“როცა სახელმწიფო ივანიშვილს ემსახურება, სოფლები და ქალაქები იცლება“-ვიდეო ბლოგების სერიიდან „პროტესტი საქართველოში“
შაბათის მარში ემიგრანტების მიეძღვნა
22 აგვისტოს ტრადიციული “შაბათის მარში” ემიგრანტებს მიეძღვნა.
“როცა სახელმწიფო ივანიშვილს ემსახურება, სოფლები და ქალაქები იცლება“- ეს იყო დღევანდელი მარშის მთავარი გზავნილი.
პროტესტი საქართველოში. ყველა ვიდეო მსვლელობნის მონაწილეები საუბრობენ იძულებით ემიგრაციაზე, რაც დღევანდელი ხელისუფლების მმართველობის შედეგია.
როგორც აქციის ორგანიზატორები ამბობენ, მომდევნო ერთი თვის განმავლობაში ტრადიციული “შაბათის მარშები” ემიგრანტების მხარდასაჭეტად გაიმართება.
მსვლელობაზე, 24 აგვისტოს, უკრაინის დამოუკიდებლობის დღესეთან დაკავშირებული სოლიდარობის აქციაც დაანონსდა, რომელიც უკრაინის საელჩოსთან გაიმართება.
ტრადიციული შაბათის მარში თბილისში უკვე 36-ე კვირაა იმართება. მსვლელობის მონაწილეების მოთხოვნები უცვლელია: პოლიტპატიმრების გათავისუფლება და ახალი საპარლამენტო არჩევნები.
თითქმის ორი წელია საქართველოში უწყვეტი საპროტესტო აქციები მიმდინარეობს. აქციის მონაწილეები ყოველ საღამოს იკრიბებიან ქვეყნის დედაქალაქში, თბილისსა და საქართველოს რამდენიმე პატარა ქალაქში.
აქციების მიმდინარეობისას ათობით ადამიანი დააკავეს. ბევრ მათგანს სისხლის სამართლის ბრალდება წაუყენეს და პატიმრობა მიუსაჯეს. პირველად, დამოუკიდებელი საქართველოს ისტორიაში, გვყავს 150-მდე სინდისის პატიმარი, მათ შორის ქალები. დაპატიმრებულია გამოცემების “ბათუმელებისა” და “ნეტგაზეთის” დამფუძნებელი, მზია ამაღლობელი. მას ორწლიანი პატიმრობა აქვს მისჯილი პოლიციელისთვის სილის გაწვნის ფაქტზე.
აქციის მონაწილეები ითხოვენ გათავისუფლდეს ყველა პოლიტიკური პატიმარი, დაინიშნოს ახალი საპარლამენტო არჩევნები და გაუქმდეს ყველა ის ანტიდემოკრატიული კანონი, რაც ბოლო ორ წელიწადში მიიღო “ქართულმა ოცნებამ”.
პროტესტის ჩასახშობად, “ქართული ოცნება” სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ. თუმცა, უწყვეტი პროტესტი, სხვადასხვა ფორმით, დღემდე გრძელდება.
