საქართველო-უკრაინის სავაჭრო ბრუნვა 463 მილიონი დოლარია
საქართველო-უკრაინის სავაჭრო ბრუნვა
2022 წლის 11 თვის მონაცემებით საქართველოს სავაჭრო კავშირებში უკრაინა მოწინავე პოზიციებს ინარჩუნებს, თუმცა ქვეყნებს შორის სავაჭრო ბრუნვა შემცირებულია.
საქსტატის მიხედვით, იანვარ-ნოემბერში საქართველო-უკრაინის სავაჭრო ბრუნვა 463.3 მილიონი დოლარი იყო. კლება წინა წლის ანალოგიური პერიოდის მაჩვენებელთან შედარებით 32 პროცენტია. ამ მაჩვენებლით უკრაინამ უმსხვილეს სავაჭრო პარტნიორებს შორის 2.7 პროცენტიანი წილით მეცხრე ადგილი დაიკავა, მიუხედავად იმისა, რომ თებერვლის ბოლოს რუსეთმა უკრაინაში სრულმასშტაბიანი ომი დაიწყო.
საექსპორტო საქონლის რეიტინგი ასეთია:
1. მსუბუქი ავტომობილები – 118.7 მლნ დოლარი;
2. ეთილის სპირტი არადენატურირებული – 21.4 მლნ დოლარი;
3. ნავთობი და ნავთობპროდუქტები – 13.2 მლნ დოლარი;
4. აზოტოვანი ნავთობი და ნავთობპროდუქტები – 13 მლნ დოლარი;
5. ყურძნის ნატურალური ღვინოები – 11.5 მლნ დოლარი;
6. მინერალური და მტკნარი წყლები – 9.4 მლნ დოლარი;
7. ფეროშენადნობები – 7.8 მლნ დოლარი;
8. პოლიმერები ეთილენისა, პირველადი ფორმებით – 3.9 მლნ დოლარი;
9. სამარჯვები ორთოპედიული; სხეულის ხელოვნური ნაწილები – 2.7 მლნ დოლარი;
10. პირადი ნივთები – 1.9 მლნ დოლარი, 955 ტონა.
როგორც აღმოჩნდა, ამ პერიოდში, უკრაინასთან ექსპორტის მთავარი საქონელი მსუბუქი ავტომობილებია. საერთო ჯამში კი საქართველოდან უკრაინაში 221.7 მილიონი დოლარის ღირებულების საქონელი გაიყიდა, რაც გასული წლის რიცხვებს 20.3პროცენტით ჩამორჩება.
გარდა ამისა, ამ პერიოდის განმავლობაში უკრაინაში ელექტრული წყალგამახურებლები, სპეცდანიშნულების მანქანები და მექანიკური მოწყობილობები, სპილენძის ჯართი, დაგაზიანებული და შაქრის დანამატიანი წყლები, სატვირთო ავტომობილები, თხილი და სხვა პროდუქტი გაიყიდა.
რაც შეეხება იმპორტს, უკრაინიდან შეძენილი საქონლის ღირებულება თითქმის განახევრებულია. კერძოდ: იანვარ-ნოემბრის პერიოდში იმპორტი 40 პროცენტით შემცირდა.
ოფიციალური სტატისტიკის მიხედვით, მიმდინარე წელს სხვადასხვა დასახელების პროდუქტის შესაძენად 241.6 მლნ დოლარი გავიდა. ამ პერიოდში მნიშვნელოვნად – 80 პროცენტით შემცირდა თამბაქოს შემცველი პროდუქტის იმპორტი.
საიმპორტო საქონლის რეიტინგი ასეთია:
1. სამკურნალო საშუალებები დაფასოებული – 14.7 მლნ დოლარი;
2. მსუბუქი ავტომობილები – 13 მლნ დოლარი;
3. სიგარები, სიგარილები და სიგარეტები თამბაქოს ან მისი შემცვლელებისაგან – 11.4 მლნ დოლარი;
4. შოკოლადი და კაკაოს შემცველი კვების პროდუქტები – 8.7 მლნ დოლარი;
5. კოპტონი და სხვა მყარი ნარჩენები – 8.4 მლნ დოლარი;
6. პური, ფქვილოვანი საკონდიტრო ნაწარმი, შაქარლამა, ნამცხვარი – 6.7 მლნ დოლარი;
7. ხორცი და კვების სუბპროდუქტები შინაური ფრინველის – 6.3 მლნ დოლარი;
8. ბრტყელი ნაგლინი ნახშირბადიანი ფოლადისაგან – 5.6 მლნ დოლარი;
9. ფეროშენადნობები – 5.1 მლნ დოლარი;
10. საცობები, ხუფები და სახურავები – 5 მლნ დოლარი;
● როგორია საქართველოს 2023 წლის ბიუჯეტი – მოკლედ
● CNBC: საქართველოს ეკონომიკური ბუმი პუტინის ომის შედეგია
● როგორ აისახა უკრაინის ომი საქართველოს უძრავი ქონების ბაზარზე
ამერიკული გამოცემა CNBC წერს, რომ მაშინ, როცა ბევრი ეკონომიკა რუსეთის მიერ უკრაინაში შეჭრის გავლენით ზარალდება, რამდენიმე ქვეყანა რუსი მიგრანტების ნაკადით სარგებლობს და მათ შორისაა საქართველო.
გამოცემის ცნობით, სომხეთთან და თურქეთთან ერთად, საქართველო ერთ-ერთი ქვეყანაა, სადაც არეულობის ფონზე, მიგრანტებმა ეკონომიკური ბუმი გამოიწვიეს. CNBC-ს თანახმად, მიგრანტებს საქართველო მდებარეობის გარდა, ლიბერალური საიმიგრაციო პოლიტიკითაც იზიდავს, ხოლო გამოცემა ეროვნულ ბანკზე დაყრდნობით, წერს, რომ მომავალ წელს ეკონომიკური ზრდის ტემპი შენელდება და ქვეყანა მხოლოდ 5%-იან ზრდას ელის.
რუსეთ -უკრაინის ომმა საქართველოში მკვეთრად შეცვალა მდგომარეობა უძრავი ქონების ბაზარზეც. რუსეთის და ბელარუსის ათასობით მოქალაქის შემოსვლამ განსაკუთრებით ბინის ქირის ფასი გაზარდა – გასული წლის ამ პერიოდთან შედარებით ქირა 210 პროცენტითაა მომატებული. გაძვირებულია გასაყიდი ფასიც.
უკრაინაში ომის დაწყებიდან დღემდე საქართველოში 1 მილიონ 45 ათას 614 რუსეთის მოქალაქე შემოვიდა. მხოლოდ სექტემბერში, მას შემდეგ რაც პუტინმა მობილიზაცია გამოაცხადა, საქართველოში 222 ათას 274 რუსი შემოვიდა.
IDFI-ს მონაცემებით, უკრაინაში რუსეთის შეჭრის დღიდან 31 აგვისტომდე საქართველოს კომერციულ ბანკებში ახალი ანგარიშები გახსნა რუსეთის 45 349-მა მოქალაქემ. როგორც ორგანიზაციაში განმარტავენ, ამ რაოდენობით ანგარიშების გახსნა მიუთითებს, რომ ეს რუსეთის მოქალაქეთა მიგრაციაა და არა უბრალოდ ტურისტულად მოგზაურობა საქართველოში. მონაცემები არასამთავრობო ორგანიზაციამ ეროვნული ბანკისგან გამოითხოვა.
