სამხრეთი ოსეთის 22 წლის მცხოვრები ნაღმზე აფეთქების შედეგად დაიღუპა
ზნაურის რაიონის სოფელ ძაგინის 22 წლის მკვიდრი ქვეითსაწინააღმდეგო ნაღმის აფეთქების შედეგად გარდაიცვალა.
სამხრეთი ოსეთის საგანგებო სიტუაციათა სამინისტროს განცხადებით, ინციდენტი ორშაბათს, დაახლოებით 14:00-ზე მოხდა. ახსარ გუსალოვი, რომელიც სოფელ ავნევის მახლობლად მწყემსავდა საქონელს, დამწოლი მოქმედების ქვეითსაწინააღმდეგო ნაღმზე აფეთქდა. გუსალოვი შემთხვევის ადგილზე გარდაიცვალა.
საგანგებო სიტუაციების სამინისტროს სახანძრო უსაფრთხოებისა და სამოქალაქო თავდაცვის განყოფილების უფროსის, ბორის კულუმბეგოვის თქმით, „ნაღმი ქართული ძალოვანი სტრუქტურების წარმომადგენლებმა დატოვეს. სწორედ ისინი აკონტროლებდნენ სოფელს 2008 წლამდე“.
2016 წელს სამხეთი ოსეთის ტერიტორიაზე განაღმვით სამუშაოებს რუსი სპეციალისტები აწარმოებდნენ, რომლებმაც ორი თვის განმავლობაში 50 ჰექტარზე მეტი გააუვნებელყვეს. მანამდე ცხინვალის ჩრდილოეთით მდებარე ტერიტორიაზე ადგილობრივი ოსი გამნაღმველები მუშაობდნენ, თუმცა, სამხრეთი ოსეთის ტერიტორიაზე ჯერ კიდევ ბევრი გაუნაღმავი ზონა რჩება.
