ჰელსინკის კომისია: სომხეთი მოსკოვს შორდება, საქართველოს მთავრობა რუსეთისკენ არის გადახრილი
ჰელსინკის კომისია სომხეთზე და საქართველოზე
აშშ-ს ჰელსინკის კომისია აქვეყნებს წერილს, რომელშიც ვკითხულობთ, რომ საქართველოს მთავრობის პრორუსული და არალიბერალური ქმედებები სერიოზულად შემაშფოთებელია იმის ფონზე, რომ “რუსეთი ცდილობს რეგიონში გავლენის შენარჩუნებას” და მთელი სამხრეთ კავკასია “ძალიან მნიშვნელოვან” და საფრთხილო პოზიციაშია.
რას წერს ჰელსინის კომისია
“სამხრეთ კავკასია სტრატეგიულად დანის წვერზეა. როდესაც რუსეთ ცდილობს რეგიონში გავლენა შეინარჩუნოს რეგიონული კონფლიქტების გაღვივებით, აშშ-მა და მისმა პარტნიორებმა უნდა გადახედონ მათ მიდგომებს.
სომხეთი, ისტორიულად რუსეთის ერთ-ერთი ყველაზე ახლო მოკავშირე, მოსკოვს შორდება. ამავე დროს, აზერბაიჯანი ზრდის მის კავშირებს რუსეთთან და ამას აბალანსებს მის გრძელვადიან პარტნიორთან, NATO-ს წევრ თურქეთთან და ევროკავშირთან თანამშრომლობით.
ამავდროულად, საქართველოს “ქართული ოცნების” მთავრობა რუსეთისკენ და არალიბერალური ორიენტაციისკენ არის გადახრილი და როგორც ჩანს, გვერდს უვლის ქართველი ხალხის პროდასავლურ განწყობებს. ეს გადასვლა, პრორუსული პოზიციისკენ, სერიოზული შეშფოთების საგანია.
შეერთებულმა შტატებმა უნდა გამოიყენოს ორმაგი მიდგომა კავკასიის მიმართ, გაზარდოს ანგარიშვალდებულების ზომები დემოკრატიული უკუსვლისთვის და ამავდროულად, უზრუნველყოს მექანიზმები დასავლურ ინსტიტუტებთან უფრო ღრმა, ძლიერი ინტეგრაციისთვის. წინსვლის გზა არის ის, რაც ჩვენ ერთად უნდა გავკვალოთ”
