Հայաստանի վարչապետն ու Ադրբեջանի նախագահն առաջին անգամ հանրային կերպով կքննարկում են ղարաբաղյան հակամարտությունը

Փետրվարի 15

20:45

Սկսվել է ղարաբաղյան հակամարտության հանրային քննարկում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցությամբ։

Փետրվարի 15

17:00

Առաջին անգամ կայանալու է ղարաբաղյան հակամարտության հանրային քննարկում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցությամբ։

«Նոր զարգացումներ ղարաբաղյան հակամարտությունում» թեմայով կլոր սեղանը կանցկացվի փետրվարի 15-ին Մյունխենում, որտեղ ընթանում է անվտանգության հարցերով ամենամյա համաժողովը։

Մյունխենի համաժողովի կայքում հաղորդվում է, որ Փաշինյանն ու Ալիևը կխոսեն Լեռնային Ղարաբաղի խնդրի շուրջ,  քննարկման մոդերատորը կլինի Ռուս-ամերիկյան հիմնադրամի գործադիր տնօրեն Սելեստա Վալանդերը։

Անվտանգության մյունխենյան համաժողովի մասին

Այս ամենամյա համաժողովն առաջին անգամ անցկացվել է 1962 թ-ին։ 1998 թ-ից միջոցառումը ֆինանսավորվում է Գերմանիայի կառավարության կողմից։

Համաժողովին առաջին երեսուն տարիներին մասնակցում էին ՆԱՏՕ-ի ռազմական և քաղաքական առաջնորդները, քաղաքագետներ և լրատվամիջոցների ներկայացուցիչներ։ 1990-ականներից համաժողովին մասնակցում են նաև Արևելյան Եվրոպայի այլ երկրների, Ռուսաստանի, Չինաստանի, Հնդկաստանի, Ճապոնիայի ներկայացուցիչները։

Այս տարի Մյունխենի անվտանգության համաժողովն աշխատանքը սկսել է փետրվարի 14-ին։ Դրան մասնակցում են Հայաստանի և Ֆրանսիայի նախագահները, Կանադայի և Նիդերլանդների վարչապետներն, Ավստրիայի կանցլերը, Ռուսաստանի և Իրանի արտգործնախարարները, ՆԱՏՕ-ի և ԵԱՀԿ գլխավոր քարտուղարները։

• Հայաստանի վարչապետի և Ադրբեջանի նախագահի առաջին պաշտոնական հանդիպման արդյունքները

• Հայաստանի և Ադրբեջանի ԱԳ նախարարների հանդիպումն առաջին անգամ երկու օր է տևել

• Ղարաբաղում «ապրիլյան պատերազմի» երեք տարին։ Ի՞նչ է այն փոխել։ Փորձագետները Բաքվում և Երևանում