პირველად რუსეთი აღარ არის ქვეყანა, საიდანაც საქართველომ ყველაზე მეტი ფულადი გზავნილი მიიღო
გაზიარება
გაზიარება
პირველად ამ სტატისტიკის წარმოების ისტორიაში მოხდა ისე, რომ რუსეთი აღარ არის ქვეყანა, საიდანაც საქართველოში ყველაზე მეტი ფულადი გზავნილი შემოვიდა. იანვრის მონაცემებით პირველ ადგილზე არა რუსეთი, არამედ – იტალიაა. გასულ თვეში ყველაზე მეტი თანხა საქართველოში სწორედ იტალიიდან შემოვიდა.
სულ იანვარში საქართველოში 149,8 მილიონი დოლარის ფულადი გზავნილი შემოვიდა, რაც წინა წლის ანალოგიურ პერიოდთან შედარებით 19 პროცენტით (28 მილიონ დოლარით) მეტია. ამის შესახებ ინფორმაციას ეროვნული ბანკი ავრცელებს.
იტალიამ და რუსეთმა პირველი-მეორე ადგილები გაცვალეს, თუმცა სხვა მხრივ, უცვლელი დარჩა უმსხვილესი დონორი ქვეყნების ჩამონათვალი. გზავნილების 92 პროცენტზე მეტი 16 ქვეყანაზე მოდის, ისევე როგორც გასული წლის იანვარში.
სტატისტიკის წარმოების ისტორიაში ყველაზე მაღალი მაჩვენებელია პირდაპირი გზავნილების მოცულობაშიც.
საქართველოში ჯამურად 1.88 მილიარდი დოლარის პირდაპირი ფულადი გზავნილი შემოვიდა, მაშინ როცა, 2019 წელს იმავე მაჩვენებელმა 1.7 მილიარდი დოლარი შეადგინა, ზრდა 188 მილიონი დოლარია.
ქვეყნების ჩამონათვალი, საიდანაც იანვარში ყველაზე მეტი ფულადი გზავნილი განხორციელდა: