ԱԱԾ նախկին ղեկավարը ազատ է արձակվել, նա ձերբակալվել էր վարչապետի սպանությունը նախապատրաստելու կասկածանքով
Թարմացում, նոյեմբերի 15
Դատարանը ոչ իրավաչափ է համարել ձերբակալության որոշումը և ազատ է արձակել «Հայրենիք» կուսակցության ղեկավար, նախկին ԱԱԾ պետ Արթուր Վանեցյանին։ Նա ձեռբկալվել էր պետական գործչի սպանությունը նախապատրաստելու, իշխանության յուրացումը նախապատրաստելու կասկածանքով։
«Իշխանությունները փորձում են լռեցնել իմ քաղաքական գործունեությունը։ Բայց փառք Աստծո, արդարություն դեռ այս երկրում կա, և այն այսօր հաղթեց», — ասել Վանեցյանը դատարանի բակում՝ ազատ արձակվելուց անմիջապես հետո։
Նա հայատարարել է նաև, որ երբևէ ոչ մի հանցանք չի գործել` ոչ այս փուլում, ոչ էլ առհասարակ։
Նոյեմբերի 15-ին նույն մեղադրանքը դատարանն իրավաչափ է համարել «Սիսական» կամավորական ջոկատի հրամանատար Աշոտ Մինասյանի դեպքում, որն առավել հայտնի է որպես «Աշոտ Երկաթ»։
Նոյեմբերի 14
Արթուր Վանեցյանի ձերբակալության մասին հայտարարություն են տարածել նրա փաստաբանները։ Պաշտպանների գնահատականով, «Հայրենիք» կուսակցության ղեկավար, նախկին ԱԱԾ պետի ձերբակալությունը «խայտառակ քաղաքական հետապնդում է»։
Արթուր Վանեցյանը ձեռբկալվել է պետական գործչի սպանությունը նախապատրաստելու, իշխանության յուրացումը նախապատրաստելու և մի խումբ անձանց կողմից նախնական համաձայնությամբ ապօրինի զենք-զինամթերք ձեռքբերելու, փոխադրելու, կրելը կազմակերպելու, դրան դրդելու կամ օժանդակելու կասկածանքով:
Փաստաբանների գնահատականը
Պաշտպաններ Լուսինե Սահակյանի և Երվանդ Վարոսյանի Facebook-ում տարածած հայտարաության մեջ ասվում է․
«Միայն պետության ներսում քաղաքական հակառակորդներին լռեցնելու ուղղությամբ «ստեղծագործելու» ունակ իշխանության մտքի թռիչքը հասել է արդեն իշխանության յուրացման ու Նիկոլ Փաշինյանի սպանության նախապատրաստման մեղադրանք «ծննդաբերելուն»։ Այս ամենն արդեն իրավական ոլորտում որևէ կերպ մեկնաբանելն անհնար է»։
Փաստաբանները տեղեկացնում են նաև, որ իրավապահներն խուզարկություններ են իրականացվել Վանեցյանի ծնողների բնակարանում և «Հայրենիք» հիմնադրամի գրասենյակում՝ առանց նման թույլտվություն ունենալու, այսինքն ապօրինի։
Իսկ Արթուր Վանեցյանի բնակարանը խուզարկել չի հաջողվել, քանի որ իրավապահները չեն կարողացել պարզել բնակարանի հասցեն և խուզարկության թույլտվություն են ստացել այլ հասցեով։
Պաշտպանների կարծիքով, այս ձերբակալությնունը միտված է իշխանական աթոռները պահպանելուն, «հակապետական ծրագրերն ու հայրենիքը թշնամուն հանձնելը ավարտին հասցնելուն»։
Ինչու են փաստաբանները մեղադրում իշխանություններին
Արթուր Վանեցյանի կուսակցությունը մտնում է ընդդիմադիր 17 կուսակցությունների կոալիցիայի մեջ, որոնք պահանջում են վարչապետ Նիկոլ Փաշինյանի և նրա կառավարության հրաժարականը։ Ընդ որում, ընդդիմադիրների այս պահանջը դրվել էր նախքան Արցախում ռազմական գործողությունների մասին եռակողմ հայտարարության ստորագրումը՝ դեռ նոյեմբերի 9-ին։
Իսկ ստորագրումից հետո ընդդիմադիրներն անցան բացահայտ պայքարի, հրաժարականի պահանջին ավելացավ եռակողմ՝ Հայաստան-Ադրբեջան-Ռուսաստան հայտարարության չեղարկման պահանջը։
Ընդդիմադիր կուսակցությունների փողոցային բողոքի ակցիաները սկսվեցին նոյեմբերի 11-ից, չնայած դրան, որ Հայաստոնում դեռ ռազամական դրության ռեժիմը չի չեղարկվել։
Տասնյակ ընդդիմադիրներ ձերբակալվեցին հավաքներ կազմակերպելու և անցկացնելու փաստի առթիվ հարուցված քրեական գործի շրջանակում։ Սակայն նոյեմբերի 12-ի կեսգիշերին նրանց մեծ մասն ազատ արձակվեց, այդ թվում Արթուր Վանեցյանը։ Դատարանը անիրավաչափ էր համարել նրանց ձերբակալումը։
