəçiləri hesab ediblər ki, İstanbuldakı rəsmi görüşdə o (rusdilli olaraq) qeyri-səlis Azərbaycan dilində danışıb.

Nazirin çıxışının videoyazısının altındakı şərhlərdə isə artıq ironiya deyil, daha çox təhqirlərə və söyüşlərə rast gəlmək olar. Bunların arasında Məmmədyarovun ünvanlına səslənənlərdən ən abırlıları bunlar idi:

«Danışdıqlarından heç nə başa düşmək olmur, bircə kəlmə də»

«Onun xarici işlər naziri vəzifəsini tutmaq üçün mənəvi haqqı yoxdur»

«Biabırçılıq! Yaxşı olardı ki, özü ilə tərcüməçi götürsün ki, danışdıqlarını normal Azərbaycan dilinə tərcümə etsinlər»


More on JAMnews