ევროპარლამენტში ოცნების მხარდამჭერი ჯგუფი ეწინააღმდეგება საქართველოს გაწევრიანებას ევროკავშირში

საქართველოს გაწევრიანება ევროკავშირში

ევროპარლამენტის პოლიტიკურ ჯგუფს, “სუვერენულ ერთა ევროპას” (ESN), რომელიც “ქართული ოცნების” მხარდამჭერი რიტორიკით გამოირჩევა, EP-ის რეზოლუციის პროექტში ინიციირებული აქვს შესწორება, რომლის მიხედვითაც, ევროპარლამენტი უნდა შეეწინააღმდეგოს საქართველოს გაწევრიანებას ევროკავშირში.

ESN-ის ჯგუფის სახელით წარდგენილი შესწორების ავტორები არიან სლოვაკი ევროპარლამენტარი ულტრამემარჯვენე „მოძრაობა რესპუბლიკიდან“ მილან ურიკი, საფრანგეთში ერიკ ზემურის პარტია „რეკონკისტას“ წევრი სარა კნაფო და „ალტერნატივა გერმანიისთვის“ (AfD) წევრი ალექსანდერ სელი.

8 ივლისს ევროპარლამენტი განიხილავს, ხოლო ხვალ კენჭს უყრის რეზოლუციას საქართველოს შესახებ.

დოკუმენტში აღნიშნულია, რომ EP არ ცნობს ოცნების ხელისუფლებას. ამასთან ერთად რეზოლუციის პროექტში ხაზგასმულია, ბიძინა ივანიშვილისა და მისი ოჯახის, ასევე ხელისუფლების ლიდერებისა და დემოკრატიულ უკუსვლაზე პასუხისმგებელი სხვა პირების წინააღმდეგ სანქციების დაწესების აუცილებლობა.

გარდა ამისა, კრიტიკულ დოკუმენტში საუბარია ქვეყანაში სამოქალაქო საზოგადოების ზეწოლაზე, ოპოზიციონერების დევნაზე და ასევე წლევანდელ ადგილობრივ არჩევნებზე.

ოცნებამ მხარი არ დაუჭირა ეუთოს რეზოლუციას, რომელშიც სირიისგან ოკუპირებული ტერიტორიების აღიარების უკან წაღებას ითხოვენ. კომენტარი

“ასადის ჩამოგდების შემდეგ, სირია ურთიერთობების გლობალური გადატვირთვის პროცესშია, რაც საუკეთესო შანსს გვაძლევს, რომ აღიარება გააუქმონ”