Վլադիմիր Պուտինն առաջարկել է «զրոյացնել» նախագահական նախորդ ժամկետները․ այդպիսով նա կարող է պաշտոնավարել մինչև 2036–ը
Մարտի 10–ին Ռուսաստանի նախագահ Վլադիմիր Պուտինը չպլանավորված այց է կատարել Պետական դումա։
Ելույթ ունենալով խորհրդարանականների առջև, նա մեկնաբանել է այսօր հնչած երեք առաջարկները․
• արտահերթ խորհրդարանական ընտրություններ անցկացնել սահմանադրությունում կատարվելիք փոփոխությունների առնչությամբ;
• հրաժարվել նախագահի պաշտոնում մեկ մարդու համար սահմանված պաշտոնավարման ժամկետի սահմանափակումից;
• «զրոյացնել», այսինքն՝ չեղարկված համարել նախագահի պաշտոնը զբաղեցնելու նախորդ ժամկետները։
• Շամանաորս․ Ռուսաստանում շարունակում են ճնշել մարդուն, որը խոստացել է «վտարել Պուտինին»
Վլադիմիր Պուտինը հորդորել է խորհրդարանականներին մերժել առաջին երկու նախաձեռնությունները։ Եվ համաձայնել է երրորդի հետ՝ ի միջի այլոց ասելով․ «եթե Սահմանադրական դատարանն այն օրինական համարի»։
«Զրոյացնող» փոփոխության ընդունումը նշանակում է, որ Պուտինն իրավունք է ստանում 2024 թ–ից հետո, երբ լրանում է նրա պաշտոնավարման ժամկետը, ևս երկու անգամ (12 տարի) առաջադրել իր թեկնածությունը բարձրագույն պետական պաշտոնի համար։
Սահմանադրական փոփոխությունների վերաբերյալ համառուսական քվեարկությունը կկայանա ապրիլի 22–ին։
