Նաուրուի նախագահը ցանկանում է Աբխազիան որպես լավագույն ընկեր տեսնել

Պաշտոնական այցով Աբխազիայում է եղել Նաուրուի նախագահ Բարոն Դիվավեսի Վական: Աբխազիայի համար, որի անկախությունը Ռուսաստանից բացի ճանաչում է միայն 5 պետություն, նմանատիպ այցերը շատ հազվադեպ երևույթ են:

Նաուրուի նախագահ Բարոն Դիվավեսի Վական հայտարարել է, որ տվյալ այցն ուղղված է նրան, որպեսզի ցույց տա Նաուրուի Հանրապետության հավատարմությունը երկու ժողովուրդների միջև բարեկամության և համերաշխության սկզբունքներին:

«Դուք կարող եք ամբողջությամբ մեզ վրա հույս դնել որպես վստահելի գործընկերոջ, ուժեղ կողմի վրա, որը ձեզ աջակցելու է: Մենք մտադիր ենք հետագայում առաջ տանել ձեր շահերն ու Աբխազիայի ճանաչման գործընթացն», – ընդգծել է Նաուրուի նախագահը:

Իր հերթին նրա աբխազ գործընկեր Ռաուլ Հաջիմբան, հաշվի առնելով Աբխազիայի անկախության լայն ճանաչման բացակայությունն, առաջարկել է Խաղաղօվկինոսյան տարածաշրջանում Աբխազիայի ընկերների խումբ ստեղծել, որը կներառի պաշտոնական Սուխումը ճանաչող երկրները՝ Նաուրուն, Վանուատուն և Տուվալուն:

«Այդպիսի խումբը կարող է այդ տարածաշրջանում Աբխազիայի շահերի լոբբինգն անել: Մենք լավ ենք հասկանում, որ ճանաչումն արագ գործընթաց չէ, սակայն շահերի լոբբինգի հնարավորությունները նմանատիպ կառույցների միջոցով թույլ կտա մի շարք պետությունների հետ հարաբերություններ կառուցել հումանիտար, տնտեսական կապերի մակարդակում: Նաև հնարավոր եմ համարում հարաբերություններ կառուցել Խաղաղօվկիանոսյան կղզիների ֆորումի հետ, որի անդամ է Նաուրուն: Դա տարածաշրջանին Աբխազիայի մասին ավելի շատ տեղեկատվություն կտա», — հայտարարել է նախագահ Հաջիմբան:

Նաուրուն ճանաչել է Աբխազիայի անկախությունը 2009թ-ի դեկտեմբերին:

Տերմինները, տեղանունները, մտքերը և գաղափարները պատկանում են հրապարակման հեղինակին և պարտադիր չէ, որ համընկնեն JAMnews-ի կամ նրա առանձին աշխատակիցների կարծիքների և գաղափարների հետ: JAMnews-ն իրավունք է վերապահում հեռացնել հրապարկումների վերաբերյալ արված այն մեկնաբանությունները, որոնք կգնահատվեն որպես վիրավորական, սպառնալիք պարունակող, բռնություն հրահրող կամ այլ պատճառներով էթիկապես անընդունելի