საქართველოში შემოსული ფულადი გზავნილების 40.5 პროცენტი ევროკავშირის ქვეყნებზე მოდის
აგვისტოს თვეში, საქართველოში შემოსული ფულადი გზავნილების 40.5 პროცენტი ევროკავშირის ქვეყნებზე მოდის, ყველაზე მეტი – 37 მილიონი დოლარი კი საქართველოში რუსეთიდან შემოვიდა. ამის შესახებ ინფორმაციას ეროვნული ბანკი ავრცელებს.
საერთო ჯამში, 2021 წლის აგვისტოში ქვეყანაში შემოსული ფულადი გზავნილების მოცულობამ 204.9 მილიონი დოლარი შეადგინა (638 მლნ ლარი), რაც 11.2%-ით, 20 მილიონი დოლარით მეტია გასული წლის ანალოგიურ მაჩვენებელზე.
ქვეყნები, საიდანაც აგვისტოში ყველაზე მეტი ფულადი გზავნილები შემოვიდა:
- რუსეთი – $37.6 მილიონი;
- იტალია – $33.6 მილიონი;
- აშშ – $24.6 მილიონი;
- საბერძნეთი – $19.3 მილიონი;
- ისრაელი – $16.6 მილიონი;
- გერმანია – $10.1 მილიონი;
- თურქეთი – $9.3 მილიონი;
- უკრაინა – $7.5 მილიონი;
- აზერბაიჯანი – $7.1 მილიონი;
- ესპანეთი – $5.4 მილიონი.
ეროვნული ბანკის ინფორმაციით, აგვისტოში საქართველოდან საზღვარგარეთ 27.4 მილიონი დოლარი (85 მლნ ლარი) გადაიგზავნა, რაც გასული წლის მაჩვენებელთან შედარებით 18.7%-ით მეტია. ფულადი გზავნილების დიდი ნაწილი სწორედ ევროკავშირში გაიგზავნა.
● საქართველოს ყოველი მეშვიდე მოქალაქე სოციალური შემწეობის დახმარებას იღებს
● “საქსტატის” მონაცემებით 2020 წელს პროდუქტები მნიშვნელოვნად გაძვირდა
● აპრილის თვეში ჯანდაცვა 13.8 პროცენტით გაძვირდა
საქართველოს სტატისტიკის ეროვნული სამსახურმა დათვალა, რამდენით შემცირდა პანდემიის დროს საქართველოს ეკონომიკა 2020 წელს. საქსტატის მონაცემებით, 2020 წელს საქართველოს ეკონომიკა 6.1 პროცენტით შემცირდა, რაც ბოლო 26 წლის განმავლობაში ვარდნის რეკორდული მაჩვენებელია.
2020 წელს ვარდნა უფრო მეტია, ვიდრე 2008 წელს იყო – მსოფლიო ეკონომიკური კრიზისისა და აგვისტოს ომის ფონზე. ვარდნის მთავარი მიზეზი პანდემია და თვეების განმავლობაში გაგრძელებული ლოქდაუნია.
საქსტატის მონაცემებით, ყველაზე რთული თვე საქართველოს ეკონომიკისთვის დეკემბერი აღმოჩნდა, როდესაც განსაკუთრებით მძიმე ეპიდემიოლოგიური მდგომარეობის გამო ქვეყანა სრულად იყო ჩაკეტილი.
1994 წლის შემდგომ საქართველოს ეკონომიკა ყოველწლიურად იზრდებოდა, გამონაკლისი მხოლოდ 2009 წელი იყო, როდესაც რუსეთ-საქართველოს ომის გამო ეკონომიკა 3.65 პროცენტით შემცირდა. შედარებისთვის, 2014-2019 წლებში საქართველო საშუალოდ 4,17 პროცენტით იზრდებოდა.
