Լրագրողների ձերբակալություն Մոսկվայում․ նրանց թույլ չեն տվել բողոքի ակցիա անցկացնել՝ ի աջակցություն գործընկերոջ
Մի քանի ռուս լրագրող և ակտիվիստ է ձերբակալվել մայիսի 28–ին Մոսկվայում՝ ՆԳՆ քաղաքային բաժանմունքի շենքի մոտ։ Ինչպես հաղորդում է «Նովայա գազետան», լրագրողները մասնակցել են բողոքի ակցիային՝ ի պաշտպանություն «Նովայա գազետայի» հատուկ թղթակից Իլյա Ազարի, որը կալանավորվել է միայնակ ակցիա իրականացնելու համար։
Ազարը ձերբակալվել է մայիսի 26–ի ակցիայի ժամանակ, որն իրականացնում էր ի աջակցություն ռուսական «Վկոնտակտե» սոցիալական ցանցի «Ոստիկանության օմբուդսմեն» խմբի՝ ավելի վաղ ձերբակալված հիմնադրի։
Ըստ ռուսաստանյան օրենքների՝ միայնակ ակցիան բողոքի միակ տեսակն է, որը չի պահանջում համաձայնեցում և թույլտվություն։
Այնուամենայնիվ, մայիսի 28–ին դատարանն Ազարին մեղավոր էր ճանաչել հանրահավաքի անցկացման կանոնների կրկնակի խախտման համար և դատապարտել 15–օրյա կալանքի։
