გარდაიცვალა 79 წლის ქალი. ის საბურთალოს კლასტერიდან იყო და 13 ივნისიდან მცხეთის კლინიკაში მკურნალობდა.
მცხეთის საავადმყოფოს კლინიკური დირექტორის, ლიკა მუმლაძის თქმით, გარდაცვლილს გადატანილი ჰქონდა მიოკარდიუმის ინფარქტი და covid-19-თან ერთად თანმხლები ქრონიკული დაავადებებიც ჰქონდა.
ამ დროისთვის საქართველოში კორონავირუსის 1155 შემთხვევაა დადასტურებული, გამოჯანმრთელებულია 929 ადამიანი. უცხოეთიდან სამკურნალოდ გადმოყვანილია საქართველოს 41 მოქალაქე.
კარანტინის რეჟიმშია 6489 მოქალაქე, ხოლო სტაციონარში მეთვალყურეობის ქვეშ – 337.