რუსი ტურისტები სოჭიდან ბათუმში კრუიზით იმოგზაურებენ
რუსი ტურისტები სოჭიდან ბათუმში
22 ივლისს საკრუიზო ლაინერმა Astoria Grande-მ სოჭიდან ახალი მარშრუტით მოგზაურობა დაიწყო, რომლის მიხედვითაც მეხუთე დღეს კრუიზი ბათუმის პორტშიც შევა. ინფორმაცია დაადასტურა საქართველოს საზღვაო ტრანსპორტის სააგენტომაც, რომლის განმარტებითაც, გემი თურქული საკრუიზო კომპანია Miray Cruises International-ს ემსახურება და მისი შემოსვლა კომერციული ხასიათისაა.
რუსული სამთავრობო არხის, Россия 1-ის ცნობით, შავი ზღვის სანაპიროზე დამატებითი გაჩერება ტურისტების მოთხოვნით დაამატეს. გამოცემა “ეხო კავკაზა” იუწყება, რომ კრუიზი ტურისტებს ბათუმის ღირსშესანიშნაობების დათვალიერებასა და ადგილობრივი სამზარეულოს გასინჯვას სთავაზობს. ამასთან, ლაინერის მენიუს ქართული ტრადიციული კერძებიც დაემატა.
“ვიმედოვნებთ, რომ ჩვენი სტუმრები დააფასებენ ბათუმის გასაოცარ ატმოსფეროს და კულტურას. ჩვენ მოვამზადეთ სპეციალური საექსკურსიო პროგრამა, რომლითაც ტურისტები გაეცნობიან ქალაქს და მის კულტურას.” – განაცხადა საკრუიზო კომპანიის სასტუმროს მენეჯერის მოადგილემ მუზაფერ ოზიმ.
Россия 1-ის რეპორტაჟში კი ნათქვამია, რომ ორგანიზატორების განმარტებით, ქართული კურორტები რეისის მიმართ ინტერესს მნიშვნელოვნად გაზრდის. “მით უმეტეს, არანაირი დამატებითი დოკუმენტის” გაფორმება მგზავრებს არ მოუწევთ
Astoria Grande-ს ვებსაიტის მიხედვით, ის მორიგ “ვარსკვლავურ” ტურს 29 ივლისს დაიწყებს. ამ შემთხვევაში Astoria Grande-ს მარშრუტია: სოჭი-ტრაბზონი-ბათუმი-ამასრა-სტამბოლი-სოჭი.
● “სანამ ჩვენ ვსწავლობთ, ისინი ფუძნდებიან” – საზღვაო სეზონი “ოკუპირებულ” ბათუმში
● უკრაინის ომის შემდეგ საქართველოს ეკონომიკა სულ უფრო დამოკიდებული ხდება რუსეთზე. ციფრები და ანალიზი
● „თუ საზღვარს ჩაკეტავენ, ერთადერთი გზა დარჩება – გზა ომში“ . რუსეთიდან გამოქცეულების ისტორიები
