ՀԱՅԵՐԵՆ arrow icon
Աջակցեք մեզ
Աջակցեք մեզ
ՀԱՅԵՐԵՆ arrow icon
messenger vk-black email copy print
Արխիվ-

Խորհրդարանական ընտրությունները՝ թվերով

messenger vk-black email copy print
  • 2016թ-ի հոկտեմբերի 8-ին Վրաստանի բնակչությունը կընտրի 9-րդ գումարման խորհրդարան: 
  • Վերջին տվյալներով (2016թ-ի մայիսի 1), Վրաստանում 3 473 316 ընտրող կա:
 
  • Ընտրություններին մասնակցելու համար որակավորում ունեցող և չունեցող (խորհրդարանում ներկայացված չեն) ընտրվող սուբյեկտները պետք է համապատասխան դիմում ներկայացնեն ԿԸՀ նախագահին ոչ ուշ, քան օգոստոսի 1-ը: 
  • Դրանից հետո նրանք հատուկ ձևաթղթեր կստանան համակիրների ցուցակի համար: Որակավորված սուբյեկտները պետք է 1000-ից ոչ պակաս ընտրողների՝ իրենց համակիրների ցուցակ ներկայացնեն: Իսկ որակավորում չունեցողները՝ 25 հազար ստորագրություն: Համակիրների ցուցակը պետք է ներկայացնել մինչև օգոստոսի 15-ը: 
  • ԿԸՀ դեռևս չի դիմել ոչ իշխող «Վրացական երազանք» կուսակցությունը, ոչ էլ գլխավոր ընդդիմադիր «Միասնական ազգային շարժումը»: Որակավորված սուբյեկտները կարող են ԿԸՀ ոչ ուշ, քան ընտրություններից 57 օր առաջ: 
  • Ըստ վերջին տվյալների, ԿԸՀ է դիմել արդեն 26 քաղաքական կուսակցություն, որոնք ցանկություն են հայտնել մասնակցել ընտրություններին, և նրանցից 5-ն արդեն անցել է գրանցման փուլը: Տվյալ պահին գրանցվել են «Ժողովրդական իշխանություն», «Դավիթ Թևզաձե – Վրաստանն աշխարհի համար», «Զվիադի ուղին հանուն Աստծո», «Վրաստան», «Միացյալ ժողովրդավարական շարժում»: 
  • Խորհրդարանում հայտնվելու համար ցանկացած կուսակցություն պետք է հաղթահարի 5% ընտրական շեմը: 
  • Մեծամասնական ընտրատարածքում հաղթող կհամարվի այն թեկնածուն, որը կհավաքի այդ տեղամասի ընտրողների 50%-ից ոչ պակաս ձայները: 
  • Վրաստանի խորհրդարանում 150 պատգամավոր կա: Սահմանադրության համաձայն, համամասնական համակարգով 77 պատգամավոր է ընտրվելու, մեծամասնականով՝ 73: 
  • Օրենսդրության համաձայն, խորհրդարանի անդամ կարող է լինել Վրաստանի 21 տարին լրացած յուրաքանչյուր քաղաքացի, ով ունի ընտրելու իրավունք: 
  • Այն կուսակցությունը, որի 119 անդամները պատգամավոր կդառնան, խորհրդարանում կարող է սահմանադրական մեծամասնություն կազմել: 
  • Ըստ օրենսդրության, վարչապետ և կառավարություն ընտրելու համար մեծամասնություն է անհրաժեշտ՝ 76 ձայն 150-ից: 
  • Ընտրությունների օրը՝ հոկտեմբերի 8-ին 00:00-ին, կդադարեցվի հեռուստատեսությամբ և ռադիոյով վճարովի և անվճար գովազդի տեղադրումը: Կարգելվի նաև քարոզչությունն այն շենքում, որտեղ տեղի է ունենում քվեարկությունը: 
  • Քվեարկությունը կավարտվի ժամը 20:00-ին: Մինչ այդ արգելվում է ընտրությունների հետ կապված ցանկացած հասարակական հարցման արդյունքների հրապարակում: 
  • Օրենսդրության համաձայն, նախորդ խորհրդարանական ընտրություններին լավագույն արդյունք դրսևորած և առաջին 3 տեղը զբաղեցրած քաղաքական կուսակցություններն իրավունք ունեն պահպանել ընտրական համարները: Մնացածների համարները բաժին կընկնեն պատահական վիճակահանության արդյունքում: 
  • Ընտրություններին մասնակցող կուսակցությունները պետք է ԿԸՀ ներկայացնեն կուսակցական ցուցակները ոչ ուշ, քան ընտրություններից 30 օր առաջ: 
  • Այն նախարարներն, ովքեր պլանավորում են մասնակցել ընտրություններին, պետք է լքեն զբաղեցրած պաշտոնները նախքան ԿԸՀ կուսակցական ցուցակներ ներկայացնելը: 
  • Այլ քաղաքական սուբյեկտները նման սահմանափակումներ չունեն և կարող են նախընտրական քարոզարշավ անցկացնել դրա համար հատկացված ողջ ընթացքում: 
  • Նրանց թվում են Վրաստանի նախագահը, վարչապետը, կառավարության ու խորհրդարանի անդամները, Աջարիայի և Աբխազիայի Ինքնավար Հանրապետությունների կառավարությունների անդամները, ընտրված քաղաքապետներն ու գամգեբելիները (ադմինիստրացիաների ղեկավարները) և սակրեբուլիոյի (տեղական ինքնակառավարման մարմին) անդամները, քանի որ համարվում են քաղաքական պաշտոն զբաղեցնողներ: 
  • Այսօրվանից սկսած սահմանափակումներ են գործում լրատվամիջոցների համար և ոչ միայն Հանրային հեռարձակողի. քաղաքական գովազդ տեղադրելու համար լրատվամիջոցի ղեկավարությունը պետք է տեղյակ պահի Կապի ազգային հանձնաժողովին: Բոլոր քաղաքական կուսակցությունների համար գովազդի արժեքը պետք է նույնը լինի:Հրապարակվել է 08.06.2016

ԱՌԱՎԵԼ ԿԱՐԴԱՑՎԱԾ

ԼՈՒՐԵՐ

Մուլտիմեդիա