Եվրամիությունը բացվում է Վրաստանի համար
Եվրահանձնաժողովը հրապարաել է Վրաստանի կողմից Եվրամիության հետ վիզային ռեժիմի ազատականացման գործողությունների ծրագրի կատարման հաշվետվությունը, որում ասվում է, որ Վրաստանը կատարել է բոլոր անհրաժեշտ չափանիշները: 2016թ. սկզբում կատարվելու են օրենսդրական փոփոխություններ, որոնք վերաբերելու են Շենգենյան համաձայնագրի երկրներ առանց վիզային ռեժիմի մուտք գործելու կարգին, այս մասին նշված է հրապարակված հաշվետվությունում: Սակայն Վրաստանի հետ վիզային ռեժիմի ազատականացման մասին վերջնական որոշումը պետք է Եվրամիության անդամ-երկրներն ընդունեն:
Մինչ Վրաստանում Եվրահանձնաժողովից նորությունների էին սպասում (ենթադրվում էր, որ հաշվետվությունը հրապարակելու է դեկտեմբերի 15-ին), Վրաստանի հետ վիզային ռեժիմը չեղարկելու անսպասելի պատրաստակամություն հայտնեց Ռուսաստանը:
Եվրամիության ու Վրաստանի միջև վիզային ռեժիմի հետ ազատականացման շուրջ բանակցությունները սկսվել են 2012թ., իսկ գործողությունների ծրագիրը ներկայացվել է 2013թ.:
