მოსახლეობის 62 პროცენტი მიიჩნევს, რომ ქვეყანა არასწორი მიმართულებით ვითარდება. IRI-ს კვლევის მთავარი მიგნებები

IRI-ს კვლევის მთავარი მიგნებები

IRI-მ (საერთაშორისო რესპუბლიკური ინსტიტუტი) გამოაქვეყნა ახალი სოციოლოგიური კვლევა, რომლის მიხედვით, მოსახლეობის 62% მიიჩნევს, რომ ქვეყანა არასწორი მიმართულებით ვითარდება, მოწონების რეიტინგში კი გამოკითხულთა 91%-ით პირველ ადგილს კვლავ საქართველოს პატრიარქი ილია მეორე იკავებს.

IRI-ს კვლევის საველე სამუშაოები Polling & Marketing-მა ჩაატარა. მონაცემები შეგროვდა მთელი საქართველოს მასშტაბით 2023 წლის 4-დან 23 მარტამდე, პირისპირ ინტერვიუს მეთოდით. გამოიკითხა საქართველოს 1500 მოქალაქე 18 წლის ზემოთ, ვისაც ხმის მიცემის უფლება აქვს და ეს რაოდენობა გენერალური მოსახლეობის ჭრილში რეპრეზენტატულია ასაკის, სქესის, რეგიონის და დასახლების ზომის მიხედვით. გამოპასუხების მაჩვენებელმა შეადგინა 63%. ცდომილების ზღვარი ±2.5 პროცენტული პუნქტი. კვლევა დაფინანსდა აშშ-ს საერთაშორისო განვითარების სააგენტოს მიერ.

შეკითხვაზე, როგორ ფიქრობთ, ქვეყანა სწორი მიმართულებით ვითარდება თუ არასწორით, პასუხები ასე გადანაწილდა:

• არასწორი – 62%
• სწორი – 30%
• არ ვიცი/უარი პასუხზე – 7%

მოქალაქეებს დაუსვეს კითხვა – “საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით)” / “თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ მისცემდით)”

მათი პირველი არჩევანი ასე გადანაწილდა: 

• ქართული ოცნება – 19% 
• ენმ – 14% 
• საქართველოსთვის (გიორგი გახარია) – 3% 
• გირჩი-მეტი თავისუფლება – 3% 
• ლეიბორისტული პარტია – 2% 
• ლელო – 2% 
• გირჩი – 2% 
• სტრატეგია აღმაშენებელი – 2% 
• ანა დოლიძის პარტია – 2% 
• მოქალაქეები – 2% 
• ალტ-ინფო – 1% 
• დროა – 1% 
• ევროპული საქართველო – 1% 
• პატრიოტთა ალიანსი – <1% 
• ხალხის ძალა – <1%  
• სხვა – <1%
• გაფუჭებული ბიულეტენი – 11% 
• არ მივცემდი ხმას – 5% 
• არ ვიცი – 20% 
• უარი თქვა პასუხის გაცემაზე – 7% 

იმ შემთხვევაში, თუ ბიულეტენზე მათი არჩეული პარტია არ იქნებოდა:

• ქართული ოცნება – 2% 
• ენმ – 3% 
• საქართველოსთვის (გიორგი გახარიას პარტია) – 3% 
• გირჩი-მეტი თავისუფლება – 2% 
• ლეიბორისტული პარტია – 2% 
• ლელო – 3% 
• გირჩი – 1% 
• სტრატეგია აღმაშენებელი – 4% 
• ანა დოლიძის პარტია – 1% 
• მოქალაქეები – 2% 
• ალტ-ინფო – <1% 
• დროა – 3% 
• ევროპული საქართველო – <1% 
• პატრიოტთა ალიანსი – 1% 
• ხალხის ძალა – 2%  
• სხვა – <1%
• გაფუჭებული ბიულეტენი – 6% 
• არ მივცემდი ხმას – 1% 
• არ ვიცი – 19% 
• უარი თქვა პასუხის გაცემაზე – 2%  

ამავე კვლევაში აღნიშნულია, რომელ პარტიას არ დაუჭერდნენ მხარს არავითარ შემთხვევაში. პროცენტები ასე გადანაწილდა: ნაციონალური მოძრაობა – 39%, ქართული ოცნება – 34%, კონსერვატიული მოძრაობა ალტ ინფო – 16%.

კითხვაზე, არსებობს თუ არა საქართველოში ერთი პარტია მაინც, რომელიც თქვენს ინტერესებს გამოხატავს, 42% ამბობს, რომ არა. 29%-ის თქმით, არსებობს ერთი პარტია მაინც, რომელიც ნაწილობრივ გამოხატავს მის ინტერესებს, 25% ამბობს, რომ ერთი პარტია მაინც არის, რომელიც სრულად გამოხატავს მის ინტერესებს, ხოლო 4%-მა არ იცის, ან უარს ამბობს პასუხზე.

● რა გეგმა აქვს ოპოზიციას ხელისუფლების შესაცვლელად?

საერთაშორისო რესპუბლიკური ინსტიტუტის საზოგადოებრივი აზრის კვლევის თანახმად, გამოკითხული მოსახლეობის 76% მიიჩნევს, რომ რუსეთის აგრესია საქართველოს მიმართ ისევ გრძელდება.

მოსახლეობის 17% მიიჩნევს, რომ აგრესია დასრულდა, მაგრამ სავარაუდოდ განახლდება. 5% ფიქრობს, რომ რუსეთის აგრესია საქართველოს მიმართ დასრულდა და არ განახლდება, ხოლო 3% უარს ამბობს პასუხის გაცემაზე/არ იცის პასუხი.

ამავე კვლევის მიხედვით, 60% ეთანხმება, რომ რუსული კანონი ე.წ. აგენტების შესახებ ქვეყნის დასავლურ მისწრაფებებს ძირს გამოუთხრიდა.

კერძოდ, გამოკითხული მოქალაქეები ეთანხმებიან, რომ:

• უცხოური აგენტების კანონის მიღება ძირს გამოუთხრის საქართველოს დასავლურ მისწრაფებებს – 42% (მტკიცედ), 18 (გარკვეულწილად)
• უცხოური აგენტების კანონის მიღება მიზნად ისახავს საქართველოს სამოქალაქო საზოგადოებისა და მედიის გაჩუმებას – 38% (მტკიცედ), 18% (გარკვეულწილად)
• უცხოური აგენტების კანონის მიღება საქართველოს აახლოებს რუსეთთან – 38% (მტკიცედ), 18% (გარკვეულწილად)

რაც შეეხება განცხადებას, რომ რუსული კანონის მიღება საქართველოს ეროვნულ ინტერესებშია, 13% ამას მტკიცედ ეთანხმება, ხოლო 40% – მტკიცედ არ ეთანხმება.

IRI-ს კვლევის თანახმად მოსახლეობის 25% მიიჩნევს, რომ მთავრობის პოლიტიკა პრორუსულია. ამასთან, 21% აღნიშნავს, რომ უფრო მეტად პრორუსულია, ვიდრე პროდასავლური. 17% აღნიშნავს, რომ მთავრობის საგარეო პოლიტიკური კურსი პროდასავლურია, ასევე, 17% ამბობს, რომ უფრო პროდასავლურია, ვიდრე პრორუსული. 

შეკითხვაზე, ჩამოთვლილი ქვეყნებიდან რომელია საქართველოსთვის ყველაზე დიდი პოლიტიკური საფრთხის მომტანი ქვეყანა, მოსახლეობის 87% რუსეთს ასახელებს:

• რუსეთი – 87%
• აშშ – 8%
• თურქეთი 8%
• ირანი – 4%
• სომხეთი – 3%
• აზერბაიჯანი – 3%
• ევროკავშირი – 3%
• უკრაინა – 2%
• არ ვიცი/უარი პასუხზე – 6%

ამასთან, კვლევის თანახმად, მოსახლეობის ნახევარზე მეტი ყველაზე დიდი ეკონომიკურ საფრთხედაც რუსეთს ასახელებს:

• რუსეთი – 76%
• თურქეთი – 6%
• აშშ- 5%
• ევროკავშირი -2%
• უკრაინა – 2%

IRI-ს კვლევის თანახმად, მოსახლეობის უმრავლესობა საქართველოს ყველაზე მნიშვნელოვან პოლიტიკურ და ეკონომიკურ პარტნიორად ევროკავშირს ასახელებს.

მოსახლეობის 63% მთავარ პოლიტიკურ პარტნიორად ევროკავშირს ასახელებს, 47% – აშშ-ის, 27% – უკრაინას, 18% – თურქეთს, 16% აზერბაიჯანს, 12% – დიდ ბრიტანეთს, 8%, რუსეთს, 8% სომხეთს, 8% ისრაელს.

რაც შეეხება მთავარ ეკონომიკურ პარტნიორს, 60% ასახელებს ევროკავშირს, 43% – აშშ-ის, 30% – თურქეთს, 22% – აზერბაიჯანს, 21% – უკრაინას, 12% – რუსეთს, 8% – დიდ ბრიტანეთს.

● “რატომ არ გესმით ხალხის მოთხოვნა? მათ უნდათ ევროპა და არა რუსეთი” – საქართველოს პრეზიდენტის გამოსვლა პარლამენტში
● საპროტესტო ბანერები – აგენტების წინააღმდეგ მიმდინარე დემონსტრაციებიდან

IRI-ის კვლევის მიხედვით, უმუშევრობას ქვეყნის უპირველეს პრობლემებად 36% მიიჩნევს, მაღალ ფასებს 19%, სიღარიბეს კი 6%.

სოფლისა და დასახლებისთვის უმნიშვნელოვანესი პირველი ორი პრობლემა იგივეა, თუმცა ასე გამოწვევაა – ინფრასტრუქტურა (13%), წყალი (9%).

კვლევის თანახმად, მოსახლეობის ყველაზე მაღალი მოწონება პატრიარქ ილია მეორეს აქვს (91%). მეორე ადგილზე თბილისის მერი კახა კალაძეა (52%), მას სალომე ზურაბიშვილი მოსდევს – 48%-ით, მეოთხე ადგილზე ირაკლი ღარიბაშვილია 43%-ით. მეხუთე-მეექვსე ადგილს კი, ყოფილი პრემიერმინისტრი გიორგი გახარია და ექსპრეზიდენტი მიხეილ სააკაშვილი იკავებენ – მათ გამოკითხულთა 36-36% ასახელებს.

სრული რეიტინგი ასე გამოიყურება:

• ილია მეორე – 91%%
• კახა კალაძე – 52%
• სალომე ზურაბიშვილი – 48%
• ირაკლი ღარიბაშვილი – 43%
• გიორგი გახარია – 36%
• მიხეილ სააკაშვილი – 36%
• ბიძინა ივანიშვილი – 35%
• შალვა ნათელაშვილი – 35%
• ელენე ხოშტარია – 33%
• გიორგი ვაშაძე – 33%
• ალეკო ელისაშვილი – 31%
• ირაკლი კობახიძე – 31%
• მამუკა ხაზარაძე – 29%
• შალვა პაპუაშვილი 27%
• ლევან ხაბეიშვილი – 27%
• ბადრი ჯაფარიძე – 26%
• ზურაბ გირჩი ჯაფარიძე – 26%
• პეტრე ცისკარიშვილი – 19%
• გიგა ბოკერია – 17%
• პაატა მანჯგალაძე – 9%

რაც შეეხება ინსტიტუტებს, 77%-ს ყველაზე მეტად ქართული ჯარი მოსწონს, 72%-ს – საქართველოს საპატრიარქო, 63%-ს – პოლიცია, ხოლო 62%-ს – მედია. სრული სია ასე გამოიყურება:

საზოგადოებრივი აზრის კვლევის თანახმად, გამოკითხული მოსახლეობის 43% მიხეილ სააკაშვილის სხვა ქვეყანაში სამკურნალოდ გადაყვანას მხარს მტკიცედ უჭერს. 

სააკაშვილის სხვა ქვეყანაში სამკურნალოდ გადაყვანას:

• გარკვეულწილად ემხრობა- 18%
• მტკიცედ არ უჭერს მხარს- 26%
• გარკვეულწილად არ უჭერს მხარს- 7%
• არ სურს პასუხის გაცემა/ არ იცის- 6% 

ამავე კვლევის თანახმად, გამოკითხული მოსახლეობის 68% მიიჩნევს, რომ ქვეყნის პოლიტიკა პოლარიზებისკენ მიდის. 

 მოსახლეობის 23% ფიქრობს, რომ ქვეყნის პოლიტიკა კონსენსუსისკენ მიდის, ხოლო 10% უარს ამბობს პასუხის გაცემაზე/არ იცის. 

კითხვაზე, რომელი ქართული მედიის მიერ გაშუქებულ ახალ და პოლიტიკურ ამბებს ენდობიან ყველაზე მეტად, საზოგადოების 35% იმედს ასახელებს, 26% რუსთავი 2-ს, 24% კი ტელეკომპანია პირველს. მოქალაქეებს 2 ტელეკომპანია უნდა დაესახელებინათ.  

• იმედი – 35% (28%-ის პირველი არჩევანი, 7%-ის მეორე არჩევანი) 
• მთავარი არხი – 23% (14%-ის პირველი არჩევანი, 9%-ის მეორე არჩევანი)  
• ტელეკომპანია პირველი – 24% (11%-ის პირველი არჩევანი, 13%-ის მეორე არჩევანი)   
• რუსთავი 2 – 26% (9%-ის პირველი არჩევანი, 17%-ის მეორე არჩევანი)  
• ფორმულა – 8% – (3%-ის პირველი არჩევანი, 5%-ის მეორე არჩევანი)  
• საზოგადოებრივი მაუწყებელი – 6% (3%-ის პირველი არჩევანი, 3%-ის მეორე არჩევანი)  
• პალიტრანიუსი – 2% (<1%-ის პირველი არჩევანი, <1%-ის მეორე არჩევანი)  
• ობიექტივი – 2% (<1%-ის პირველი არჩევანი, 2%-ის მეორე არჩევანი)  
• POSTV – 3% (<1%-ის პირველი არჩევანი, 2%-ის მეორე არჩევანი)  
• ალტ-ინფო – 2% (<1%-ის პირველი არჩევანი, 1%-ის მეორე არჩევანი)  
• სხვა – 9% (4%-ის პირველი არჩევანი, 6%-ის მეორე არჩევანი)  
• არცერთი – 23% 
• არ ვიცი / უარი პასუხზე – 2% 

● დავით კეზერაშვილი თმობს “ფორმულას” საკონტროლო პაკეტს. მან წილის ნახევარი კოლექტივს გადასცა
● ევროკავშირის ელჩი: მაქვს ინფორმაცია, რომ მედია ზეწოლის ქვეშაა

რაც შეეხება თბილისის სატრანსპორტო პოლიტიკას: თბილისის მოსახლეობის 57% დედაქალაქის ახალი სატრანსპორტო პოლიტიკით უკმაყოფილოა

შეკითხვაზე, მოგწონთ თუ არა თბილისის ახალი სატრანსპორტო პოლიტიკა, პასუხები ასე გადანაწილდა:

• მტკიცედ არ მოსწონს – 35%
• გარკვეულწილად არ მოსწონს – 22%
• არ სურს პასუხის გაცემა/ არ იცის – 4%
• მტკიცედ მოსწონს – 14%
• გარკვეულწილად მოსწონს – 25%

აღსანიშნავია ისიც, რომ გამოკითხული მოსახლეობის 79% არ უჭერს მხარს, რუსეთის მოქალაქეების საქართველოში თავისუფლად უვიზოდ შემოსვლას, ბიზნესის რეგისტრირებასა და ქონების შეძენას.

კვლევის მიხედვით:

• 13% მხარს უჭერს რუსეთის მოქალაქეების საქართველოში თავისუფლად უვიზოდ შემოსვლას
• 7% მხარს უჭერს რუსეთის მოქალაქეების მიერ ბიზნესის რეგისტრირებას
• 4% მხარს უჭერს რუსეთის მოქალაქეების მიერ ქონების შეძენას
• 5% უარს ამბობს პასუხის გაცემაზე/ არ იცის პასუხი

კითხვაზე, ყველაზე კარგად რომელი პასუხი ასახავს თქვენს შეხედულებას, უკრაინის ომის შემდეგ, საქართველოში ჩამოსულ რუსებზე?

• 37% ამბობს, რომ რუსეთის მოქალაქეები არ უნდა შემოუშვან საქართველოში, სანამ რუსეთი არ დააბრუნებს ოკუპირებულ ტერიტორიებს 
• 29%-ს ურჩევნია, რომ რუსებმა დატოვონ ქვეყანა
• 25% ამბობს, რომ აიტანენ რუსებს, რადგან ისინი ეკონომიკისთვის აუცილებლობას წარმოადგენენ
• 4% მიიჩნევს, რომ რუსებს საქართველოში კარგად იღებენ
• 1% სხვა პასუხი
• 5%-მა უარი განაცხადა პასუხის გაცემაზე/არ იცის პასუხი.