Վրաստանի բնակչությունը կազմում է գրեթե 4 մլն մարդ․ մարդահամարի տվյալներ
Վրաստանի բնակչությունը՝ գրեթե 4 մլն մարդ
Վրաստանի բնակչությունը 2024 թ․-ի նոյեմբերի դրությամբ գերազանցել է 3.9 միլիոնը (3,929,581)։ Այդ մասին են վկայում Ազգային վիճակագրական ծառայության հրապարակած մարդահամարի տվյալները։
Ըստ թարմացված տվյալների՝ կանայք կազմում են բնակչության մեծամասնությունը՝ 52%, տղամարդիկ՝ 48%։ Սեռային անհավասարությունը հատկապես նկատելի է խոշոր քաղաքներում. Թբիլիսիում և Քութայիսում կանանց մասնաբաժինն ավելի մեծ է, մինչդեռ որոշ համայնքներում թվերը գրեթե հավասար են։
Ժողովրդագրական կենտրոնացումը շարունակում է մնալ մայրաքաղաքում. Թբիլիսիում է ապրում երկրի բնակչության մոտ մեկ երրորդը: Շրջանների շարքում ամենաշատ բնակչություն ունեցողներն են Իմերեթին և Քվեմո Քարթլին, դրանք միավորում են բնակչության զգալի մասին։
Ընդհանուր առմամբ, բնակչության 62%-ն ապրում է քաղաքներում, իսկ 38%-ը՝ գյուղական բնակավայրերում։ Սա ցույց է տալիս, որ Վրաստանի բնակչությունը շարժվում է դեպի քաղաքայնացում (ուրբանացում)։
Մայրաքաղաքից բացի քաղաքային բնակչության մեծ մասնաբաժին է արձանագրվել նաև հարավ-արևմուտքում՝ Աջարիայում, հիմնականում Բաթումի առողջարանային քաղաքի աճի շնորհիվ։ Եվ հակառակը, լեռնային և համեմատաբար քիչ քաղաքայնացված շրջաններում քաղաքային բնակչությունը զգալիորեն փոքր է։
Տարիքային բաշխվածությունը ցույց է տալիս, որ բնակչության ամենամեծ խումբը միջին տարիքի մարդիկ են, մասնավորապես՝ 30-40 տարեկանները։ Սակայն տարիքի աճին զուգընթաց սեռերի միջև եղած տարբերությունը մեծանում է. ամենատարեց տարիքային խմբերում կանանց թվաքանակը զգալիորեն գերազանցում են տղամարդկանց թվաքանակին։
Կանանց մասնաբաժինը հատկապես մեծ է 85 տարեկան և ավելի բարձր տարիքի մարդկանց շրջանում. այս տարիքային խմբում կանանց թիվը 2.6 անգամ գերազանցում են տղամարդկանց թվին։
Վրաստանի բնակչությունը՝ գրեթե 4 մլն մարդ
