ახალი ამბები, რეპორტაჟი: 9 ოქტომბერს, ყარაბაღში მიმდინარე საბრძოლო მოქმედებები

„დღეს, აზერბაიჯანის არმიამ ოკუპაციისგან გაათავისუფლა სოფლები – ჰარდუთი, ჩაილი, იუჰარი გუზლექი, გორაზალი, გიშლაგი, გარაჯალი, ეფენდილერი, სულეიმანი და სური. დიდება აზერბაიჯანულ არმიას! ყარაბაღი აზერბაიჯანია!“, – დაწერა ტვიტერის საკუთარ გვერდზე აზერბაიჯანის პრეზიდენტმა, ილჰამ ალიევმა

ევრაზიის ეკონომიკური კავშირის საბჭოს სხდომაზე, რომელიც რუსეთის ლიდერობით მოქმედებს, ყველა წევრი სახელმწიფოს წარმომადგენელი ჩავიდა, ყირგიზეთის გარდა. პრემიერ-მინისტრმა კუბატბეკ ბორონოვმა ვერ შეძლო ჩასვლა, რადგან მისი მთავრობა გადადგა.

რუსეთის პრემიერ-მინისტრმა მიხაილ მიშუსტინა სხდომის დროს თანაგრძნობა გამოუცხადა მთიან ყარაბაღში საბრძოლო მოქმედებების დროს დაღუპულთა ნათესავებსა და ახლობლებს. მან კონფლიქტის ზონაში საბრძოლო მოქმედებების შეწყვეტის აუცილებლობაზე გაამახვილა ყურადღება და განაცხადა, რომ რუსეთი მზად არის, ხელი შეუწყოს კონფლიქტის მშვიდობიან დარეგულირებას.

ნიკოლ ფაშინიანსა და მიხაილ მიშუსტინს შორის ორმხრივი შეხვედრა გაიმართა. ისინი საუბრისას ყარაბაღის საკითხს შეეხნენ, მაგრამ დეტალების შესახებ ინფორმაცია არ ვრცელდება. ოფიციალურ განცხადებაში ნათქვამია, რომ განიხილეს ასევე საკითხები, რომელიც რუსეთ-სომხეთის ეკონომიკურ თანამშრომლობას შეეხება. სხვათა შორის, ეს მიშუსტინის პირველი ვიზიტია ერევანში, პრემიერ-მინისტრის რანგში.

მიმართვისას, აზერბაიჯანის პრეზიდენტმა განაცხადა:

„მთელი დროის განმავლობაში, ყველგან ამბობდნენ, რომ ამ კონფლიქტს სამხედრო გადაწყვეტა არ არსებობს. ამ მტკიცებას არასოდეს ვეთანხმებოდი და დავამტკიცე, რომ სამხედრო გადაწყვეტა არსებობს.

თავდაპირველად ეს საკითხი წყდება სამხედრო გზით და უკვე ამის შემდეგ, მოლაპარაკებების მაგიდაზე, დიპლომატიური გზით. თუკი ჩვენ მათ გაკვეთილს არ ჩავუტარებდით, გაიქცეოდნენ კი ისინი მოსკოვში?“.

„სომხეთის ტერიტორიიდან მინგეჩაურის მიმართულებით გამოშვებული ბალისტიკური რაკეტა აზერბაიჯანის საჰაერო თავდაცვის სისტემამ აღმოაჩინა და ცაში, 20 კილომეტრის სიმაღლეზე გაანადგურა“, – წერს აზერბაიჯანის თავდაცვის სამინისტროს პრესსამსახური.

ყარაბაღის კონფლიქტის ზონაში, საბრძოლო მოქმედებები გრძელდება. სომხური მხარე აცხადებს, რომ თავდაცვის არმიის ქვედანაყოფები აზერბაიჯანის შეიარაღებული ძალების შეტევებს ყველა მონაკვეთზე იგერიებენ.

„ამ წუთებში, მოწინააღმდეგე ინტენსიურად ბომბავს ბარდისა და აღდამის რაიონების ტერიტორიას“, – იტყობინება აზერბაიჯანის თავდაცვის სამინისტროს პრესსამსახური.

„მოწინააღმდეგეს ცეცხლი აქვს გახსნილი გორანბოის, ტერტერისა და აღდამის რაიონების მიმართულებით. აზერბაიჯანის არმია ადეკვატურ ზომებს იღებს სომხეთის შეიარაღებული ძალების წინააღმდეგ“, – აღნიშნულია აზერბაიჯანის თავდაცვის სამინისტროს პრესსამსახურის განცხადებაში.

ამის შესახებ ინფორმაცია, Twitter-ის საკუთარ გვერდზე, ყარაბაღის ომბუდსმენმა, არტაკ ბეგლარიანმა გაავრცელა.

#BREAKING AGAIN!#Azerbaijan just struck #Stepanakert civilian areas for a few times.
The authorities of that country are chronic terrorists & criminals, while the intl community – chronic blind.
No data on casualties yet.#DontBeBlind #RecognizeArtsakh #HumanRights

— Artak Beglaryan | #StopArtsakhGenocide (@Artak_Beglaryan) October 9, 2020

ინფორმაცია დაშავებულების შესახებ ჯერჯერობით არ ვრცელდება.

ღამით, საზღვრის ცალკეულ მონაკვეთებზე სროლა და საარტილერიო ბრძოლები მიმდინარეობდა. ასევე, ვრცელდება ინფორმაცია, რომ აზერბაიჯანული მხარე აგრძელებდა დასახლებული პუნქტების საარტილერიო დაბომბვას.

„8 ოქტომბრის დღის მეორე ნახევრიდან 9 ოქტომბრის დილამდე, ფრონტის ხაზის გასწვრივ, მთელ ტერიტორიაზე, სასტიკი ბრძოლები გრძელდებოდა“, – ინფორმაციას აზერბაიჯანის თავდაცვის სამინისტროს პრესსამსახური ავრცელებს.

„აზერბაიჯანის არმიის ქვედანაყოფებმა მიაყენეს რა დარტყმა მოწინააღმდეგეს სხვადასხვა მნიშვნელოვანი მიმართულებით, შეუზღუდეს გადაადგილების თავისუფლება და შეაჩერეს მტრის საომარი აქტივობა. მიღებული ზომების შედეგად, მოწინააღმდეგის ჯარებს შორის კოორდინაცია დაირღვა და კონტროლი დაიკარგა, შეიქმნა არეულობა მის ქვედანაყოფებში, დაირღვა პირად შემადგენლობაში დისციპლინა და პოზიციების დატოვებამ მასობრივი ხასიათი მიიღო“, – ნათქვამია განცხადებაში.

ეს ინფორმაცია კრემლის ოფიციალურ ვებგვერდზე გამოქვეყნდა. მასში ნათქვამია, რომ „რუსეთის პრეზიდენტი მხარეებს ჰუმანიტარული მიზნით, მთიანი ყარაბაღის კონფლიქტის ზონაში მიმდინარე საბრძოლო მოქმედებების შეწყვეტისკენ მოუწოდებს, რათა მათ დაღუპულთა ცხედრები და ტყვეები გაცვალონ“. ამ თემაზე, აზერბაიჯანის პრეზიდენტსა და სომხეთის პრემიერ-მინისტრთან ვლადიმირ პუტინი სატელეფონო მოლაპარაკებების სერიის შემდეგ, 9 ოქტომბერს, მოსკოვში, აზერბაიჯანისა და სომხეთის საგარეო საქმეთა მინისტრები ჩავლენ.

„აზერბაიჯანის რესპუბლიკის პრეზიდენტთან, ილჰამ ალიევთან და სომხეთის რესპუბლიკის პრემიერ-მინისტრთან, ნიკოლ ფაშინიანთან სატელეფონო მოლაპარაკებების სერიის შემდეგ, რუსეთის პრეზიდენტი მხარეებს ჰუმანიტარული მიზნით, მთიანი ყარაბაღის კონფლიქტის ზონაში მიმდინარე საბრძოლო მოქმედებების შეწყვეტისკენ მოუწოდებს, რათა მათ დაღუპულთა ცხედრები და ტყვეები გაცვალონ.

ამ საკითხებზე კონსულტაციების გამართვის მიზნით, რუსეთის საგარეო საქმეთა მინისტრის შუამავლობით, 9 ოქტომბერს, მოსკოვში ვიწვევთ აზერბაიჯანისა და სომხეთის საგარეო საქმეთა მინისტრებს“, – ნათქვამია კრემლის ოფიციალურ ვებგვერდზე გამოქვეყნებულ განცხადებაში.

ყარაბაღში ბრძოლების მე-13 დღე

• საბრძოლო მოქმედებების დაწყებიდან – 27 სექტემბრიდან მოყოლებული, ოფიციალური ინფორმაციით, სომხურ მხარეს 320-ზე მეტი სამხედრო მოსამსახურე და 31 მშვიდობიანი მოსახლე დაიღუპა, 154 – დაიჭრა. რამდენი აზერბაიჯანელი სამხედრო გარდაიცვალა, უცნობია. ექსპერტები ბრძოლის ინტენსივობიდან გამომდინარე, რომელიც უკვე მე-13 დღეა გრძელდება, ვარაუდობენ, რომ დაჭრილთა და გარდაცვლილთა რიცხვი ორივე მხარეს ძალიან დიდია.

• საარტილერიო დაბომბვის შედეგად, ძლიერ დაზარალდა ყარაბაღში, ქალაქ შუშაში მდებარე ყაზანჩეცოცის ტაძარი, რომელიც ადგილობრივებს ქალაქის ერთ-ერთ სიმბოლოდ მიაჩნიათ. დაბომბვის დროს, ტაძარში, ბავშვები იმყოფებოდნენ. აზერბაიჯანი უარყოფს ინფორმაციას, რომ მისმა სამხედროებმა ტაძარს ესროლეს.

• ყაზანჩეცოცის დაბომბვის დროს, დაიჭრა სამი რუსი ჟურნალისტი, ერთ-ერთმა მათგანმა – იური კოტენოკმა – სერიოზული დაზიანებები მიიღო.

• სარაკეტო დაბომბვის ქვეშ მოყვა დასახლებული პუნქტები აზერბაიჯანშიც.

• სომხეთში, სახელმწიფო ღალატის ბრალდებით საქმე აღიძრა სტეპანაკერტის მკვიდრის წინააღმდეგ. ის ერევანში დააკავეს და ადანაშაულებენ იმაში, რომ ყარაბაღში, სამხედროებს ღალატისკენ უბიძგებდა. დაკავებული სომხეთის ხელისუფლებას აზერბაიჯანთან ტერიტორიების დათმობის შესახებ გარიგებაში ადანაშაულებდა. ამის შესახებ პრემიერ-მინისტრმა ნიკოლ ფაშინიანმა განაცხადა. სამსახურიდან გაათავისუფლეს სომხეთის სახელმწიფო უსაფრთხოების სამსახურის დირექტორი.

• სომხეთში, საომარი მდგომარეობის პირობები გამკაცრდა – აიკრძალა მოქმედებები, პუბლიკაცია და სამთავრობო ორგანოების კრიტიკა. ასევე, აიკრძალა აგიტაცია, რომელიც ძირს უთხრის ქვეყნის თავდაცვისუნარიანობას.

• სომხეთის პრემიერ-მინისტრმა და აზერბაიჯანის პრეზიდენტმა Euronews-ის ინგლისურენოვანი სამსახურის კითხვებს უპასუხეს.

ილჰამ ალიევმა ზავის დასადებად საკუთარი პირობები გაიმეორა – სომხეთმა გრაფიკის თანახმად უნდა დატოვოს ყარაბაღი და შვიდი ოკუპირებული რაიონი.

ნიკოლ ფაშინიანმა საერთაშორისო თანამეგობრობას ყარაბაღის დამოუკიდებლობის აღიარებისკენ მოუწოდა, რათა ადგილობრივი სომეხი მოსახლეობა აზერბაიჯანის მხრიდან გენოციდს გადაურჩეს.

• სომხეთის თავდაცვის სამინისტრომ გამოაქვეყნა ვიდეო, რომელიც ყარაბაღის კონფლიქტის საბრძოლო მოქმედებების ზონაში, აზერბაიჯანის მხარეს სირიელი დაქირავებული მებრძოლების ყოფნას ადასტურებს.

• აზერბაიჯანმა საბერძნეთიდან საკუთარი ელჩი კონსულტაციებისთვის გაიწვია, ეს არის პასუხი საბერძნეთის საგარეო საქმეთა სამინისტროს ქმედებაზე, რომელმაც საკუთარი ელჩი გაიწვია ბაქოდან.

• ჟენევაში ყარაბაღში ვითარების ესკალაციის შესახებ მოლაპარაკებები გაიმართა ეუთოს მინსკის ჯგუფის თანათავმჯდომარეების – რუსეთი, საფრანგეთი და აშშ-ის წარმომადგენლებისა და აზერბაიჯანის წარმომადგენლის მონაწილეობით. ამ მომენტისთვის ცნობილია მხოლოდ ის, რომ შეხვედრა გაეროს ფარგლებს გარეთ, საიდუმლო ადგილას, სრულია დახურულ ფორმატში გაიმართა.

• 9 ოქტომბერს, მოსკოვში, რუსეთის პრეზიდენტი აზერბაიჯანის საგარეო საქმეთა მინისტრს შეხვდება, „რათა განიხილოს რეგიონში შეტაკებების შეჩერებისა და დაღუპულთა ცხედრებისა და ტყვეების გაცვლის აუცილებლობა“.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 8 ოქტომბერი, 2020