Գործարք Իրանի հետ. մերժվել է Թրամփի, ընդունվել Եվրոպայի կողմից
ԱՄՆ նախագահ Դոնալդ Թրամփի ելույթի հեռարձակումը Թեհրանում: 2017թ-ի հոկտեմբերի 13: Nazanin Tabatabaee Yazdi/TIMA via REUTERS
Մեծ Բրիտանիայի, Ֆրանսիայի և Գերմանիայի առաջնորդները հայտարարել են, որ Իրանի հետ միջուկային գործարքը «համապատասխանում է անվտանգության ոլորտում իրենց ընդհանուր շահերին»՝ չնայած այն բանին, որ այն մերժվել է ԱՄՆ նախագահ Թրամփի կողմից, հաղորդում է CNN-ը:
Ուրբաթ՝ 2017թ-ի հոկտեմբերի 13-ին, Դոնալդ Թրամփը հայտարարել է, որ չի երկարաձգելու 2015թ-ի բազմակողմ պայմանագրի գործողության ժամկետը, քանի որ այն չի կատարվում Իրանի կողմից:
Սակայն Մեծ Բրիտանիայի, Ֆրանսիայի և Գերմանիայի ղեկավարների նույն օրվա համատեղ հայտարարությունում ասվում է, որ այդ երկրները պնդում են, որ «այդ պայմանագիրն ամբողջությամբ կատարեն բոլոր կողմերը»:
Մերկելի, Մեյի և Մակրոնի հայտարարությունում ասվում է, որ Իրանի կողմից որևէ խախտում չի հայտնաբերվել, իսկ փաստաթուղթը միաձայն հաստատվել է ՄԱԿ Անվտանգության խորհրդի կողմից:
Թրամփի որոշումից հետո ԱՄՆ Կոնգրեսը պետք է երկու ամսում որոշի՝ արդյոք կրկին պատժամիջոցներ կիրառել Իրանի դեմ: Եթե նման բան տեղի ունենա, դա ստորագրված պայմանագրի խախտում կնշանակի:
Թրամփը խոստանում է նաև Իրանի հանդեպ հարաբերություններում ամերիկյան դիրքորոշման խստացում պայմանագրի հետ կապ չունեցող հարցերում:
