მაისის თვეში საქართველოს ეკონომიკა 25.8 პროცენტით გაიზარდა

პანდემიის გამო დაწესებული შეზღუდვების შემსუბუქების და იმის გამო, რომ მსოფლიო ნელ-ნელა იხსნება, საქართველოს ეკონომიკაც წინა წელთან შედარებით მნიშვნელოვნად იზრდება.

საქართველოს სტატისტიკის ეროვნული დეპარტამენტის წინასწარი მონაცემებით, 2021 წლის მაისში, წინა წლის ანალოგიურ პერიოდთან შედარებით, საქართველოს ეკონომიკა 25.8 პროცენტით გაიზარდა. 

2021 წლის პირველი ხუთი თვის საერთო ეკონომიკური ზრდის მაჩვენებელმა კი საშუალოდ 11.5 პროცენტი შეადგინა.

მაისში, ეკონომიკური ზრდის მიმართულებით მნიშვნელოვანი წვლილი შეიტანა შემდეგმა დარგებმა: 

● დამამუშავებელი მრეწველობა;
● საფინანსო და სადაზღვევო საქმიანობა;
● ვაჭრობა, უძრავ ქონებასთან დაკავშირებული საქმიანობა;
● სასტუმროები და რესტორნები;
● მშენებლობა, ტრანსპორტი და დასაწყობება.

საქსტატისვე ინფორმაციით, 2021 წლის აპრილში, წინა წლის ანალოგიურ პერიოდთან შედარებით, საქართველოს ეკონომიკა 44,8 პროცენტით გაიზარდა.

საქართველოს მთავრობა წელს, მთლიანობაში, ეკონომიკის 6.5 პროცენტიან ზრდას ელოდება, ამის შესახებ ეკონომიკის მინისტრმა, ნათია თურნავამ განაცხადა, თუმცა მინისტრი არც ორნიშნა (10.2%) ზრდის მიღწევას გამორიცხავს.

___________________________________________________________

● საქართველოში ხელფასი 53 ლარით გაიზარდა
● საქართველოს ყოველი მეშვიდე მოქალაქე სოციალური შემწეობის დახმარებას იღებს
● “საქსტატის” მონაცემებით 2020 წელს პროდუქტები მნიშვნელოვნად გაძვირდა
● აპრილის თვეში ჯანდაცვა 13.8 პროცენტით გაძვირდა
● საქსტატმა ახალი საარსებო მინიმუმი თვეში 178 ლარით და 10 თეთრით განსაზღვრა

______________________________________________________________

საქართველოს სტატისტიკის ეროვნული სამსახურმა დათვალა, რამდენით შემცირდა პანდემიის დროს საქართველოს ეკონომიკა 2020 წელს. საქსტატის მონაცემებით, 2020 წელს საქართველოს ეკონომიკა 6.1 პროცენტით შემცირდა, რაც ბოლო 26 წლის განმავლობაში ვარდნის რეკორდული მაჩვენებელია.

2020 წელს ვარდნა უფრო მეტია, ვიდრე 2008 წელს იყო – მსოფლიო ეკონომიკური კრიზისისა და აგვისტოს ომის ფონზე. ვარდნის მთავარი მიზეზი პანდემია და თვეების განმავლობაში გაგრძელებული ლოქდაუნია. 

საქსტატის მონაცემებით, ყველაზე რთული თვე საქართველოს ეკონომიკისთვის დეკემბერი აღმოჩნდა, როდესაც განსაკუთრებით მძიმე ეპიდემიოლოგიური მდგომარეობის გამო ქვეყანა სრულად იყო ჩაკეტილი.

1994 წლის შემდგომ საქართველოს ეკონომიკა ყოველწლიურად იზრდებოდა, გამონაკლისი მხოლოდ 2009 წელი იყო, როდესაც რუსეთ-საქართველოს ომის გამო ეკონომიკა 3.65 პროცენტით შემცირდა. შედარებისთვის, 2014-2019 წლებში საქართველოს ეკონომიკა საშუალოდ 4,17 პროცენტით იზრდებოდა,