"შაბათის მარში" ემიგრაციის პრობლემების შესახებ. ვიდეო ბლოგების სერიიდან „პროტესტი საქართველოში“
შაბათის მარში ემიგრაციის პრობლემების შესახებ
„ემიგრაცია ქვეყანას მომავალს ართმევს“- ამ გზავნილით გაიმართა ტრადიციული ” შაბათის მარში” 29 აგვისტოს.
პროტესტი საქართველოში. ყველა ვიდეო დღევანდელი მსვლელობა ემიგრანტებს და ემიგრაციის პრობლემებს მიეძღვნა. საქსტატის მონაცემებით, მხოლოდ 2025 წელს საქართველოდან ემიგრაციაში 114 ათასზე მეტი ადამიანი წავიდა.
ტრადიციული “შაბათის მარში” თბილისში უკვე 37-ე კვირაა იმართება. მსვლელობა ავლაბრის მოედნიდან პარლამენტის მიმართულებით მოეწყო.
თითქმის ორი წელია საქართველოში უწყვეტი საპროტესტო აქციები მიმდინარეობს. აქციის მონაწილეები ყოველ საღამოს იკრიბებიან ქვეყნის დედაქალაქში, თბილისსა და საქართველოს რამდენიმე პატარა ქალაქში.
აქციების მიმდინარეობისას ათობით ადამიანი დააკავეს. ბევრ მათგანს სისხლის სამართლის ბრალდება წაუყენეს და პატიმრობა მიუსაჯეს. პირველად, დამოუკიდებელი საქართველოს ისტორიაში, გვყავს 150-მდე სინდისის პატიმარი, მათ შორის ქალები. დაპატიმრებულია გამოცემების “ბათუმელებისა” და “ნეტგაზეთის” დამფუძნებელი, მზია ამაღლობელი. მას ორწლიანი პატიმრობა აქვს მისჯილი პოლიციელისთვის სილის გაწვნის ფაქტზე.
აქციის მონაწილეები ითხოვენ გათავისუფლდეს ყველა პოლიტიკური პატიმარი, დაინიშნოს ახალი საპარლამენტო არჩევნები და გაუქმდეს ყველა ის ანტიდემოკრატიული კანონი, რაც ბოლო ორ წელიწადში მიიღო “ქართულმა ოცნებამ”.
პროტესტის ჩასახშობად, “ქართული ოცნება” სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ. თუმცა, უწყვეტი პროტესტი, სხვადასხვა ფორმით, დღემდე გრძელდება.
