სამხრეთ ოსეთში სტალინის ძეგლი გაუჩინარდა და პუტინის ქანდაკება გამოჩნდა
სტალინი და პუტინი სამხრეთ ოსეთში
სამხრეთ ოსეთის ერთ-ერთ სოფელში რუსეთის პრეზიდენტის, ვლადიმირ პუტინის ძეგლი გამოჩნდა. ის სამხრეთ ოსეთის პარლამენტის წევრმა, ძამბოლატ თედეევმა დაამონტაჟა. თუმცა ცხინვალში, გენერალური პროკურატურის წინ მდგარ იოსებ სტალინის ძეგლს დემონტაჟი გაუკეთეს.
- სტალინი კვლავ ცოცხალია სამხრეთ ოსეთსა და აღმოსავლეთ უკრაინაში
- სტალინის “დიდი ტერორი”. ყველაზე მარტივი კითხვები 1937 წელზე
იოსებ სტალინის ძეგლის დემონტაჟის ბრძანება ახალმა გენერალურმა პროკურორმა, გრეგორი სობაევმა გასცა, რომელიც რამდენიმე წლის წინ დეპარტამენტის შენობის მთავარ შესასვლელთან დამონტაჟდა.
დემონტაჟის არაოფიციალური მიზეზი ის არის, რომ ამ ძეგლმა უბრალოდ გააღიზიანა სობაევი, რადგან იგი დამონტაჟდა მისი წინამორბედის, ურუზმაგ ჯაგაევის პირადი დაკვეთით.
სამხრეთ ოსეთში ჯერ კიდევ ყვავის სტალინის კულტი, ამიტომ ძეგლის დანგრევამ ცხინვალელების უკმაყოფილება გამოიწვია. სოციალურ ქსელებში ხალხი აღშფოთებულია და რიტორიკულ კითხვებს სვამს:
„სობაევი ფიქრობს, რომ განყოფილებაში რაღაცებს აწესრიგებს და ბრინჯაოს ქანდაკებით დაიწყო. რით შეაწუხა სობაევი სტალინის ძეგლმა?”
“გენერალურმა პროკურორმა უკვე დაამარცხა დანაშაული და უსაქმურობის გამო გადაწყვიტა სტალინის ძეგლის აღება?”
„როგორც არ უნდა იყოს, სტალინი დარჩა სსრკ-ს და ჩვენი ხალხის ისტორიაში, როგორც დიდი ლიდერი, და თუ ოსეთის დედაქალაქს აქვს ცენტრალური ქუჩა მისი სახელობის, მაშინ რატომ მისცა სობაევმა საკუთარ თავს უფლება, ცალმხრივად გადაეწყვიტა აეღო თუ არა ძეგლია?”
თავად გენერალურმა პროკურორმა მედიას განუცხადა, რომ ქანდაკების თავის ადგილზე დაბრუნებაზე საუბარი არ მიმდინარეობს.
„იოსებ ბესარიონოვიჩის ნაცვლად შეიძლება გამოჩნდეს განყოფილების სიმბოლოები ან ქვა, რომელიც სამხრეთ ოსეთის პროკურატურის ვეტერანთა ხსოვნას უკვდავყოფს“, – განაცხადა მან.
სამხრეთ ოსეთის პარლამენტის წევრი, რუსეთის თავისუფალი სტილით მოჭიდავეთა ნაკრების ყოფილი მთავარი მწვრთნელი ძამბოლატ თედეევი კიდევ უფრო ადრე გეგმავდა იოსებ სტალინის ძეგლის აღმართვას სამხრეთ ოსეთის საგვარეულო სოფელ წორბისში, თუმცა მის მიმართ კრიტიკის შემდეგ გადაიფიქრა და უპირატესობა რუსეთის პრეზიდენტის, ვლადიმერ პუტინის სკულპტურას მიანიჭა.
როგორც ცნობილია, თედეევი პირადად ატარებს ტურებს ახალგაზრდებისთვის და დეტალურად აღწერს პუტინის ისტორიულ როლს სამხრეთ ოსეთის დაცვაში 2008 წლის აგვისტოს ომის დროს.
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
