ახალი ამბები, რეპორტაჟი - 2 ოქტომბერს, ყარაბაღში მიმდინარე საბრძოლო მოქმედებები

ეს ინფორმაცია ყარაბაღის სახალხო დამცველმა, არტაკ ბეგლარიანმა დაადასტურა:

«როგორც ჩანს, დაინგრა საცხოვრებელი სახლებიც. ბევრი ადამიანი დაშავდა».

მანამდე, სომხურ მედიაში გავრცელდა ინფორმაცია იმის შესახებ, რომ ერთდროულად რამდენიმე აფეთქებამ შეაზანზარა სტეპანაკერტი – ქალაქი საარტილერიო დაბომბვაში მოყვა.

სომხეთის სახალხო დამცველმა არმან ტატოიანმა განაცხადა, რომ სტეპანაკერტის დაბომბვისას აზერბაიჯანმა გამოიყენა აკრძალული რაკეტა «Смерч» კასეტური ნაწილით.

სომხეთის პრემიერ-მინისტრის აპარატიდან იტყობინებიან, რომ ფაშინიანმა და პუტინმა მთიან ყარაბაღში მიმდინარე ბრძოლებთან დაკავშირებული ვითარება განიხილეს. გავრცელებულ ინფორმაციაში ასევე ნათქვამია, რომ მათ „შეშფოთება გამოთქვეს კონფლიქტში ახლო აღმოსავლეთიდან ჩამოყვანილი უცხოელი დაქირავებული მებრძოლებისა და უკანონო სამხედრო ფორმირებების მონაწილეობის გამო“.

სომხეთის პრემიერმა კიდევ ერთხელ გაამახვილა რუსეთის პრეზიდენტი ყურადღება თურქეთის როლზე, რომელიც დესტაბილიზაციას ეწევა და მის ჩართულობაზე საბრძოლო მოქმედებებში.

რუსეთის პრეზიდენტმა ხაზი გაუსვა საბრძოლო მოქმედებების დაუყოვნებლივი შეწყვეტის აუცილებლობასა და სამშვიდობო პროცესის განახლებას, რომლის შესახებაც საუბარი იყო ეუთოს მინსკის ჯგუფის თანათავმჯდომარეების 1 ოქტომბრის განცხადებაში. ოფიციალური ინფორმაცია მთავრდება ფრაზით იმის შესახებ, რომ მხარეები კონსულტაციების გაგრძელების შესახებ შეთანხმდნენ.

საუბრის სხვა დეტალები ჯერჯერობით უცნობია.

მათ სიცოცხლეს საფრთხე არ ემუქრება, იტყობინება სომხეთის გაერთიანებული საინფორმაციო ცენტრი, რომელიც ახლა ყარაბაღში მოქმედებს:

„სტეპანაკერტში ნაწილობრივ დაინგრა სამაშველო სამსახურის შენობა, ჩატეხილია შუშები, დანგრეულია კედლები, დაზიანებულია ავტოსადგომზე მდგარი ავტომობილები“.

https://www.facebook.com/ArmenianUnifiedInfoCenter/posts/798942834274979

„აზერბაიჯანის ოკუპირებულ ტერიტორიებზე ვიზიტი უკანონოა. აქედან გამომდინარე, აზერბაიჯანი არ არის პასუხისმგებელი უცხოური მედიის წარმომადგენლების უსაფრთხოებაზე, რომლებიც იქ სომხეთის მხრიდან მოგზაურობენ“, – განაცხადა აზერბაიჯანის პრეზიდენტის თანაშემწემ, ჰიკმეთ გაჯიევმა.

სამხედრო ექსპერტის, არცრუნ ოვანისიანის ცნობით, აზერბაიჯანის შეიარაღებულმა ძალებმა მთიანი ყარაბაღის დედაქალაქს დაარტყეს:

„სტეპანაკერტში ბევრი სამოქალაქო ობიექტი დაინგრა, არიან დაჭრილები. დაზიანდა სამაშველო სამსახური“.

სომხეთის საგარეო საქმეთა სამინისტრომ ეუთოს მინსკის ჯგუფის თანათავმჯდომარე ქვეყნების ლიდერების საპასუხო განცხადება გააკეთა. მასში ნათქვამია, რომ „დაუყოვნებლივ უნდა შეწყდეს არცახის წინააღმდეგ აგრესია“:

„სომხეთი მუდმივად უარყოფდა და გმობდა ძალის გამოყენებას ან მუქარას აზერბაიჯანული  მხრიდან, ასევე, თურქეთის პირდაპირ მონაწილეობას არცახისა და სომხეთის წინააღმდეგ საბრძოლო მოქმედებებში. აზერბაიჯანისა და თურქეთის ერთობლივი აგრესიული ქმედებები, ასევე, დაქირავებული უცხოელი მებრძოლებისა და ტერორისტების ჩართვა საფრთხეს უქმნის რეგიონალურ უსაფრთხოებასა და მშვიდობას, საგრძნობლად ზრდის ფართომასშტაბიანი ომის რისკს. სომხეთი კვლავინდებურად მტკიცედ უჭერს მხარს მთიანი ყარაბაღის კონფლიქტის მშვიდობიან დარეგულირებას. ჩვენ მტკიცედ დავუპირისპირდებით ამ აგრესიას არცახის წინააღმდეგ, ამავე დროს, მზად ვართ, ვიმუშაოთ ეუთოს მინსკის ჯგუფის თანათავმჯდომარე ქვეყნებთან 1994-1995 წლების ხელშეკრულების საფუძველზე, ცეცხლის შეწყვეტის რეჟიმის აღდგენისთვის“.

ამის შესახებ, ნიკოლ ფაშინიანმა ფრანგულ გაზეთ Le Figaro-სთან ინტერვიუში განაცხადა. პრემიერის თქმით, ეს ესკალაცია 2016 წლის საბრძოლო მოქმედებებზე მასშტაბურია.

ინტერვიუს მთავარი თეზისები:

• რუსეთმა, საფრანგეთმა და ირანმა უკვე აღიარეს, რომ 27 სექტემბერს, თურქეთი მთიან ყარაბაღზე სრულმასშტაბიან შეტევაში ჩაერთო
• აზერბაიჯანული მხარე თურქულ უპილოტო საფრენ აპარატებსა დაF-16-ის ტიპის გამანადგურებლებს იყენებს მთიან ყარაბაღში, სამოქალაქო მიზნებზე თავდასხმისთვის
• სირიის ჩრდილოეთით, ოკუპირებულ ტერიტორიებზე, თურქეთმა ათასობით დაქირავებული მებრძოლი მოამზადა და აზერბაიჯანში გაგზავნა
• საომარი მოქმედებები იმათ უნდა შეწყვიტონ, ვინც ის დაიწყო – თურქეთმა და აზერბაიჯანმა
• ბაქოს არ შეუძლია ჩამოყვანილი დაქირავებული მებრძოლების გაკონტროლება, მეთაურობა საკუთარ თავზე ანკარამ აიღო
• აზერბაიჯანული მხარის დანაკარგების 30% – უცხოელი დაქირავებული მებრძოლები არიან
• თურქეთი უნდა გააძევონ ეუთოს მინსკის ჯგუფიდან მიკერძოებული, მილიტარისტული ქცევის გამო
• 

როგორც სამხედრო ექსპერტი, არცრუნ ოვანისიანი იტყობინება, აზერბაიჯანის შეიარაღებულმა ძალებმა ამ წუთებში, ზალპური ცეცხლის რეაქტიული სისტემა „Смерч“-ით ქალაქი გადრუტი დაბომბა.

„არის დაჭრილები მშვიდობიან მოსახლეობას შორის“.

ოვანისიანმა ფოტოსურათები გამოაქვეყნა, აღნიშნა, რომ „იყენებენ კასეტურ ჭურვებს“.

ყარაბაღის თავდაცვის არმიის მეთაურის მოადგილის, არტურ სარგსიანის განცხადებით, ისრაელური გადაცემის, Tadran-ის გაშიფვრის შემდეგ დაადგინეს, რომ აზერბაიჯანის შეიარაღებული ძალების კოორდინირება, ძირითადად არაბულ ენაზე ხდება.

საომარი მდგომარეობის პირობებში, ამ გადაწყვეტილებას სომხეთის ხელისუფლება უსაფრთხოებისა და გზების განტვირთვის აუცილებლობით ხსნის. გამონაკლისი გაკეთდა მხოლოდ ჰუმანიტარული გადაზიდვებისთვის. განსაკუთრებულ შემთხვევებში, დამატებითი ნებართვები ხელისუფლების მიერ გაიცემა. მედიის წარმომადგენლებსაც წინასწარ დასჭირდებათ ნებართვის აღება.

მიუხედავად არაერთი გაფრთხილებისა, რომ არ დაბომბონ დასახლებული პუნქტები, აღდამის რაიონის სოფლები – ხინდირისტანი, ალიბეილი, აჰმადაღალი და საფარლი ამ მომენტისთვისაც იბომბება მოწინააღმდეგის საარტილერიო დანადგარებიდან, აცხადებს აზერბაიჯანის თავდაცვის სამინისტროს პრესსამსახური.

„მშვიდობიან მოსახლეობას შორის არის გარდაცვლილები და დაჭრილები“, – ნათქვამია ინფორმაციაში.

საერთო ჯამში, დაღუპულ სომეხ სამხედროთა რიცხვი 107-მდე გაიზარდა, განაცხადა მთიანი ყარაბაღის თავდაცვის არმიის მეთაურის მოადგილემ, არტურ სარგსიანმა 2 ოქტომბრის დილას.

დაჭრილთა რაოდენობა ზუსტდება.

სომხეთის თავდაცვის სამინისტროს ცნობით, 1 ოქტომბერს, შუაღამისას, აზერბაიჯანის ოთხი უპილოტო საფრენი აპარატი გაანადგურეს. ერთ-ერთი მათგანი, კოტაიქის რეგიონში ჩამოაგდეს, რომელიც ერევნიდან ოც კილომეტრში მდებარეობს, სამი კი – გეღარქუნიქის პროვინციაში.

„ყველა ჩამოგდებული თვითმფრინავი სადაზვერვო იყო“, – განაცხადა სომხეთის თავდაცვის სამინისტროს პრესმდივანმა, შუშან სტეპანიანმა.

მისი თქმით, სომხეთის საჰაერო სივრცეში, 1 ოქტომბერს, სულ 7 უპილოტო საფრენი აპარატი ჩამოაგდეს

ირანის ქალაქ არდებილში, რომელიც ძირითადად აზერბაიჯანელებით არის დასახლებული, აზერბაიჯანის მხარდამჭერ აქციაში მონაწილეობისთვის 12 აქტივისტი დააკავეს, იტყობინება სააგენტო „ანადოლუ“.

მათ ირანის სულიერი ლიდერის, ალი ჰამენეის შეურაცხყოფა, საზოგადოებრივი წესრიგის დარღვევა და არასანქცირებული აქციის ორგანიზება ედებათ ბრალად.

ასევე, აზერბაიჯანის მხარდამჭერი აქციები გაიმართა ირანის ქალაქებში, თავრიზზსა და ურმიაში, რომელშიც ბევრი ეთნიკურად აზერბაიჯანელი ცხოვრობს და ქვეყნის დედაქალაქ თეირანში. არსებული ინფორმაციით, თეირანში, იმამ ჰუსეინის მოედანზე, აქციის მონაწილეებმა სომხეთის სახელმწიფო დროშა დაწვეს.

ახალი გზავნილი აზერბაიჯანის თავდაცვის სამინისტროსგან: „აზერბაიჯანის არმიამ სოფელ მადაგიზის (აღდერინის (მარდაკერტის) რაიონი ყარაბაღი) გარშემო მნიშვნელოვანი სიმაღლეები გაათავისუფლა და ამ პუნქტს უკვე თვითონ აკონტროლებს.

2 ოქტომბრის ღამით და დილის საათებში, ბრძოლები ფრონტის სხვადასხვა ხაზზე მიმდინარეობდა.

ჯაბრაილი-ფუზულის მიმართულებით მოწინააღმდეგის წინააღმდეგობა გატყდა და ის იძულებული გახდა უკან დაეხია“.

• ახალი ამბები, რეპორტაჟი, ფოტო/ვიდეო – 2020 წლის 1 ოქტომბერი, ყარაბაღში მიმდინარე საბრძოლო მოქმედებები

27 სექტემბერს, მასშტაბური საბრძოლო მოქმედებები დაიწყო მთიან ყარაბაღსა და აზერბაიჯან-სომხეთის საზღვარზე. ვრცელდება ინფორმაცია ორივე მხრიდან ათობით დაღუპულისა და დაჭრილის შესახებ, როგორც სამხედროებს, ისე მშვიდობიან მოსახლეობას შორის.