Վրաստանն իր տարածքով զենքի տարանցում թույլ չի տա

Վրաստանը ոչ մի երկրի թույլ չի տա իր տարածքով ռազմական տարանցիկ փոխադրումներ իրականացնել։ Այս մասին լրագրողներին սեպտեմբերի 29-ին հայտարարել է պաշտպանության և անվտանգության խորհրդարանական կոմիտեի նախագահ Իրակլի Սեսիաշվիլին՝ անդրադառնալով Ղարաբաղում տիրող իրավիճակին։

Դաժան մարտեր Ղարաբաղում, Հայաստանի սահմանամերձ գյուղերի և քաղաքների գնդակոծում։ Թարմացվում է։ Ռեպորտաժներ, տեսանյութեր/լուսանկարներ

Նորություններ և ռեպորտաժներ երկու կողմից՝ Ղարաբաղի շուրջ և Ադրբեջանի ու Հայաստանի սահմանին տեղի ունեցող ռազմական գործողությունների վերաբերյալ

Նրա խոսքով՝ հարևան երկրները տեղեկացված են այդ մասին և հարգանքով են վերաբերվում Վրաստանի որոշումներին։

•Վրացի քաղաքական գործիչներն ու փորձագետները՝ ղարաբաղյան հակամարտության մասին

•Մարտեր Ղարաբաղում և Ռուսաստան․ ի՞նչ կապ կա։ Մեկնաբանություն Բաքվից

«Վրաստանը ղարաբաղյան հակամարտության վերաբերյալ չեզոք դիրքորոշում է զբաղեցնում, քանի որ մենք բարիդրացիական հարաբերություններ ունենք ինչպես Ադրբեջանի, այնպես էլ Հայաստանի հետ։ Ուզում եմ ընդգծել, որ այս երկու երկրներն ըմբռնումով են վերաբերվում մեր դիրքորոշմանը», — հայտարարել է Սեսիաշվիլին։

Նա հաղորդել է նաև, որ վրացական կողմը վերլուծում է իրավիճակը Ղարաբաղում և պատրաստ է ցանկացած սցենարի։