Միասեռականությունը Թուրքիայում․ նախարարն՝ ընդդեմ իրավաբանների
Այս պատմությունը սրընթաց զարգացում ունեցավ։ Սկզբից Թուրքիայի կրոնական հարցերով նախարար Ալի Էրբաշն իր ելույթի ժամանակ թիրախավորեց սեռական փոքրամասնություններին։
Նրան քննադատեց Անկարայի փաստաբանների կոլեգիան։
Այդ ժամանակ կոլեգիայի դեմ քրեական գործ հարուցվեց։
- Ինչպե՞ս է ֆիլմը բախումների պատճառ դարձել Թբիլիսիում։ Ֆոտոռեպորտաժ
- ՄԻԱՎ/ՁԻԱՀ–ով անձանց նկատմամբ խտրականությունը Հայաստանում՝ հենց բժիշկների կողմից
«Դավաճանությունն ու միասեռականությունը հիվանդությունների պատճառ են»
«Իսլամը դավաճանությունը համարում է մեծագույն մեղք և անիծում է միասեռականությունը։ Ինչո՞ւ է դա այդպես։ Որովհետև դրանք բերում են հիվանդությունների և ցեղի փտման։ Հարյուր հազարավոր մարդիկ ՄԻԱՎ–ի զոհ են դառնում։ Ուրեմն եկեք միասին պայքարենք՝ մարդկանց այդ դժբախտությունից հեռու պահելու համար», — հայտարարել է Ալի Էրբաշը։
«Նա ժողովրդին գցում է չարության և թշնամանքի մեջ»
«Մենք խռովված հետևում էինք կրոնական հարցերով նախարար Ալի Էրբաշի ելույթին։ Նա ատելություն էր արտահայտում մարդկության մի հատվածի նկատմամբ և այն դարձնում ամբոխի թիրախ։ Մարդը, որը պետական կառույց է գլխավորում, արյունարբու կերպով է դատում, ինչպես նախապատմական ժամանակներում, իր խոսքերն արդարացնում սուրբ արժեքներով և ժողովրդին գցում չարության և թշնամանքի մեջ», – հայտարարել է փաստաբանների կոլեգիան։
Կոլեգիան առաջարկում է նաև ուշադրություն դարձնել այն հանգամանքի վրա, որ նախարարի պաշտոնը զբաղեցնելու ժամանակահատվածում Ալի Էրբաշը «աչք է փակել երեխաների նկատմամբ բռնության վրա», «կանանց նկատմամբ բռնության համար բարոյական հիմք է ստեղծել» և դրա համար պետությունից աշխատավարձ ստացել։
Ըստ կոլեգիայի անդամների՝ եթե, չնայած իր այսպիսի ելույթներին, Ալի Էրբաշը մնա իր պաշտոնում, ապա զարմանալի չի լինի, եթե իր մյուս ելույթներում նա «կոչ անի ժողովրդին ջահերը ձեռքին հրապարակում այրել կանանց՝ նրանց չարքեր անվանելով»։
Թե ով է սխալ այս վեճում, այժմ կորոշի դատարանը
Իշխանությունները՝ նախագահ Էրդողանի գլխավորությամբ և արդարադատության նախարարի մասնայցութամբ, արդեն բացահայտ աջակցել են Ալի Էրբաշին։
Թայիփ Էրդողան․ «Միակ կառույցը, որը լիազորված է խոսել իսլամի մասին, կրոնի հարցերով նախարարությունն է։ Իսկ կոլեգիայի հայտարարությունը՝ ոտնձգություն է իսլամի և պետությանն նկատմամբ»։
Անկարայի դատախազությունն Ակարային փաստաբանների կոլեգիայի դեմ քրեական գործ է հարուցել «ժողովրդի մի մասի կողմից ընդունվող կրոնական արժեքները նվաստացնելու» մեղադրանքով։
Այս ամենն ուղեկցվում էր սոցցանցերում ծավալվող բուռն վեճերով
Կառավարության տասնյակ կողմնակիցներ Twitter–ում արշավ են սկսել #AliErbaşYalnızDeyildir (#ԱլիԷրբաշըՄենակՉէ) հեշթեգով՝ ի պաշտպանություն կրոնի հարցերով նախարարի։
Առաջին թվիթը գրել է նախագահի մամուլի քարտուղար Իբրահիմ Քալընը․ «Նրանք, ովքեր ոտնձություն են կատարում Ալլահի՝ տարածություն և ժամանակ ստեղծողի խոսքի նկատմամբ, կտապալվեն և այս աշխարհում, և անդրաշխարհում»։
Միաժամանակ ընդդդիմությունը, փաստաբաններն ու ակտիվիստներն իրենց արշավն են սկսել սոցցանցերում՝ ի պաշտպանություն փաստաբանների կոլեգիայի #AnkaraBarosuYalnızDeyildir (#ԱնկարայիՓաստաբանների ԿոլեգիանՄենակՉէ) հեշթեգով։
Առաջատար ընդդիմադիր ուժի՝ Հանրապետական ժողովրդական կուսակցության մամուլի քարտուղար Ֆայիք Օզթրաքը լրագրողներին ասել է․
«Կրոնի ներկայացուցիչներն այս երկրում իրավունք ունեն արտահայտելու իրենց կարծիքը։ Սակայն չպետք է ատելության լեզու օգտագործել ուրիշների կենսակերպի նկատմամբ։ Վերջին բանը, որ մեզ պետք է, հասակությունը բաժանող խտրականությունն է»։
Իզմիր քաղաքի փաստաբանների կոլեգիան նույնպես կոչ է արել կառավարությանը «խոչընդոտել ոչ թե փաստաբաններին, այլ ատելությունը տարածողներին»։
«Մենք կարծում ենք, որ պետք է պատժել․․․ նրանց, ովքեր հասարակությունը պառակտում են և ատելություն սերմանում։ Մենք հպարտությամբ ուս–ուսի տված ենք Անկարայի փաստաբանների կոլեգիայի հետ»։
Հասարակությունն անխուսափելիորեն երկու համապատասխան ճամբարի է բաժանվել։
Գրող Յուսիֆ Կապլանն իր Թվիթերում հրապարակել է Էրդողանի տեսաուղերձը, որում նա աջակցություն է հայտնում Էրբաշին։ Եվ գրել է, որ կցանկանար չեղարկել Ստամբուլյան կոնվենցիան (կանաց դեմ բռնության և կենցաղային բռնության դեմ Եվրախորհրդի փաստաթուղթը)։
Սակայն շատ գրառումներում մարդիկ վրդովմունք են արտահայտում նախարարի, այլ ոչ թե իրավաբանների խոսքերի վերաբերյալ․
«Կրոնի հարցերով նախարարը, որը մտահոգվում է միայն միասեռականների որսով այն դեպքում, երբ միլիոնավոր մարդիկ խեղդվում են սովից և աղքատությունից, պետք է չվճարվող արձակուրդ ուղարկվի, իսկ նախարարությունը՝ փակվի»։
