აფხაზეთმა კორონავირუსის მორიგი რეკორდი დაამყარა - დღეში 63 შემთხვევა

გასულ კვირადღეს აფხაზეთმა COVID-19-ით ინფიცირებულთა დღეში გამოვლენილი რაოდენობით ერთი კვირის წინანდელი “რეკორდი გააუმჯობესა”  – ამ მაჩვენებელმა 63 ადამიანს მიაღწია.

21 ოქტომბრისთვის აფხაზეთში კორონავირუსის გამოვლენილი შემთხვევების რიცხვი ათასს უახლოვდება – 939 ადამიანი. აქედან 255 პაციენტი გამოჯანმრთელდა, 8 ადამიანი გარდაიცვალა.

•აფხაზეთი: რატომ არ სურთ ექიმებს კორონავირუსით ინფიცირებულთა მკურნალობა

 •აფხაზეთი: საპენსიო სასჯელი

ეპიდემიის გამო, სოხუმის №1 სკოლა ორი კვირით დაიხურა. ამ სკოლაში კორონავირუსით 50 – ზე მეტი ბავშვი დაავადდა, ერთი მასწავლებელი კი გარდაიცვალა.

ხელისუფლებამ უკვე გამოაცხადა, რომ 5 ოქტომბრიდან აფხაზეთში შემზღუდავი ზომები აღდგება, რომლებიც 1 აგვისტოს გაუქმდა. ამასთან, სოციალური ქსელების მომხმარებლების დიდი ნაწილი ზომების დაუყოვნებლივ შემოღებას მოითხოვს.

ჯანდაცვის სამინისტრო იმედოვნებს, რომ წლის ბოლომდე რუსეთიდან Sputnik V ტიპის კორონავირუსის საწინააღმდეგო ვაქცინას მიიღებს.

ჯანდაცვის მინისტრის თამაზ წახნაკიას განცხადებით, აფხაზეთმა რუსეთს ვაქცინა ჯერჯერობთ “ზეპირი” ფორმით სთხოვა. რადგან “ვაქცინის კვლევის მესამე ეტაპი არ დასრულებულა და ამიტომ ის რუსეთშიც ჯერ კიდევ არ არის ფართო გამოყენებაში”. აფხაზეთში დაახლოებით 15-20 ათასი დოზა ვაქცინის მიღების იმედი აქვთ.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო