ԱՄՆ-ն պատժամիջոցներ է կիրառել մոլդովացի օլիգարխի դեմ
ԱՄՆ Պետդեպարտամենտը պատժամիջոցներ է կիրառել մոլդովացի օլիգարխ Վլադ Պլախոտնյուկի դեմ։ Նրան ամերիկյան վիզա չի տրամադրվի կոռուպցիայի և Մոլդովայում ժողովրդավարական ինստիտուտների խաթարման մեջ նրա ներգրավվածության պատճառով։
«Տվյալ որոշումն ակնհայտորեն ցուցադրում է, որ Միացյալ Նահանգները կոռուպցիա չեն հանդուրժում և սատարում Մոլդովայի ժողովրդին դրա դեմ պայքարում։ Պետդեպը շարունակելու է նման միջոցներ կիրառել այդ տարածաշրջանում և ողջ աշխարհում կոռուպցիոներներին պատասխանատվության ենթարկելը խթանելու համար», — այդ առիթով Թվիթերում գրել է ԱՄՆ պետքարտուղար Մայք Պոմպեոն։
•Ինչո՞ւ է Մոլդովայի «հակաօլիգարխիկ» կառավարությունը հրաժարական տվել՝ աշխատելով ընդամենը 5 ամիս
•Իշխանափոխություն Մոլդովայում․ ինչպե՞ս է դա եղել
Vladimir Plahotniuc's corrupt actions undermined the rule of law and severely compromised the independence of democratic institutions in #Moldova. Today, I publicly designate him. The U.S. stands with Moldova in its fight against corruption.
— Secretary Pompeo (@SecPompeo) January 13, 2020
Ինչպես հաղորդում է մոլդովական ZGD պարբերականը, Պլախոտնյուկից բացի պատժամիջոցների տակ են հայտնվել նաև նրա կինն՝ Օկսանա Կիլդեսկուն, չափահաս որդին՝ Տիմոֆեյ Պլախոտնյուկն, ու անչափահաս երեխան։
Մոլդովայի Դեմոկրատական կուսակցության նախկին առաջնորդ Վլադ Պլախոտնյուկը փաստացի վերահսկում էր իշխանության բոլոր մարմիններն ու ոչ ֆորմալ կերպով ղեկավարում Մոլդովան մինչև 2019-ի հունիսը, երբ խորհրդարանը քվեարկեց նոր կառավարության օգտին՝ պաշտոնանկ անելով Դեմոկրատական կուսակցության կառավարությունը։ Պլախոտնյուկը լքեց երկիրը, նրա գտնվելու վայրն այս պահի դրությամբ հայտնի չէ։
2019 թ-ի հոկտեմբերին Մոլդովայի դատարանը նրա կալանքի օրդեր էր դուրս գրել առանձնապես խոշոր չափի գումարի լվացման մեղադրանքով։
Ինչպես հաղորդում է ZGD-ն, երկիրը լքած օլիգարխն ապարդյուն փորձում էր ապաստան ստանալ Ուկրաինայում և ԱՄՆ-ում։